ఈ స్థాయికి దిగజారిపోయావా చిట్టినాయుడు.. లోకేశ్‌పై విజయసాయి ఘాటు వ్యాఖ్యలు!

Nara lokesh రెండు రాష్ట్రాల మధ్య జల వివాదాలతో చంద్రబాబు పబ్బం గడుపుకోవాలని చూస్తున్నారని, అది మాత్రం జరగదని వైసీపీ ఎంపీ విజయసాయిరెడ్డి విమర్శించారు.

ప్రధానాంశాలు:తెలుగు రాష్ట్రాల మధ్య జల పంచాయతీ.చంద్రబాబు కుట్రలు చేస్తున్నాడని ఆరోపణ.లోకేశ్‌పై విజయసాయి ఘాటు వ్యాఖ్యలు.ఆంధ్రప్రదేశ్, తెలంగాణ మధ్య కృష్ణా నది జలాల వినియోగంపై పంచాయతీ కొనసాగుతోంది. గత రెండు వారాలుగా ఇదే అంశంపై ఏపీ, తెలంగాణ నేతల మధ్య మాటల తూటాలు పేలుతున్నాయి. అయితే, ఇద్దరు ముఖ్యమంత్రులు కలిసి డ్రామాలాడుతున్నారని ప్రతిపక్షాలు ఆరోపిస్తున్నాయి. రాజకీయ లబ్ది కోసమే ఉద్దేశపూర్వకంగా వివాదం చేస్తున్నారని దుయ్యబడుతున్నాయి. ఎంతో సఖ్యతగా ఉండే కేసీఆర్, జగన్.. ఈ విషయంపై ఒక్క నిమిషం కూర్చుని మాట్లాడుకోలేరా? అంటూ వైఎస్ షర్మిల ఇటీవల వ్యాఖ్యానించిన విషయం తెలిసిందే.

ఇదిలా ఉండగా, ఆంధ్రప్రదేశ్‌లో ఈ అంశంపై అధికార, ప్రతిపక్షాలు దుమ్మెత్తిపోసుకుంటున్నాయి. ముఖ్యంగా టీడీపీని టార్గెట్ చేస్తూ అధికార వైఎస్ఆర్సీపీ విమర్శలు గుప్పిస్తోంది. ప్రస్తుత పరిస్థితికి మాజీ ముఖ్యమంత్రి చంద్రబాబు నాయుడే కారణమని ఎదురుదాడి చేస్తోంది. తాజాగా, వైఎస్ఆర్సీపీ ఎంపీ విజయసాయి రెడ్డి ట్విట్టర్‌లో చంద్రబాబుపై సంచలన వ్యాఖ్యలు చేశారు. జల వివాదంపై ఘర్షణ ముదిరితే బాబు సంబరపడాలని ఎదురుచూస్తున్నారని ఆరోపించారు. ఎంత రెచ్చగొట్టినా న్యాయమే గెలుస్తుందని అన్నారు.

‘కృష్ణా నది జలాల ఘర్షణ వాతావరణం ముదిరితే చూసి సంబరపడాలని ఎదురు చూస్తున్నాడు ప్రజా ద్రోహి బాబు.. ఎవరు, ఎంత రెచ్చగొట్టినా న్యాయమే గెలుస్తుంది. మధ్యలో నీ బోటివాళ్లు శాడిస్టులుగా, కుట్రదారులుగా మిగిలిపోతారు తప్ప రాజకీయంగా పొందే ప్రయోజనం ఏమీ ఉండదు నక్క జిత్తులు బాబూ’ అంటూ ఘాటుగా ట్వీట్ చేశారు.

‘నకిలీ ఆత్మహత్య లేఖలతో శవాలపై పేలాలు ఏరుకునే స్థాయికి దిగజారిపోయావా చిట్టి నాయుడు.. నీ తండ్రి నీమీద ఎన్నో ఆశలు పెట్టుకున్నాడు.. కానీ నీవల్లే పార్టీ కోలుకోలేని స్థాయికి పతనమైందని పార్టీ నాయకులంతా ఘోషిస్తున్నా అర్థం కావడం లేదా? మంత్రిగా చేసిన వాడివి ఇలాంటి చిల్లరమల్లర వేషాలేంటి?’ అంటూ లోకేశ్‌కు చురకలంటించారు.

Leave a Reply

Your email address will not be published. Required fields are marked *

Next Post

IPL XIలో ధోనీకి చోటివ్వని సూర్యకుమార్.. ఆ కండీషన్ కారణమా..?

Sat Jul 10 , 2021
భారత కామెంటేటర్ హర్షాభోగ్లే పెట్టిన ఓ రెండు కండీషన్ల కారణంగా తన ఐపీఎల్ ఎలెవన్ జట్టులోకి మహేంద్రసింగ్ ధోనీని సూర్యకుమార్ యాదవ్ ఎంపిక చేయలేదా..? మరేదైనా కారణముందా..?