వైఎస్ క్యాబినెట్‌లో పనిచేసిన మంత్రులు, సహచరులకు విజయమ్మ ఆహ్వానం!

దివంగత ముఖ్యమంత్రి వైఎస్ రాజశేఖర్ రెడ్డి సతీమణి విజయమ్మ.. ఆయన మంత్రివర్గంలో పనిచేసిన సభ్యులు, రాజకీయ సహచరులకు ఫోన్‌చేసి వర్దంతి కార్యక్రమానికి ఆహ్వానిస్తున్నారు.

ప్రధానాంశాలు:సెప్టెంబరు 2న వైఎస్ వర్ధంతి కార్యక్రమం.హైదరాబాద్‌లో నిర్వహించనున్న విజయమ్మ.వైఎస్ మంత్రులకు ఫోన్లు చేసి ఆహ్వానం.దివంగత ముఖ్యమంత్రి వై.ఎస్‌.రాజశేఖర్‌రెడ్డి వర్ధంతి సందర్భంగా సెప్టెంబరు 2న ఆయన సతీమణి వైఎస్ విజయమ్మ హైదరాబాద్‌లో ఓ ప్రత్యేక కార్యక్రమాన్ని నిర్వహించనున్నారు. పార్టీలకు అతీతంగా నిర్వహిస్తున్న ఈ కార్యక్రమానికి వైఎస్ క్యాబినెట్‌లో పనిచేసిన మంత్రులు, రాజకీయ సహచరులను విజయమ్మ ఆహ్వానిస్తున్నట్టు సమాచారం. మాజీ ఎంపీలు కేవీపీ రామచంద్రరావు, ఉండవల్లి అరుణ్‌కుమార్‌, ఉమ్మడి ఆంధ్రప్రదేశ్ పీసీసీ మాజీ అధ్యక్షుడు డి.శ్రీనివాస్‌తోపాటు వైఎస్ మంత్రివర్గంలో పనిచేసిన మంత్రులను విజయమ్మ ఫోన్‌చేసి ఆహ్వానిస్తున్నట్టు తెలిసింది.

చిత్తూరు జిల్లాలో 2009 సెప్టెంబరు 2 రచ్చబండ కార్యక్రమానికి వెళుతూ వైఎస్ రాజశేఖర్‌రెడ్డి హెలికాప్టర్ ప్రమాదంలో దుర్మరణం చెందిన విషయం తెలిసిందే. అయితే, వర్ధంతి రోజున జరిగే కార్యక్రమాలకు గతంలో వైఎస్‌తో కలిసి పనిచేసివారిని ప్రత్యేకంగా ఆహ్వానించడం ఇదే తొలిసారి. తెలంగాణలో షర్మిల సొంత పార్టీని ప్రారంభించిన నేపథ్యంలో విజయమ్మ ఆహ్వానాలపై రాజకీయ వర్గాల్లో తీవ్ర చర్చ జరుగుతోంది. ఎన్నడూ లేనిది ఇప్పుడు ఆహ్వానం పంపడం ఏంటని గుసగుసలాడుకుంటున్నారు.

షర్మిల వైఎస్సార్ తెలంగాణ పార్టీ(వైఎస్సార్‌టీపీ)ని ప్రారంభించగా.. కూతురుకు తల్లి వైఎస్ విజయమ్మ మద్దతుగా నిలిచిన సంగతి తెలిసిందే. ఆవిర్భావ సభలో ఆమె కాంగ్రెస్ పార్టీపై విమర్శలు గుప్పించారు. కాంగ్రెస్ పార్టీ తమ కుటుంబాన్ని రోడ్డున పడేసిందంటూ వైఎస్ విజయమ్మ వ్యాఖ్యలు చేశారు. దీనిపై ఏపీ, తెలంగాణ కాంగ్రెస్ నేతలు తీవ్రంగా స్పందించారు. వైఎస్సార్ పేరును అమ్ముకోవడం ఆపాలని, మీ బిడ్డల గురించి మార్కెటింగ్ మానుకోండి అంటూ ఏపీ పీసీసీ నేత సాకే శైలజానాథ్ తీవ్ర వ్యాఖ్యలు చేశారు.

Leave a Reply

Your email address will not be published. Required fields are marked *

Next Post

తెలంగాణకు భారీ వర్షసూచన... ఆ జిల్లాలకు అలర్ట్

Sun Aug 29 , 2021
కొద్దిరోజులుగా ఎడతెరిపి లేకుండా కురుస్తున్న వర్షాలతో తెలంగాణలో నదులు, చెరువులు పరవళ్లు తొక్కుతున్నాయి. అయితే రాష్ట్రంలో మరో మూడు రోజులు వర్షాలు కురిసే అవకాశముందని వాతావరణ శాఖ వెల్లడించింది.