Dwayne Bravo తడబడ్డాడు.. కానీ ఫాబియన్ అలెన్ పట్టేశాడు

బౌండరీ లైన్ వద్ద వెస్టిండీస్ ఫీల్డర్ ఫాబియన్ అలెన్ లౌక్యంగా వ్యవహరించి అందరితో ప్రశంసలు అందుకుంటున్నాడు. సహచర ఫీల్డర్ డ్వేన్ బ్రావో క్యాచ్ పట్టే సమయంలో తడబడగా..

ప్రధానాంశాలు:బౌండరీ లైన్ వద్ద బ్రావో, అలెన్ సమన్వయంతో క్యాచ్సిక్స్ కొట్టేందుకు ప్రయత్నించిన అరోన్ ఫించ్ ఔట్మ్యాచ్‌లో 6 వికెట్ల తేడాతో గెలిచిన వెస్టిండీస్సోషల్ మీడియాలో వైరల్‌గా మారిన క్యాచ్ వీడియోవెస్టిండీస్, ఆస్ట్రేలియా మధ్య తాజాగా ముగిసిన మూడో టీ20 మ్యాచ్‌లో ఫాబియన్ అలెన్ పట్టిన ఓ క్యాచ్‌ అందర్నీ ఆశ్చర్యపరిచింది. ఎస్‌టీ లూసియా వేదికగా జరిగిన ఈ మ్యాచ్‌లో ఆస్ట్రేలియా కెప్టెన్ అరోన్ ఫించ్ (30: 31 బంతుల్లో 2×4) క్రీజులో సెటిలైన తర్వాత గేర్ మార్చే ప్రయత్నం చేశాడు. ఈ క్రమంలో ఇన్నింగ్స్ 12వ ఓవర్ వేసిన స్పిన్నర్ హెడెన్ వాల్ష్ బౌలింగ్‌లో భారీ షాట్ ఆడేశాడు.

ఆఫ్ స్టంప్‌కి వెలుపలగా పడిన బంతిని లాంగాన్ దిశగా సిక్స్ కోసం అరోన్ ఫించ్ హిట్ చేయగా.. బాగా ఎత్తులోకి వెళ్లిన బంతిని బౌండరీ లైన్ వద్ద ఫీల్డర్ డ్వేన్ బ్రావో క్యాచ్ పట్టేలా కనిపించాడు. కానీ.. అతని చేతి నుంచి బౌన్స్ అయిన బంతి.. కింద పడిపోతుండగా.. అతి కష్టంమీద డ్వేన్ బ్రావో మళ్లీ దాన్ని అందుకునే ప్రయత్నం చేశాడు. కానీ.. అతని చేయి తాకిన బంతి పక్కకి బౌన్స్ అయ్యింది. అయితే.. మిడ్ వికెట్ నుంచి అప్పటికే డ్వేన్ బ్రావోని సమీపించిన మరో ఫీల్డర్ ఫాబియన్ అలెన్.. రెప్పపాటులో పక్కకి డైవ్ చేస్తూ ఆ బంతిని క్యాచ్‌గా అందుకున్నాడు. దాంతో.. వెస్టిండీస్ ఊపిరి పీల్చుకుంది.

ఈ మ్యాచ్‌లో ఫస్ట్ బ్యాటింగ్ చేసిన ఆస్ట్రేలియా నిర్ణీత 20 ఓవర్లలో 6 వికెట్ల నష్టానికి 141 పరుగులు చేయగా.. లక్ష్యాన్ని వెస్టిండీస్ 14.5 ఓవర్లలోనే 142/4తో ఛేదించేసింది. క్రిస్‌గేల్ (67: 38 బంతుల్లో 4×4, 7×6) మెరుపు హాఫ్ సెంచరీనమోదు చేయగా.. బౌలింగ్‌లో ఫాబియన్ అలెన్ 4 ఓవర్లు వేసి 26 పరుగులిచ్చి మిచెల్ మార్ష్ వికెట్ పడగొట్టాడు. ఇక నాలుగో టీ20 బుధవారం జరగనుంది.

Leave a Reply

Your email address will not be published. Required fields are marked *

Next Post

అసమ్మతిని అణచివేతకు చట్టాల దుర్వినియోగం తగదు.. సుప్రీం జడ్జ్ సంచలన వ్యాఖ్యలు

Tue Jul 13 , 2021
ప్రజాస్వామ్యంలో ప్రతి ఒక్కరికీ నిరసన తెలిపే హక్కుంటుందని, అటువంటి వారిపై ఉగ్రవాద చర్యలను నియంత్రించే చట్టాలను ప్రయోగించడం సమంజసం కాదని న్యాయమూర్తి జస్టిస్ చంద్రచూడ్ అన్నారు.