India's T20 captain రేసులో హిట్‌మ్యాన్.. అధికారిక ప్రకటనే తరువాయి

విరాట్ కోహ్లీతో పోలిస్తే రోహిత్ శర్మకే టీ20ల్లో కెప్టెన్‌గా మెరుగైన రికార్డ్ ఉంది. దాంతో.. గత రెండేళ్ల నుంచి అతనికి టీ20 పగ్గాలు ఇవ్వాలనే డిమాండ్ పెద్ద ఎత్తున వినిపిస్తోంది. తాజాగా కోహ్లీ నిర్ణయంతో..

ప్రధానాంశాలు:టీ20 కెప్టెన్సీలో రేసులో రోహిత్ శర్మటీ20 వరల్డ్‌కప్ తర్వాత కెప్టెన్సీకి కోహ్లీ గుడ్ బైఈరోజు అధికారికంగా ప్రకటించిన విరాట్ కోహ్లీఇప్పటికే 19 మ్యాచ్‌లకి కెప్టెన్సీ వహించిన హిట్‌మ్యాన్ భారత టీ20 జట్టు కెప్టెన్సీ నుంచి వైదొలుగుతున్నట్లు గురువారం విరాట్ కోహ్లీ అధికారికంగా ప్రకటించాడు. యూఏఈ, ఒమన్ వేదికగా అక్టోబరు 17 నుంచి నవంబరు 14 వరకూ టీ20 వరల్డ్‌కప్ జరగనుండగా.. ఈ మెగా టోర్నీ ముగిసిన తర్వాత కెప్టెన్సీ నుంచి తప్పుకోనున్నట్లు కోహ్లీ స్పష్టం చేశాడు. దాంతో.. కోహ్లీ స్థానంలో ఎవరు టీ20 జట్టుని నడిపిస్తారు..? అనే చర్చ మొదలైంది.

భారత్ టీ20 జట్టులో కెప్టెన్సీ అనుభవం ఉన్న ఆటగాళ్లలో సీనియర్ ఓపెనర్ రోహిత్ శర్మ ముందు వరుసలో ఉన్నాడు. విరాట్ కోహ్లీకి విశ్రాంతినిచ్చిన సమయంలో జట్టుని కెప్టెన్‌గా నడిపిస్తూ వచ్చిన రోహిత్ శర్మ.. ఇప్పటి వరకూ 19 టీ20 మ్యాచ్‌లకి సారథ్యం వహించాడు. ఈ నేపథ్యంలో.. రోహిత్ శర్మనే కెప్టెన్ అవడం లాంఛనంగానే కనిపిస్తోంది. 2018లో శ్రీలంక గడ్డపై జరిగిన నిదహాస్ ట్రోఫీలోనూ కెప్టెన్‌గా భారత్ జట్టుని రోహిత్ శర్మ విజేతగా నిలిపిన విషయం తెలిసిందే.

ఐపీఎల్‌లోనూ రోహిత్ శర్మకి మెరుగైన రికార్డ్ ఉంది. అతని కెప్టెన్సీలోని ముంబయి ఇండియన్స్ ఇప్పటికే ఐదు సార్లు టైటిల్ విజేతగా నిలిచింది. మరోవైపు ఇప్పటి వరకూ కనీసం ఒక్క ఐసీసీ టైటిల్ కూడా కెప్టెన్‌గా గెలవని విరాట్ కోహ్లీ.. ఐపీఎల్‌లోనూ రాయల్ ఛాలెంజర్స్ బెంగళూరుకి టైటిల్ అందించలేకపోయాడు.

Leave a Reply

Your email address will not be published. Required fields are marked *

Next Post

విరాట్ కోహ్లీ నిర్ణయం ఎలా లీకైంది..? కవర్ చేసిన బీసీసీఐ పెద్దలు

Thu Sep 16 , 2021
విరాట్ కోహ్లీ టీ20 కెప్టెన్సీ నుంచి వైదొలగబోతున్నట్లు మూడు రోజుల క్రితమే ఎలా లీకైంది. ఆ వార్త నిజమైనా.. బీసీసీఐ పెద్దలు ఎందుకు కవర్ చేస్తూ మాట్లాడారు.