అఫ్గన్ పరిస్థితి చూశాక మిమ్మల్ని నమ్మేదెవరు.. అమెరికాపై చైనా ఘాటు వ్యాఖ్యలు

అఫ్గనిస్థాన్‌లో ప్రస్తుత పరిస్థితులకు అమెరికాయే కారణమనే విమర్శలు వెల్లువెత్తుతున్నాయి. రెండు దశబ్దాలు అఫ్గన్ గడ్డపై పోరాటం చేసి, అక్కడ సైనికులకు శిక్షణ ఇచ్చినా ఎటువంటి ప్రతిఘటన లేకుండా తాలిబన్లకు లొంగిపోయారు.

ప్రధానాంశాలు:దక్షిణ చైనా సముద్రంపై చైనా ఆధిపత్యం.డ్రాగన్‌‌పై భారత్ సహా పలు దేశాలు ఆగ్రహం.కమలా హ్యారిస్ వ్యాఖ్యలపై చైనా కౌంటర్.అఫ్గనిస్థాన్ నుంచి తన సైన్యాలను అస్తవ్యస్తంగా ఉపసంహరించుకోవడం అమెరికా ‘స్వార్థపూరిత’ విదేశాంగ విధానానికి ఉదాహరణ అంటూ మంగళవారం చైనా ఘాటు వ్యాఖ్యలు చేసింది. ఆసియా జలాల్లో ఆధిపత్యం కోసం అమెరికా బెదిరింపులకు పాల్పడుతోందని ఆరోపించింది. సింగ్‌‌పూర్‌లో పర్యటిస్తున్న కమలా హ్యారిస్ మీడియాతో మాట్లాడుతూ.. ఆసియా పట్ల అమెరికా నిబద్ధత.. అంతర్జాతీయ నిబంధనలకు కట్టుబడి ఉన్న ప్రాంతీయ మిత్రదేశాలకు భరోసా ఇవ్వడానికి సహకరిస్తోందని అన్నారు.

‘దక్షిణ చైనా సముద్రంలో అధిక భాగం తమదేనని వాదనలు చేస్తున్న చైనాకు గట్టి కౌంటర్ ఇచ్చారు. ఈ వ్యాఖ్యలపై చైనా విదేశాంగ శాఖ అధికార ప్రతినిధి వాంగ్ వెన్బిన్ మాట్లాడుతూ.. బెదిరింపులతో ఆధిపత్యాన్ని రక్షించుకోవడానికి అంతర్జాతీయ నియమాలంటూ మభ్యపెడుతున్నారని ఆరోపించారు. ‘అఫ్గనిస్థాన్‌లో ప్రస్తుత సంఘటనలు అమెరికా మాట్లాడే నియమాలు, విధానాలు ఏమిటో స్పష్టంగా చెబుతున్నాయి’ అని ఆయన మీడియా సమావేశంలో చెప్పారు.

‘ఒక సార్వభౌమ దేశంలో అమెరికా సైనిక జోక్యాన్ని ఇష్టపూర్వకంగా నిర్వహించగలదు.. ఆ దేశంలో ప్రజల బాధలకు బాధ్యత వహించాల్సిన అవసరం లేదు’ అని వాంగ్ అన్నారు. ‘మొదట అమెరికాను రక్షించడానికి, ఏకపక్షంగా అణచివేయడం, బలవంతం చేయడం.. ఎటువంటి చెల్లింపులు చేయకుండా ఇతర దేశాలను వేధించడం.. ఇది అమెరికా కోరుకునే విధానం… కానీ ఇప్పుడు వాటిని ఎవరు నమ్ముతారు?’ అని వాంగ్ వెన్బిన్ ఘాటు వ్యాఖ్యలు చేశారు.

అఫ్గనిస్థాన్ నుంచి చైనా సైన్యాలు ఉపసంహరణ ప్రక్రియ ప్రారంభమైన తర్వాత తాలిబన్లతో చైనా లోపాయికారీ సంబంధాలు కొనసాగించింది. తాలిబన్ల ఆక్రమించుకున్న తర్వాత వారికి స్నేహహస్తం అందించడానికి సిద్ధమయ్యింది. అమెరికాను దెబ్బకొట్టాలంటే ఇదే సరైన సమయమని డ్రాగన్ భావించి.. వ్యూహాత్మకంగా ముందుకు వెళుతోంది. గత నెలలో చైనాలో పర్యటించిన తాలిబన్ ప్రతినిధులు.. ఆ దేశ విదేశాంగ మంత్రితో భేటీ అయి తమ నుంచి ఎటువంటి ముప్పు ఉండదని హామీ ఇచ్చారు.

Leave a Reply

Your email address will not be published. Required fields are marked *

Next Post

వాల్‌నట్స్ తింటే ఎక్కువ రోజులు బతుకుతారట..

Tue Aug 24 , 2021
ప్రస్తుత రోజుల్లో ఆరోగ్యంగా ఉండడం కోసం చాలామంది రకరకాలుగా ప్రయత్నాలు చేస్తున్నారు. ఎవరెన్ని ప్రయత్నాలు చేసినా కూడా కేవలం ఆరోగ్యం కోసమే. ఈ విషయాన్ని దృష్టిలో ఉంచుకుని అనేక మంది ఆరోగ్యం పేరు చెప్పి అమాయకులను మోసం చేస్తున్నారు. అయినా కానీ అందరూ ఆరోగ్యం కోసం ఎంత ఖర్చైనా చేయడానికి వెనుకాడట్లేదు.