Rahul Dravid తిట్లకి గేర్ మార్చిన ధోనీ.. ఆశ్చర్యపోయిన సెహ్వాగ్

భారత్ జట్టులోకి వచ్చిన కొత్తలో మహేంద్రసింగ్ ధోనీ చాలా దూకుడుగా బ్యాటింగ్ చేసేవాడు. ఈ క్రమంలో గెలుపు ముంగిట అతను వికెట్ చేజార్చుకున్న సందర్భాలు కూడా ఉన్నాయి. కానీ..

ప్రధానాంశాలు:పాకిస్థాన్‌తో సిరీస్‌లో తొందరపడిన ధోనీసీరియస్‌గా క్లాస్ పీకిన రాహుల్ ద్రవిడ్సిరీస్‌లో ఆటతీరు మార్చుకుని ఫినిషర్‌గా ఎదిగిన ధోనీద్రవిడ్ క్లాస్ పీకిన తీరుని వివరించిన సెహ్వాగ్భారత్ జట్టులోకి అరంగేట్రం చేసిన కొత్తలో మహేంద్రసింగ్ ధోనీకి మాజీ కెప్టెన్ రాహుల్ ద్రవిడ్ గట్టిగా క్లాస్ పీకినట్లు మాజీ ఓపెనర్ వీరేంద్ర సెహ్వాగ్ వెల్లడించాడు. 2005-06లో పాకిస్థాన్ గడ్డపై టీమిండియా పర్యటించగా.. వన్డే సిరీస్‌లో దూకుడుగా ఆడిన ధోనీ.. అప్పట్లో పాకిస్థాన్ అధ్యక్షుడు పర్వేజ్ ముషారఫ్ నుంచి ప్రశంసలు కూడా అందుకున్నాడు. కానీ.. ఆ సిరీస్‌లో ధోనీ ఓ మ్యాచ్‌లో గెలుపు ముంగిట పేలవంగా వికెట్ చేజార్చుకోవడంపై రాహుల్ ద్రవిడ్ కోప్పడినట్లు ఓ ఇంటర్వ్యూలో వీరేంద్ర సెహ్వాగ్ గుర్తు చేసుకున్నాడు.

‘‘రాహుల్ ద్రవిడ్‌కి చాలా కోపం వచ్చింది. పాకిస్థాన్ గడ్డపై భారత్ జట్టు పర్యటిస్తోంది.. అప్పుడప్పుడే టీమ్‌లో ధోనీ కుదురుకుంటున్నాడు. కానీ.. ఓ మ్యాచ్‌లో గెలుపు ముంగిట ధోనీ పాయింట్‌లో సులువైన క్యాచ్ ఇచ్చి పెవిలియన్‌కి వచ్చాడు. దాంతో.. అతనిపై ద్రవిడ్ కోప్పడిపోయాడు. ఇలానేనా నువ్వు ఆడేది..? మ్యాచ్‌ని నువ్వు ఫినిష్ చేసి ఉండాలి అంటూ ఇంగ్లీష్‌లో ద్రవిడ్ ఎడాపెడా ధోనీని తిట్టేశాడు. ద్రవిడ్‌లా ఇంగ్లీష్ నాకు రాదు.. దాంతో.. సగం విషయం నాకు అర్థమే కాలేదు. అయితే.. తర్వాత మ్యాచ్‌లో ధోనీ బ్యాటింగ్‌కి వచ్చినప్పుడు.. అతను మునుపటి మ్యాచ్ తరహాలో భారీ షాట్లకి వెళ్లలేదు. దాంతో.. నేను అతనికి వద్దకి వెళ్లి ఏం జరిగింది..? అని ప్రశ్నించా. దానికి ధోనీ.. మళ్లీ రాహుల్ ద్రవిడ్‌తో నేను తిట్లు తినలేను.. మ్యాచ్‌ని ఫినిష్ చేసి వెళ్తాను అని చెప్పాడు’’ అని సెహ్వాగ్ వెల్లడించాడు.

ఆ సిరీస్ తర్వాత క్రికెట్ ప్రపంచంలోనే గొప్ప ఫినిషర్‌గా ఎదిగిన ధోనీ.. మ్యాచ్‌లను ముగించడంలో తనకంటూ ప్రత్యేక గుర్తింపు తెచ్చుకున్నాడు. ఈ క్రమంలో టీమిండియా కెప్టెన్‌గా ఎదిగి 2007 టీ20 వరల్డ్‌కప్, 2011 వన్డే ప్రపంచకప్, 2013 ఛాంపియన్స్ ట్రోఫీలోనూ భారత్‌ని విజేతగా నిలిపాడు.

Leave a Reply

Your email address will not be published. Required fields are marked *

Next Post

DA Hike ఉద్యోగుల నెలవారీ జీతం ఎంత పెరుగుతుందంటే?

Fri Jul 16 , 2021
కేంద్ర కేబినెట్ ఇటీవలనే ఉద్యోగులకు డీఏ పెంచుతూ నిర్ణయం తీసుకుంది. డీఏను 17 శాతం నుంచి 28 శాతానికి పెంచారు. దీంతో కేంద్ర ప్రభుత్వ ఉద్యోగులకు, పెన్షనర్లకు ఊరట కలుగనుంది.