టీ20 వరల్డ్‌కప్‌కి కెప్టెన్సీ ఇస్తారనుకున్నా.. కానీ సడన్‌గా ధోనీ: యువరాజ్ సింగ్

ఫస్ట్ టీ20 వరల్డ్‌కప్‌కి కెప్టెన్‌గా వ్యవహరించిన మహేంద్రసింగ్ ధోనీ.. టీమిండియాని విజేతగా నిలిపాడు. కానీ.. ఈ టోర్నీకి తనని కెప్టెన్‌గా ఎంపిక చేస్తారని యువీ ఆశించాడట. దానికి కారణం ఏంటంటే..?

ప్రధానాంశాలు:2007 టీ20 వరల్డ్‌కప్‌లో కెప్టెన్సీని ఆశించిన యువరాజ్ సింగ్ధోనీ చేతికి పగ్గాలిచ్చిన భారత సెలెక్టర్లు ఫైనల్లో పాకిస్థాన్‌ని ఓడించి విజేతగా నిలిచిన భారత్ఆ వరల్డ్‌కప్‌కి దూరంగా సచిన్, గంగూలీ, ద్రవిడ్ దక్షిణాఫ్రికా గడ్డపై 2007లో జరిగిన ఫస్ట్ టీ20 వరల్డ్‌కప్‌‌కి తనని భారత సెలెక్టర్లు కెప్టెన్‌గా ఎంపిక చేస్తారని ఆశించినట్లు మాజీ ఆల్‌రౌండర్ యువరాజ్ సింగ్ వెల్లడించాడు. 2007 వన్డే ప్రపంచకప్‌లో రాహుల్ ద్రవిడ్ కెప్టెన్సీలోని భారత్ జట్టు కనీసం గ్రూప్ స్టేజ్‌ని కూడా దాటలేకపోయింది. దాంతో.. అదే ఏడాది జరిగిన టీ20 వరల్డ్‌కప్‌ని సీనియర్ క్రికెటర్లు సౌరవ్ గంగూలీ, సచిన్ టెండూల్కర్, ద్రవిడ్ తదితరులు లైట్ తీసుకున్నారని యువరాజ్ సింగ్ గుర్తు చేసుకున్నాడు. దాంతో.. టీ20 వరల్డ్‌కప్‌కి కెప్టెన్‌గా తాను ఎంపికవుతానని ఆశించినట్లు యువీ చెప్పుకొచ్చాడు.

‘‘వన్డే ప్రపంచకప్‌లో ఘోర పరాజయాల తర్వాత భారత క్రికెట్‌లో గందరగోళ వాతావారణం నెలకొంది. ఆ మెగా టోర్నీ తర్వాత రెండు నెలలు ఇంగ్లాండ్ పర్యటన, ఆ తర్వాత దక్షిణాఫ్రికా, ఐర్లాండ్ టూర్.. అనంతరం టీ20 వరల్డ్‌కప్ జరిగేలా షెడ్యూల్ రూపొందించారు. దాంతో.. దాదాపు 4 నెలలు ఇంటికి దూరంగా క్రికెటర్లు ఉండాల్సి వచ్చింది. ఈ నేపథ్యంలో.. సీనియర్ క్రికెటర్లు బ్రేక్ తీసుకోవాలని ఆశించారు. వారు టీ20 వరల్డ్‌కప్‌ని సీరియస్‌గా తీసుకోలేదు. దాంతో.. నా చేతికి టీమిండియా పగ్గాలు వస్తాయని ఆశించా. కానీ.. సడన్‌గా మహేంద్రసింగ్ ధోనీని కెప్టెన్‌గా ప్రకటించారు’’ అని యువరాజ్ సింగ్ గుర్తు చేసుకున్నాడు.

ఆ టీ20 వరల్డ్‌కప్‌లో భాగంగా ఇంగ్లాండ్‌తో జరిగిన మ్యాచ్‌లో ఫాస్ట్ బౌలర్ స్టువర్ట్ బ్రాడ్‌కి ఒకే ఓవర్‌లో యువరాజ్ సింగ్ ఆరు సిక్సర్లు బాదిన విషయం తెలిసిందే. అప్పుడు నాన్‌స్ట్రైక్ ఎండ్‌లో మహేంద్రసింగ్ ధోనీనే ఉన్నాడు. మొత్తంగా.. ఆ టోర్నీ ఫైనల్లో పాకిస్థాన్‌ని ఓడించిన భారత్.. విశ్వవిజేతగా నిలిచింది.

Leave a Reply

Your email address will not be published. Required fields are marked *

Next Post

ఇసుక రీచ్‌ల పేరిట భారీ మోసం... ఐఏఎస్ అధికారి సంతకాన్నే ఫోర్జరీ చేసిన కేటుగాడు

Thu Jun 10 , 2021
ప్రభుత్వం అమలు చేస్తున్న తీరు గురించి పూర్తిగా తెలుసుకున్న కాకినాడకు చెందిన రామకృష్ణ సతీష్ కుమార్ అనే వ్యక్తి ఈ ఫోర్జరీకి పాల్పడి కోట్లు దండుకున్నాడు.