Virat Kohli అనూహ్య నిర్ణయం.. టీ20 కెప్టెన్సీకి గుడ్ బై

భారత టీ20 జట్టు కెప్టెన్సీకి విరాట్ కోహ్లీ గుడ్ బై చెప్పేశాడు. 2017లో ధోనీ నుంచి పూర్తి స్థాయిలో పగ్గాలు అందుకున్న కోహ్లీ.. వర్క్‌లోడ్ తగ్గించుకునేందుకు ఈ నిర్ణయం తీసుకున్నట్లు వెల్లడించాడు. ఇకపై వన్డే, టెస్టు టీమ్ కెప్టెన్‌గా మాత్రమే కోహ్లీ కొనసాగనున్నాడు.

ప్రధానాంశాలు:టీ20 కెప్టెన్సీకి విరాట్ కోహ్లీ గుడ్ బై2017 నుంచి పూర్తి స్థాయి కెప్టెన్‌గా కోహ్లీటీ20 వరల్డ్‌కప్ తర్వాత నిర్ణయం అమల్లోకిమూడు రోజుల క్రితమే కోహ్లీ నిర్ణయం లీక్టీమిండియా కెప్టెన్ విరాట్ కోహ్లీ అనూహ్య నిర్ణయం తీసుకున్నాడు. యూఏఈ, ఒమన్ వేదికగా అక్టోబరు 17 నుంచి నవంబరు 14 వరకూ టీ20 వరల్డ్‌కప్ జరగనుండగా.. ఈ మెగా టోర్నీ ముగిసిన తర్వాత టీ20 కెప్టెన్సీ బాధ్యతల నుంచి తప్పుకోనున్నట్లు ప్రకటించాడు. 2014లో మహేంద్రసింగ్ ధోనీ నుంచి టెస్టు టీమ్ పగ్గాలు అందుకున్న కోహ్లీ.. 2017 నుంచి వన్డే, టీ20 కెప్టెన్‌గా పూర్తి స్థాయిలో బాధ్యతలు చేపట్టాడు. కానీ.. కోహ్లీ కెప్టెన్సీలో భారత్ జట్టు కనీసం ఒక్క ఐసీసీ టైటిల్ కూడా గెలవలేదు.

కెప్టెన్‌గా విరాట్ కోహ్లీ ఇప్పటి వరకూ ఒక్క ఐసీసీ టైటిల్ కూడా గెలవలేదు. మరోవైపు వైస్ కెప్టెన్ రోహిత్ శర్మ.. కోహ్లీ లేని సమయాల్లో కెప్టెన్‌గా ఉండటమే కాకుండా నిదహాస్ ట్రోఫీలో భారత్ జట్టుని విజేతగా నిలిపాడు. దానికి తోడు అతని కెప్టెన్సీలోని ముంబయి ఇండియన్స్ ఏకంగా ఐదు సార్లు ఐపీఎల్ టైటిల్ విజేతగా నిలిచింది. ఐపీఎల్‌లోనూ రాయల్ ఛాలెంజర్స్ బెంగళూరుకి కనీసం ఒక్క టైటిల్‌ని కూడా కోహ్లీ అందించలేకపోయిన విషయం తెలిసిందే. రోహిత్ శర్మ ఇప్పటికే 19 టీ20ల్లో భారత్ జట్టుని నడిపించగా.. అతనికే టీ20 పగ్గాలు దక్కే అవకాశం ఉంది.

వాస్తవానికి విరాట్ కోహ్లీ టీ20 కెప్టెన్సీ నుంచి వైదొలగబోతున్నట్లు మూడు రోజుల క్రితమే వార్తలు వచ్చాయి. బ్యాటింగ్‌పై ఎక్కువ ఫోకస్ చేసేందుకు.. అలానే పని భారం తగ్గించుకునేందుకు కోహ్లీ ఈ నిర్ణయం తీసుకోతున్నట్లు ఊహాగానాలు వినిపించాయి. కానీ.. బీసీసీఐ సెక్రటరీ జై షాతో పాటు ట్రెజరర్ అరుణ్ ధుమాల్ వాటిని ఖండించారు. కోహ్లీనే మూడు ఫార్మాట్లకీ కెప్టెన్‌గా ఉంటాడని స్పష్టం చేశారు. అయితే.. రోజుల వ్యవధిలోనే కోహ్లీనే స్వయంగా టీ20 కెప్టెన్సీ నుంచి వైదొలుగుతున్నట్లు ప్రకటించడం గమనార్హం.

Leave a Reply

Your email address will not be published. Required fields are marked *

Next Post

ఏం తిన్నా జీర్ణమవ్వట్లేదా.. ఇలా చేయండి..

Thu Sep 16 , 2021
చాలా మంది గట్ హెల్త్ కోసం చాలా రకాల ప్రయత్నాలు చేస్తుంటారు. మీరు కూడా మీ గట్ హెల్త్ ని ఇంప్రూవ్ చేసుకోవాలనుకుంటున్నారా...? అయితే తప్పకుండా మీరు దీని కోసం తెలుసుకోవాలి. మన జీర్ణ వ్యవస్థ తీసుకునే ఆహారాన్ని బ్రేక్ చేస్తుంది. అవి పోషక పదార్థాలు కింద మన బాడీలో ఉండే అన్ని భాగాలకు అందుతాయి.