Virat Kohli ఐపీఎల్ టైటిలే గెలవలేదు.. ఇక ఐసీసీ ట్రోఫీనా..?: సురేశ్ రైనా

విరాట్ కోహ్లీ కెప్టెన్సీలో భారత్ జట్టు ఇప్పటి వరకూ కనీసం ఒక్క ఐసీసీ టైటిల్‌ని కూడా గెలవలేదు. ఐపీఎల్‌లోనూ ఈ స్టార్ బ్యాట్స్‌మెన్‌కి గత కొన్నేళ్లుగా టైటిల్ అందని ద్రాక్షగా మిగిలిపోయింది.

ప్రధానాంశాలు:విరాట్ కోహ్లీ కెప్టెన్సీపై కొనసాగుతున్న విమర్శలు2014 నుంచి కెప్టెన్‌గా కోహ్లీఇటీవల ఐసీసీ టైటిల్ గెలిచే ఛాన్స్ కొద్దిలో మిస్ఐపీఎల్‌లోనూ కెప్టెన్‌గా ఫెయిలవుతున్న కోహ్లీ విరాట్ కోహ్లీ కెప్టెన్సీపై విమర్శలపర్వం కొనసాగుతోంది. న్యూజిలాండ్‌తో ఇటీవల జరిగిన ఐసీసీ వరల్డ్‌ టెస్టు ఛాంపియన్‌షిప్ ఫైనల్లో భారత్ జట్టు ఓడిపోగా.. తుది జట్టు ఎంపిక నుంచి కోహ్లీ కెప్టెన్సీ వైఫల్యాల వరకూ తీవ్ర స్థాయిలో చర్చ జరిగింది. 2014లో భారత టెస్టు టీమ్ పగ్గాలు అందుకున్న కోహ్లీ.. 2017లో పూర్తి స్థాయి కెప్టెన్‌గా మారాడు. కానీ.. ఇప్పటి వరకూ అతని కెప్టెన్సీలో కనీసం ఒక్క ఐసీసీ టైటిల్‌ని కూడా టీమిండియా గెలవలేదు. దాంతో.. కోహ్లీని కెప్టెన్సీ నుంచి తప్పించాలనే అభిప్రాయాలు పెద్ద ఎత్తున వినిపిస్తున్నాయి.

విరాట్ కోహ్లీ కెప్టెన్సీపై తాజాగా భారత మాజీ క్రికెటర్ సురేశ్ రైనా మాట్లాడుతూ ‘‘విరాట్ కోహ్లీ నెం.1 కెప్టెన్. ఈ విషయం కెప్టెన్‌గా అతని రికార్డులే స్పష్టం చేస్తున్నాయి. అలానే బ్యాటింగ్‌లోనూ విరాట్ కోహ్లీ నెం.1. కానీ.. ఇప్పుడు అందరూ అతను కెప్టెన్‌గా ఐసీసీ టైటిల్స్ గెలవలేకపోవడం గురించి మాట్లాడుతున్నారు. అయితే.. అతను ఇంకా కనీసం ఒక్క ఐపీఎల్ టైటిల్ కూడా గెలవలేదు. కెప్టెన్‌గా అతనికి మరికాస్త సమయం కావాలేమో అని నాకు అనిపిస్తోంది. రాబోవు రెండేళ్లలో రెండు టీ20 వరల్డ్‌కప్‌లు, ఒక వన్డే ప్రపంచకప్ జరగనుంది. టోర్నీల్లో ఫైనల్‌కి చేరడం అంత సులువుకాదు. కానీ.. కొన్నిసార్లు కొన్ని మిస్ అవుతాయి’ అని సురేశ్ రైనా చెప్పుకొచ్చాడు.

ఐపీఎల్‌లో రోహిత్ శర్మ కెప్టెన్సీలోని ముంబయి ఇండియన్స్ ఏకంగా ఐదు సార్లు టైటిల్ విజేతగా నిలవగా.. ధోనీ కెప్టెన్సీలోని చెన్నై మూడు సార్లు టైటిల్‌ని ముద్దాడింది. కానీ.. కోహ్లీ కెప్టెన్సీలోని బెంగళూరు కనీసం ఒక్కసారి కూడా ఐపీఎల్ విజేతగా నిలవలేకపోయింది. ఐపీఎల్ 2021 సీజన్‌లోని మిగిలిన మ్యాచ్‌లు సెప్టెంబరు 19 నుంచి యూఏఈ వేదికగా స్టార్ట్ కాబోతున్నాయి.

Leave a Reply

Your email address will not be published. Required fields are marked *

Next Post

టమాటాలు తింటే కాన్సర్స్ రావా..

Mon Jul 12 , 2021
సాధారణంగా మనం టమాటాలతో ఎన్నో రకాల వంటకాలను చేసుకుంటాం. టమాటా పప్పు, టమాటా రసం మొదలు ఎన్నో కూరల్లో టమాటాని వాడుతూ ఉంటాం. రెగ్యులర్‌గా ఉపయోగించే ఈ టమాటాల్లో నిజంగా ఆరోగ్యానికి మేలు చేసే ఎన్నో ప్రయోజనాలు ఉన్నాయని నిపుణులు చెబుతున్నారు. మరి ఇక ఆలస్యం వాటి కోసం మనం ఇప్పుడే తెలుసుకుందాం.