టీటీడీ బోర్డు నియామకంపై వివాదం.. ట్విస్ట్ ఇచ్చిన కేంద్రమంత్రి, ఏపీ సీఎం జగన్‌కు సంచలన లేఖ

టీటీడీ బోర్డు సభ్యులు, 50 మంది ప్రత్యేక ఆహ్వానితుల నియామకం తీవ్ర చర్చనీయాంశమవుతోంది. హైదరాబాద్‌కు చెందిన వ్యాపారవేత్త వై.రవిప్రసాద్‌ను తాను వ్యక్తిగతంగా కానీ, తన శాఖ తరఫున కానీ సిఫార్సు చేయలేదని స్పష్టం చేస్తూ కిషన్‌రెడ్డి ఆంధ్రప్రదేశ్‌ ముఖ్యమంత్రి వైఎస్‌ జగన్‌కు లేఖ రాశారు

ప్రధానాంశాలు: రవిప్రసాద్‌ను నేను సిఫార్సు చేయలేదుటీటీడీ ప్రత్యేక ఆహ్వానితుడిగా నియామకంపై కేంద్ర మంత్రి కిషన్‌రెడ్డివిచారణ జరిపించాలని ఏపీ సీఎం జగన్‌కు లేఖఆంధ్రప్రదేశ్ ప్రభుత్వం ఇటీవల ప్రకటించిన తిరుమల తిరుపతి దేవస్థానం(టీటీడీ) బోర్డు సభ్యులు, 50 మంది ప్రత్యేక ఆహ్వానితుల నియామకం వివాదం చెలరేగుతోంది. హైదరాబాద్‌కు చెందిన వ్యాపారవేత్త వై.రవిప్రసాద్‌ను కేంద్ర మంత్రి కిషన్‌రెడ్డి సిఫార్సుతోనే ప్రత్యేక ఆహ్వానితుడిగా నియమించారంటూ శనివారం సోషల్‌మీడియాలో వైరల్ అయింది. ఈ వ్యవహారంపై స్పందించిన కిషన్‌రెడ్డి ఆ ప్రచారాన్ని తీవ్రంగా ఖండించారు.

రవిప్రసాద్‌ను తాను వ్యక్తిగతంగా కానీ, తన శాఖ తరఫున కానీ సిఫార్సు చేయలేదని స్పష్టం చేస్తూ కిషన్‌రెడ్డి ఆంధ్రప్రదేశ్‌ ముఖ్యమంత్రి వైఎస్‌ జగన్‌కు లేఖ రాశారు. ఈ విషయంలో వ్యక్తిగతంగా కలగజేసుకుని తప్పుడు సమాచారాన్ని ప్రచారం చేస్తున్న వారిపై తగిన చర్యలు తీసుకోవాలని సీఎం జగన్‌ని లేఖలో కోరారు. నల్గొండ జిల్లాకు చెందిన వై.రవిప్రసాద్‌ హైదరాబాద్‌లో స్థిరపడ్డారు. ఆయనకు నిర్మాణ, స్థిరాస్తి, ట్రేడింగ్‌, హోటళ్లు, రెస్టారెంట్‌ ఇలా అనేక వ్యాపారాలున్నాయి. గాయత్రీ వైష్ణోయ్‌ కన్‌స్ట్రక్షన్స్‌, శ్రీ వైష్ణోయ్‌ ప్రాజెక్టులతో పాటు 20కిపైగా సంస్థలకు డైరెక్టర్‌గా వ్యవహరిస్తున్నారు. కిషన్‌రెడ్డి తాజా లేఖతో రవిప్రసాద్‌ను ఎవరు సిఫార్సు చేశారన్నది తీవ్ర చర్చనీయాంశంగా మారింది.

టీటీడీ బోర్డులో అవకాశం కల్పించిన తమిళనాడు, మహారాష్ట్ర సభ్యులపై నియామకంపైనా వివాదం చెలరేగుతోంది. జగన్‌ అక్రమాస్తుల కేసులో ఈడీ విచారణ ఎదుర్కొంటున్న ఇండియా సిమెంట్స్‌ అధినేత శ్రీనివాసన్‌ను కొత్త బోర్డులోనూ సభ్యుడిగా కొనసాగించారు. ప్రత్యేక ఆహ్వానితుడిగా నియమితులైన తమిళనాడుకు చెందిన ఒకరిపై కేసులున్నాయి. మహారాష్ట్ర నుంచి నియమితులైన ఓ సభ్యుడిపైనా సీబీఐ కేసు ఉన్నట్లు తెలిసింది. దీంతో రాజకీయ పార్టీల సిఫార్సులు చేస్తే చాలు ఎలాంటి విచారణ లేకుండానే సభ్యులను, ప్రత్యేక ఆహ్వానితులను నియమించారన్న ఆరోపణలు వస్తున్నాయి.

Leave a Reply

Your email address will not be published. Required fields are marked *

Next Post

అలర్ట్... తెలంగాణలో రెండ్రోజులు భారీవర్షాలు

Sun Sep 19 , 2021
హైదరాబాద్‌: తెలంగాణ నుంచి రాయలసీమ మీదుగా తమిళనాడు వరకూ 900 మీటర్ల ఎత్తున గాలులతో ఉపరితల ద్రోణి ఏర్పడింది. బంగాళాఖాతం వాయవ్య ప్రాంతంలో 1500 మీటర్ల ఎత్తున గాలులతో ఉపరితల ఆవర్తనం ఉంది.