పాపం, రోజా.. చూస్తే జాలేస్తోంది, పదవి రాలేదని.. రేవంత్ రెడ్డి సంచలన వ్యాఖ్యలు

వైసీపీ ఎమ్మెల్యే ఆర్కే రోజాపై తెలంగాణ పీసీసీ చీఫ్ రేవంత్ రెడ్డి తనదైన శైలిలో వ్యంగ్యాస్త్రాలు సంధించారు.

వైఎస్సార్ కాంగ్రెస్ పార్టీ ఫైర్ బ్రాండ్, నగరి ఎమ్మెల్యే ఆర్కే రోజాపై తెలంగాణ పీసీసీ అధ్యక్షుడు రేవంత్ రెడ్డి తనదైన శైలిలో విమర్శలు గుప్పించారు. రేవంత్ రెడ్డి.. ఓ కోవర్డ్ రెడ్డి అని, తెలుగు దేశం పార్టీ మనిషి అని రోజా వ్యాఖ్యానించిన విషయం తెలిసిందే. రోజా విమర్శలపై రేవంత్ రెడ్డి తనదైన శైలిలో స్పందించారు. ఈ మేరకు శుక్రవారం రేవంత్ రెడ్డి మీడియాతో మాట్లాడుతూ ఘాటైన వ్యాఖ్యలు చేశారు. వైసీపీ ఎమ్మెల్యే రోజా పాపం ఆడపిల్ల కదా, జాలిపడదామంటూ చురకలంటించారు. మంత్రి పదవి రాలేదన్న బాధలో రోజా ఉన్నారని.. ఈ మధ్య ఆమె ఆరోగ్యం కూడా బాగోలేదని ఎద్దేవా చేశారు.

అంతకు ముందు, తెలంగాణ, ఏపీ ముఖ్యమంత్రులు కేసీఆర్, జగన్‌ల మధ్య ఉన్న స్నేహ బంధంపై రేవంత్ రెడ్డి సంచలన వ్యాఖ్యలు చేశారు. కేసీఆర్ తిరుపతిలో పర్యటించినప్పుడు.. ఎమ్మెల్యే రోజా ఇంట్లోనే జగన్, కేసీఆర్ మంతనాలు జరిపారని సంచలన కామెంట్స్ చేశారు. ఈ కామెంట్స్‌పై రోజా తనదైన శైలిలో విరుచుకుపడ్డారు. తెలంగాణ పీసీసీ అధ్యక్షుడు రేవంత్ రెడ్డి ఒక‌ కోవర్ట్ రెడ్డి అని రోజా ఘాటైన విమర్శలు గుప్పించారు.

తన ఇంట్లో సీఎంలు కేసీఆర్, జగన్‌ల మంతనాలు జరిగాయని రేవంత్ రెడ్డి అంటున్నారనీ, జగన్ మా ఇంటికి ఎప్పుడు వచ్చాడో రేవంత్ రెడ్డి నిరూపించాలని ఎమ్మెల్యే రోజా సవాల్ విసిరారు. కేసీఆర్ దైవ దర్శనం కోసం తమిళనాడుకు వెళ్తూ మార్గం మధ్యలో ఉన్న మా ఇంటికి వచ్చారే తప్ప ఎలాంటి మంతనాలు జరపలేదని స్పష్టం చేశారు. ఆయన రేవంత్ రెడ్డా, కోవర్ట్ రెడ్డో ముందు చెప్పాలని అన్నారు. పచ్చ మీడియాతో కలిసి చేస్తున్న రాజకీయం చూస్తుంటే రేవంత్ రెడ్డి ఒక కోవర్ట్ రెడ్డి అని అర్థమవుతోందన్నారు. మీ నాయకుడు చంద్రబాబు నాయుడు 28 రకాల వంటకాలతో కేసీఆర్‌కు దగ్గరుండి భోజనం తినిపించిన విషయాన్ని రేవంత్ ఎందుకు మాట్లాడటం లేదని రోజా నిలదీశారు. ఈ క్రమంలోనే రోజా విమర్శలపై రేవంత్ రెడ్డి వ్యంగ్యాస్త్రాలు సంధించారు.

Leave a Reply

Your email address will not be published. Required fields are marked *

Next Post

ఆయన కోస్తాకి వస్తే కారం పెడతారు.. వైసీపీ ఎంపీ ఘాటు వ్యాఖ్యలు

Sat Jul 10 , 2021
టీడీపీ జాతీయ అధ్యక్షుడు చంద్రబాబుపై మరోమారు షాకింగ్ కామెంట్స్ చేశారు వైసీపీ కీలక నేత, ఎంపీ విజయసాయి రెడ్డి. చంద్రబాబు హైదరాబాద్ దాటి ఏపీకి వస్తే పరిస్థితులు దారుణంగా ఉంటాయంటూ సెటైర్లు వేశారు.