టోక్యో ఒలింపిక్స్‌కి మెడిటేషన్ పార్ట్‌నర్‌‌గా Dhyana.. అథ్లెట్స్‌కి రింగ్

మెడిటేషన్‌కి భారత్‌‌లో ఘనమైన చరిత్ర ఉంది. ఇండియన్ ఒలింపిక్ అసోసియేషన్ ఇప్పుడు ఆ మెడిటేషన్‌కి ‘ధ్యాన రింగ్’ ద్వారా మరింత గుర్తింపునివ్వబోతోంది. ఒలింపిక్స్‌ చరిత్రలో ఓ మెడిటేషన్‌ డివైస్‌ని అథ్లెట్స్ వినియోగించబోతుండటం ఇదే తొలిసారి.

ప్రధానాంశాలు:జపాన్‌లోని టోక్యో వేదికగా జులై 23 నుంచి ఒలింపిక్స్ స్టార్ట్అథ్లెట్స్‌కి ధ్యాన రింగ్‌ని ఇవ్వబోతున్న ఐఓఏఒలింపిక్స్‌లో అథ్లెట్ మెడిటేషన్ డివైస్ వాడబోతుండటం ఇదే ఫస్ట్ టైమ్అథ్లెట్స్ ఏకాగ్రతని ధ్యాన రింగ్ మరింత పెంచుతోందన్న గోపీచంద్క్రీడాకారులు విజయం సాధించాలంటే మొదట ఒత్తిడిని జయించడం తెలుసుండాలి. మరీ ముఖ్యంగా.. ఒలింపిక్స్ లాంటి ప్రపంచ వేదికలపై పోటీపడే సమయంలో అథ్లెట్స్‌ శారీరకంగానే కాదు మానసికంగానూ అలసిపోతుంటారు. వారిలో మళ్లీ ఉత్తేజం నింపి.. ఆటపై ఏకాగ్రతని పెంచాలంటే ధ్యానం సరైన మార్గమని ఇండియన్ ఒలింపిక్ అసోసియేషన్ (ఐఓఏ) భావిస్తోంది. ఈ మేరకు టోక్యో ఒలింపిక్స్‌కి అఫిషియల్ మెడిటేషన్ పార్ట్‌నర్‌గా ‘ధ్యాన’ని ఐఓఏ ప్రకటించింది. ఈ మెగా టోర్నీలో పోటీపడే క్రీడాకారులకి స్మార్ట్ రింగ్‌‌లను కూడా ఐఓఏ అందించబోతోంది. ఈ రింగ్ ద్వారా క్రీడాకారుల ఏకాగ్రతపై కోచ్‌లకి అవగాహన మరింత పెరగనుంది.

జపాన్‌లోని టోక్యో వేదికగా జులై 23 నుంచి ఒలింపిక్స్‌ ప్రారంభంకానుండగా.. ఈ మెగా టోర్నీలో పోటీపడే క్రీడాకారుల కోసం ధ్యాన హెల్త్ మేనేజ్‌మెంట్ సేవల్ని వినియోగించుకోనున్నట్లు ఐఓఏ తెలిపింది. ఈ కరోనా వేళ ఆటగాళ్లు బయో- సెక్యూర్ బబుల్‌లో ఉండనుండటంతో మానసికంగానే కాదు.. ఆటపరంగానూ మెరుగయ్యేందుకు ఈ సేవలు ఉపయోగపడతాయని ఐఓఏ చెప్పుకొస్తోంది.

Rajeev Mehta Secretary General – IOA with the smart Dhyana ring
ధ్యాన స్మార్ట్ రింగ్‌ని భారత బ్యాట్మింటన్ దిగ్గజం పుల్లెల గోపీచంద్, ఆక్స్‌ఫర్డ్ యూనివర్సిటీ ఆల్మస్, బయో మెడికల్ టెక్నాలజీ ఎంటర్‌ప్రెన్యూర్ భైరవ శంకర్ డెవలప్ చేశారు. ఈ రింగ్ ధరించిన వారి హార్ట్ బీట్ వేరిబిలిటీ (హెచ్ఆర్‌వీ)తో పాటు హార్ట్‌బీట్ మధ్య గ్యాప్‌ని కూడా లెక్కించొచ్చు. అలానే మెడిటేషన్‌లో అథ్లెట్ బ్రీతింగ్, ఫోకస్‌, రిలాక్సేషన్‌‌పై కూడా సులువుగా ఓ అంచనాకి రావొచ్చు. ఈ ధ్యాన రింగ్స్‌ని ఇప్పటికే పుల్లెల గోపీచంద్ ప్రయోగాత్మకంగా తన స్టూడెంట్స్‌కి అందజేసి.. ఫలితాల్ని సమీక్షించారు.

‘‘టోక్యో ఒలింపిక్స్‌ అథ్లెట్స్‌కి పెద్ద సవాల్ విసరబోతోంది. నా కెరీర్‌ మొత్తం ప్లేయర్‌గానే కాదు కోచ్‌గా కూడా మెడిటేషన్‌ ద్వారా ఎక్కువ లబ్ది పొందాను. ఈ ధ్యాన రింగ్ ద్వారా ఆటగాళ్లు సమర్థంగా పోటీకి సిద్ధమవ్వగలరు’’ అని పుల్లెల గోపీచంద్ ధీమా వ్యక్తం చేశారు. ‘‘ధ్యాన రింగ్ సైంటిపిక్‌గా ఒత్తిడిని లెక్కించగలదని మా రీసెర్చ్‌లో తేలింది. మెడిటేషన్ ద్వారా ఫోకస్, పాజిటివ్ స్టేట్ ఆఫ్ మైండ్ పెరుగుతుంది’’ అని భైరవ శంకర్ వెల్లడించారు.

Leave a Reply

Your email address will not be published. Required fields are marked *

Next Post

వైసీపీకి బిగ్ షాక్? తేల్చిచెప్పిన లోక్‌సభ స్పీకర్.. రఘురామ సేఫ్.!

Mon Jul 12 , 2021
రఘు రామకృష్ణ రాజుపై తక్షణం అనర్హత వేటు వేయాలని వైసీపీ తీవ్ర ఒత్తిడి చేస్తున్న నేపథ్యంలో లోక్ సభ స్పీకర్ ఓం బిర్లా స్పందించారు. రఘురామ వ్యవహారంపై కీలక వ్యాఖ్యలు చేశారు.