నేడు టీఆర్ఎస్ ఆవిర్భావ దినోత్సవం.. నిరాడంబరంగా వేడుకలు

ఈసారి పార్టీ వార్షికోత్సవ వేడుకలపై కరోనా ఎఫెక్ట్ పడింది. దీంతో అంతా కోవిడ్ నిబంధనలు పాటించి సెలబ్రేషన్స్‌లో పాల్గొనాలని పిలుపు నిచ్చారు మంత్రి కేటీఆర్.

ప్రధానాంశాలు:2001లో ఏప్రిల్ 27న పార్టీ ఆవిర్భావం కరోనా ఎఫెక్ట్‌తో నిరాడంబరంగా వేడుకలునిబంధనలు పాటిస్తూ గులాబీ జెండాలు ఎగరేయాలన్న కేటీఆర్ఇవాళ తెలంగాణ రాష్ట్ర సమితి ( TRS) 20వ వార్షికోత్సవం. 2001లో ఏప్రిల్ 27న ఆవిర్భవించిన పార్టీ తెలంగాణ రాష్ట్ర సమితి (TRS). హైదరాబాద్‌లోని హుస్సేన్ సాగర్ ఒడ్డున ఉన్న జలదృశ్యంలో కేసీఆర్ నాయకత్వంలో టీఆర్ఎస్ పార్టీ పురుడు పోసుకున్న సంగతి తెలిసిందే. 2001,ఏప్రిల్ 27న ఆ పార్టీ ఆవిర్భవించింది. నాటి కార్యక్రమంలో పాల్గొన్నవారిలో అత్యధికులు 1969నాటి ఉద్యమ కారులు, విద్యావంతులు, మేధావులే. పార్లమెంటరీ పంథాలో తెలంగాణ రాష్ట్ర సాధనే ఏకైక ఎజెండాగా టీఆర్ఎస్ ఆవిర్భవించింది. అప్పట్లో ఉద్యమ ఊపిరిగా మారిన కేసీఆర్.. రాష్ట్రంలో యువతను పెద్దవారిని అందర్నీ ఏక తాటిపై నడిపించారు.

అయితే ప్రతీ ఏటా ఘనంగా నిర్వహించే ఈ సంబరాలు కరోనా నేపథ్యంలో ఈసారి మాత్రం నిరాడంబరంగా జరగనున్నాయి. హైదరాబాద్‌తో పాటు రాష్ట్రంలోని ప్రతిచోటా కరోనా నిబంధనలు పాటిస్తూ ప్రజాప్రతినిధులు, ముఖ్యనాయకులు, కార్యకర్తలు గులాబీ జెండాలను ఎగురవేయాలని పార్టీ కార్యనిర్వాహక అధ్యక్షుడు, మంత్రి కేటీఆర్ కోరారు. కేసీఆర్ నాయకత్వంలో తెలంగాణ రాష్ట్రాన్ని సాధించి… తెలంగాణను అభివృద్ది పథంలో ముందుకు తీసుకెళ్తున్న టీఆర్ఎస్ పార్టీ గులాబీ జెండాను ప్రతీ ఇంటిపై ఎగరవేద్దామన్నారు.

అయితే కరోనా నేపథ్యంలో పార్టీ వార్షికోత్సవ వేడుకలను ఘనంగా జరపలేకపోతున్నామని చెప్పారు.
ఓవైపు కేసీఆర్.. మరోవైపు కేటీఆర్ సైతం కరోనా బారిన పడటంతో ఈసారి వేడుకలు మరింత కళతప్పాయి.
పార్టీ ఆవిర్భావం నుంచీ టీఆర్ఎస్ పార్టీ వార్షికోత్సవాలను ఘనంగా నిర్వహిస్తోంది. ప్లీనరీ, భారీ బహిరంగ సభలు జరుపుతోంది. 2019లో పార్లమెంటు ఎన్నికల కారణంగా వాటిని నిర్వహించలేదు. 2020లో కరోనా వల్ల సభ, ప్లీనరీలను రద్దు చేసింది.

ఈ ఏడాది కూడా ప్రారంభంలోనే కరోనా తీవ్రత కొంత తగ్గడంతో 20వ వార్షికోత్సవాలను ఏప్రిల్‌లో పెద్దఎత్తున ప్లీనరీని జరపాలని భావించింది. వరంగల్‌ లేదా హైదరాబాద్‌ శివార్లలో పది లక్షల మందితో సభకు యోచించింది. అయితే కరోనా రెండోదశ ప్రారంభం కావడంతో కేసుల సంఖ్య భారీగా పెరిగింది. ఈ నేపథ్యంలో ప్లీనరీ, సభలను రద్దు చేసి… వేడుకల్ని నిరాడంబరంగా జరపాలని పార్టీ సూచించింది.

Leave a Reply

Your email address will not be published. Required fields are marked *

Next Post

ఇప్పుడు ఇంటర్‌నెట్, మేకలు, గొర్రెలా.. పవన్ కళ్యాణ్ సంచలన వ్యాఖ్యలు

Tue Apr 27 , 2021
'ఆక్సిజన్, అత్యవసరమైన మందులపై ముఖ్యమంత్రి వైఎస్ జగన్ దృష్టిపెట్టి మన రాష్ట్రం రోమ్‌ కాదు.. మన పాలకులు నీరో వారసులూ కారు అని నిరూపించాలి' అన్నారు.