తెలంగాణ హైకోర్టుకు సెలవులు.. రెండు రోజులే అత్యవసర కేసుల విచారణ

హైకోర్టుకు వచ్చేనెల నుంచి సెలవులు ప్రకటించారు. వేసవి దృష్ట్యా అత్యవసర కేసులను మాత్రమే విచారణ చేపట్టనున్నారు. దీనికోసం ప్రత్యేక ధర్మాసనాలు ఏర్పాటు చేశారు.

తెలంగాణ హైకోర్టుకు సెలవులు ప్రకటించారు. వచ్చే నెల (మే) 3వ తేదీ నుంచి 31వ తేదీ వరకు హైకోర్టుకు వేసవి సెలవులు ప్రకటించారు. వేసవి సెలవుల్లో అత్యవసర కేసుల విచారణ నిమిత్తం ప్రత్యేక ధర్మాసనాలు ఏర్పాటు చేశారు. మొదటి బెంచిలో హైకోర్టు న్యాయమూర్తులు జస్టిస్‌ గండికోట శ్రీదేవి, జస్టిస్‌ ఏ. అభిషేక్‌రెడ్డితో కూడిన ధర్మాసనం, జస్టిస్‌ టి. వినోద్‌కుమార్‌ నేతృత్వంలోని ఏకసభ్య ధర్మాసనం మే 6, 13 తేదీల్లో అత్యవసర కేసులపై విచారణ చేపడుతుంది.

రెండో వెకేషన్‌ బెంచిలో జస్టిస్‌ అభినంద్‌ కుమార్‌ షావిలి, జస్టిస్‌ బి. విజయ్‌సేన్‌రెడ్డితో కూడిన ధర్మాసనం, జస్టిస్‌ కె. లక్ష్మణ్‌ నేతృత్వంలోని ఏకసభ్య ధర్మాసనం మే 20, 27 తేదీల్లో కేసుల విచారణ చేపట్టనున్నది. ఇప్పటికే కరోనా కారణంగా అత్యవసర కేసుల్ని మాత్రమే హైకోర్టు విచారిస్తోంది.

Leave a Reply

Your email address will not be published. Required fields are marked *

Next Post

ధరలు తగ్గించండి.. వ్యాక్సిన్ సంస్థలకు కేంద్రం రిక్వెస్ట్

Tue Apr 27 , 2021
Covid Vaccination in India దేశంలో కరోనా వైరస్ తీవ్రత దృష్ట్యా వ్యాక్సినేషన్ ప్రక్రియ మరింత వేగంగా జరిగేందుకు విధానాలను కేంద్రం సమీక్షించిన విషయం తెలిసిందే.