జర్నలిస్ట్ రఘు అరెస్ట్‌ వ్యవహారంపై.. డీజీపీకి హైకోర్టు ఆదేశం

ఈనెల 14 లోపు ఆ వివరాలు అన్నీ రఘు కుటుంబ సభ్యులకు ఇవ్వాలని హైకోర్టు డీజీపీకి ఆదేశాలు జారీ చేసింది. రఘు భార్య హైకోర్టులో పిటిషన్ దాఖలు చేశారు. దీంతో కేసుల వివరాలు అన్నీ ఇవ్వాలని కోర్టు ఆదేశించింది.

ప్రధానాంశాలు:జర్నలిస్ట్ రఘు అరెస్ట్‌పై హైకోర్టులో పిటిషన్పిటిషన్ వేసిన రఘు భార్యకేసుల వివరాలు ఇవ్వాలని డీజీపీకి ఆదేశం జర్నలిస్టు రఘుపై తెలంగాణ డీజీపీకి హైకోర్టు కీలక ఆదేశాలు జారీ చేసింది. రఘుపై నమోదైన కేసుల వివరాలు వారి కుటుంబ సభ్యులకు ఈనెల 14లోగా ఇవ్వాలని డీజీపీని హైకోర్టు ఆదేశించింది. ఈ మేరకు న్యాయమూర్తి జస్టిస్‌ కె.లక్ష్మణ్‌ బుధవారం ఉత్తర్వులు జారీచేశారు. ఒక కేసు తర్వాత మరో కేసు పెడుతున్నారని, ఈ నేపథ్యంలో రఘుపై ఎన్ని కేసులు ఉన్నాయో చెప్పేలా ఆదేశించాలని కోరుతూ ఆయన భార్య గంజి లక్ష్మీ ప్రవీణ పిటిషన్ దాఖలు చేశారు. దీంతో ఈ పిటిషన్‌‌పై న్యాయమూర్తి విచారణ జరిపారు.

ఒక కేసులో బెయిల్‌ తీసుకుంటే మరో కేసులో ఆయన అరెస్టును చూపించి ఎక్కువ కాలం జైలులో ఉంచేందుకు పోలీసులు ప్రయత్నిస్తున్నారని పిటిషనర్‌ తరఫున న్యాయవాది రజినీకాంత్‌రెడ్డి కోర్టులో వాదనలు వినిపించారు. ఈ నేపథ్యంలో అన్ని కేసుల వివరాలను తెలియజేస్తే బెయిల్‌ కోసం ఆయా కోర్టులను ఆశ్రయిస్తామన్నారు. దీంతో కేసుల వివరాలివ్వాలని వినతిపత్రం సమర్పిస్తే ఇస్తామని ప్రభుత్వ తరఫు న్యాయవాది నివేదించారు. అయితే వినతిపత్రం ఇవ్వాల్సిన అవసరం లేదని, ఈనెల 14లోగా రఘుపై ఎక్కడెక్కడ కేసులు నమోదు చేసింది తెలియజేయాలని డీజీపీకి ఆదేశాలు జారీ చేశారు. ఈ కేసు విచారణను ఈనెల 16కు వాయిదావేశారు.

Leave a Reply

Your email address will not be published. Required fields are marked *

Next Post

తెలంగాణలో స్కూళ్ల ప్రారంభం ఇక అప్పుడే.. ఈ తరగతులకు కాస్త ముందే..

Thu Jun 10 , 2021
Telangana News: విద్యార్థులు నష్టపోకుండా ప్రభుత్వం చర్యలు తీసుకుంటోంది. కరోనా తగ్గు ముఖం పడితే వచ్చే నెలలో రోజు విడిచి రోజు స్కూళ్లు నడిపేందుకు తెలంగాణ ప్రభుత్వం ఏర్పాట్లు చేస్తోంది.