జగన్ అక్రమాస్తుల కేసు: ఆమెకు భారీ ఊరట.. సీబీఐకి హైకోర్టు కీలక ఆదేశాలు

ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి అక్రమాస్తుల కేసులో ఆరోపణలు ఎదుర్కొంటున్న ఐఏఎస్ అధికారి శ్రీలక్ష్మి హైకోర్టులో ఊరట లభించింది.

ప్రధానాంశాలు:తెలంగాణ హైకోర్టులో జగన్ కేసులు విచారణ.ఛార్జ్‌షీట్ నిలిపివేయాలని శ్రీలక్ష్మి పిటిషన్.కఠిన చర్యలు తీసుకోవద్దని సీబీఐకి సూచన.జగన్‌ అక్రమాస్తులు, ఓఎంసీ, ఎమ్మార్‌ కేసుల్లో పలు పిటిషన్లపై తెలంగాణ హైకోర్టులో విచారణ జరిగింది. ఈడీ కేసులను మొదట విచారణ జరపాలన్న సీబీఐ కోర్టు నిర్ణయంపై విజయసాయిరెడ్డి, జగతి పబ్లికేషన్స్‌ పిటిషన్లు దాఖలు చేశాయి. తొలుత సీబీఐ కేసులు విచారించాలని, అలా కుదరకపోతే రెండూ సమాంతరంగా విచారణ జరపాలని విజయసాయిరెడ్డి తరఫు న్యాయవాది కోరారు. దీనికి ప్రతిగా ఈడీ తరఫున లాయర్ వాదనలు వినిపిస్తూ.. మొదట విచారణ జరిపి అవసరమైతే తీర్పు వాయిదా వేయాలని ప్రతిపాదించారు.

సీబీఐ, ఈడీ కేసుల్లో మొదట ఏది విచారణ జరపాలన్న అంశంపై స్పష్టత లేదని ఇరువైపుల న్యాయవాదులు పేర్కొన్నారు. దీంతో వివిధ కోర్టు తీర్పులను పరిశీలించి సమగ్ర విచారణ జరుపుతామని హైకోర్టు స్పష్టం చేసింది. అలాగే, ఈ కేసుల్లో నిందితులుగా ఉన్న ఐఏఎస్‌ అధికారి శ్రీలక్ష్మిపై కఠిన చర్యలు తీసుకోవద్దని సీబీఐ కోర్టుకు హైకోర్టు మధ్యంతర ఆదేశాలు జారీ చేసింది.

ఓఎంసీ ఛార్జిషీట్‌పై విచారణ నిలిపివేయాలని శ్రీలక్ష్మి దాఖలుచేసిన పిటిషన్‌పై హైకోర్టులో విచారణ జరిగింది. సరిహద్దు వివాదంపై దర్యాప్తు పూర్తయ్యే వరకు విచారణ ఆపాలని ఆమె తరఫు న్యాయవాది కోరారు. అయితే, ఓఎంసీ కేసు దర్యాప్తు పూర్తయిందని, మరో చార్జిషీట్‌ వేయబోమని హైకోర్టుకు సీబీఐ తెలిపింది. దర్యాప్తు అధికారి వాంగ్మూలాన్ని సీబీఐ కోర్టు ఇప్పటికే పరిగణనలోకి తీసుకుందని వివరించింది. దీంతో న్యాయస్థానం జోక్యం చేసుకుంటూ.. మౌఖికంగా చెబితే సరిపోదని, లిఖితపూర్వకంగా సమర్పించాలని ఆదేశించింది.

అప్పటి వరకు సీబీఐ కోర్టులో తనపై విచారణ నిలిపివేయాలని శ్రీలక్ష్మి కోరారు. వాదనలు వినిపించనందుకు సీబీఐ కోర్టు ఇప్పటికే రూ.4వేలు జరిమానా విధించిందని తెలిపారు. అంతేకాదు, జులై 12న వాదనలు వినిపించకపోవతే డిశ్చార్జి పిటిషన్‌పై నిర్ణయం తీసుకుంటామని సీబీఐ కోర్టు చెప్పిన విషయాన్ని శ్రీలక్ష్మి హైకోర్టు దృష్టికి తీసుకొచ్చారు.

దీనిపై స్పందించిన ధర్మాసనం.. శ్రీలక్ష్మిపై కఠిన చర్యలు తీసుకోవద్దని సీబీఐ కోర్టుకు మధ్యంతర ఆదేశాలు జారీ చేసింది. ఎమ్మార్‌ ఈడీ కేసులో కోనేరు ప్రదీప్‌ క్వాష్‌ పిటిషన్‌పై హైకోర్టులో విచారణ జరిగింది. తన సోదరుడు కోనేరు మధుపై కేసును ఎత్తివేయాలని ప్రదీప్‌ కోర్టు దృష్టికి తెచ్చారు. కోనేరు మధుపై కేసు తొలగింపును సుప్రీంకోర్టులో సవాల్‌ చేస్తామని ఈడీ తెలిపింది. కోనేరు ప్రదీప్‌ క్వాష్‌ పిటిషన్‌పై విచారణ జులై 30కి వాయిదా పడింది.

అలాగే, ఈడీ కేసు నుంచి తొలగించాలన్న ఇండియా సిమెంట్స్‌ ఎండీ శ్రీనివాసన్‌ పిటిషన్‌పై కూడా విచారణ జరిగింది. ఈ కేసు నుంచి సీబీఐ తనపేరు తొలగించిందని, ఈడీ కూడా తొలగించాలని శ్రీనివాసన్‌ కోరారు. జగన్‌ అక్రమాస్తులపై ఈడీ కేసులో శ్రీనివాసన్‌ క్వాష్‌ పిటిషన్‌పై విచారణ రెండు వారాలకు వాయిదా పడింది.

Leave a Reply

Your email address will not be published. Required fields are marked *

Next Post

కర్నూలు, విజయనగరంలో ITDR కేంద్రాలు.. ఒక్కో చోట 10 వేలమందికి శిక్షణ

Sat Jul 10 , 2021
కేంద్ర, రాష్ట్ర ప్రభుత్వాలు సంయుక్తంగా ఇన్‌స్టిట్యూట్‌ ఆఫ్‌ డ్రైవింగ్‌ ట్రైనింగ్‌ అండ్ ట్రాఫిక్ రిసెర్చ్‌‌లను ఏర్పాటుచేస్తున్నాయి. ఏపీలో 2016లోనే ఐటీడీఆర్ నిర్మాణ పనులు ప్రారంభమయ్యాయి.