ఈ నెలలో 341 కొవిడ్ మరణాలు.. హైకోర్టుకు ప్రభుత్వం రిపోర్టు

Telangana High Court: ‘ఈ నెల 1 నుంచి 25 వరకు 341 మంది కరోనాతో మృతి చెందారు. రాష్ట్రంలో కరోనా పాజిటివ్‌ రేటు 3.5 శాతం ఉంది. కరోనాపై నిపుణుల కమిటీ సమావేశాలు ఆన్‌లైన్‌ వేదికగానే జరుగుతున్నాయి.’ అని నివేదికలో ప్రభుత్వం పేర్కొంది.

ప్రధానాంశాలు:కరోనా పరిస్థితిపై హైకోర్టుకు ప్రభుత్వం నివేదికఈ నెలలో 341 కొవిడ్ మరణాలని వెల్లడినియంత్రణకు చర్యలు తీసుకుంటున్నట్లు ప్రకటనతెలంగాణలో కరోనా పరిస్థితులపై రాష్ట్ర ప్రభుత్వం హైకోర్టుకు నివేదిక సమర్పించింది. రాష్ట్రంలో చేపడుతున్న కొవిడ్‌ పరీక్షల వివరాలను, కరోనా కట్టడికి చేపడుతున్న చర్యలు, ఇతర అంశాలను ప్రభుత్వం ఇందులో పేర్కొంది. ప్రభుత్వం హైకోర్టుకు సమర్పించిన నివేదికలోని ముఖ్యాంశాలివీ..

‘‘ఈ నెల 1 నుంచి 25 వరకు రాష్ట్రంలో మొత్తం 23.55 లక్షల కరోనా పరీక్షలు నిర్వహించాం. వీటిలో 4.39 లక్షల ఆర్టీపీసీఆర్‌, 19.16లక్షల ర్యాపిడ్‌ పరీక్షలు ఉన్నాయి. కరోనా పరీక్షల పెంపునకు చర్యలు చేపడుతున్నాం. ఈ నెల 1 నుంచి 25 వరకు 341 మంది కరోనాతో మృతి చెందారు. రాష్ట్రంలో కరోనా పాజిటివ్‌ రేటు 3.5 శాతం ఉంది. కరోనాపై నిపుణుల కమిటీ సమావేశాలు ఆన్‌లైన్‌ వేదికగానే జరుగుతున్నాయి. కరోనా కట్టడి కోసం రాష్ట్రంలో మద్యం దుకాణాలు, పబ్‌లు నిబంధనలు పాటించేలా చర్యలు తీసుకుంటున్నాం. మద్యం దుకాణాలను అధికారులు ఎప్పటికప్పుడు తనిఖీ చేస్తూ ఉన్నారు. రాష్ట్రానికి 430 టన్నుల ఆక్సిజన్‌ను కేంద్ర ప్రభుత్వం కేటాయించింది. వివిధ ప్రాంతాల నుంచి ఆక్సిజన్‌ను చేరవేస్తున్నాం. రెమ్‌డెసివర్‌ పర్యవేక్షణ నోడల్‌ అధికారిగా ప్రీతిమీనాను నియమించాం.’’ అని నివేదికలో పేర్కొంది.

Leave a Reply

Your email address will not be published. Required fields are marked *

Next Post

200 మెగాపిక్సెల్ కెమెరా ఫోన్ రూపొందిస్తున్న ఎంఐ.. మరో పెద్ద కంపెనీ కూడా అలా!

Tue Apr 27 , 2021
ప్రముఖ స్మార్ట్ ఫోన్ బ్రాండ్ షియోమీ త్వరలో 200 మెగాపిక్సెల్ కెమెరా ఉన్న ఫోన్ రూపొందించనున్నట్లు తెలుస్తోంది. దీంతోపాటు శాంసంగ్ కూడా 200 మెగాపిక్సెల్ ఐసోసెల్ సెన్సార్‌ను లాంచ్ చేయనుందని వార్తలు వస్తున్నాయి.