Telangana Cabinet అత్యవసర భేటీ.. లాక్‌డౌన్ ఎత్తివేత? కొత్తగా వీటికి అనుమతులిచ్చే ఛాన్స్!

Telangana Lockdown Update: ఎప్పటిలాగే సీఎం కేసీఆర్‌ అధ్యక్షతన శనివారం మధ్యాహ్నం 2 గంటలకు కేబినెట్ భేటీ కానుంది. లాక్‌డౌన్‌ విషయమై తదుపరి నిర్ణయాన్ని ఈ భేటీలో తీసుకొని అనంతరం ప్రకటించనున్నారు.

ప్రధానాంశాలు:శనివారం కేబినెట్ అత్యవసర భేటీలాక్ డౌన్‌పై చర్చసాయంత్రానికి కీలక ప్రకటనKCR: తెలంగాణ రాష్ట్ర మంత్రివర్గం శనివారం మధ్యాహ్నం అత్యవసర ప్రాతిపదికన సమావేశం అయింది. రాష్ట్రంలో ప్రస్తుతం అమలవుతున్న లాక్‌డౌన్‌ 19వ తేదీతో ముగియనుంది. ఈ క్రమంలో రాష్ట్రంలో లాక్‌డౌన్‌ పొడిగించాలా వద్దా? అనే అంశంపై చర్చించనున్నారు. అంతేకాక, మిగతా అంశాలు కూడా మంత్రి వర్గ సమావేశంలో చర్చించనున్నారు. ఎప్పటిలాగే సీఎం కేసీఆర్‌ అధ్యక్షతన శనివారం మధ్యాహ్నం 2 గంటలకు కేబినెట్ భేటీ అయింది. లాక్‌డౌన్‌ విషయమై తదుపరి నిర్ణయాన్ని ఈ భేటీలో తీసుకొని అనంతరం ప్రకటించనున్నారు. రాష్ట్రంలో నమోదవుతున్న వర్షపాతం, వానాకాలం సాగు, వ్యవసాయ అంశాలు, గోదావరిలో నీటి ఎత్తిపోత, జలవిద్యుత్‌ ఉత్పత్తి తదితర అంశాలపై కూడా సమావేశంలో చర్చించనున్నట్లు తెలుస్తోంది.

నిజానికి శుక్రవారం సాయంత్రమే ముఖ్యమంత్రి కేసీఆర్ ప్రగతి భవన్‌లో సమీక్ష నిర్వహించారు. కేసీఆర్‌తో మంత్రులు హరీశ్‌రావు, మహామూద్ అలీ, కొప్పుల ఈశ్వర్, శ్రీనివాస్ గౌడ్‌లు భేటీ అయ్యారు. లాక్ డౌన్ సడలింపుతో పాటు ఐఏఎస్, ఐపీఎస్‌ల బదిలీలపై కీలకంగా చర్చించినట్లు వార్తలు వచ్చాయి. అయితే, 20 తర్వాత లాక్‎డౌన్ పూర్తిగా ఎత్తేయాలా..? లేదా నైట్ కర్ఫ్యూ మాత్రమే విధించాలా..? అనేదానిపై ఈ సమావేశంలోనే చర్చించి ఆ వెంటనే కీలక ప్రకటన చేసే అవకాశాలు కనిపించినట్లు ప్రచారం జరిగింది. కానీ, తాజాగా మంత్రి వర్గ సమావేశం ఏర్పాటు చేయనున్నట్లు ప్రకటించారు.

ఢిల్లీ తరహా అన్‎లాక్‎కు తెలంగాణ ప్రభుత్వం యోచిస్తున్నట్లు తెలుస్తోంది. ప్రస్తుతం తెలంగాణలో కరోనా పాజిటివిటి 1.36 శాతానికి తగ్గిన నేపథ్యంలో కేసీఆర్ సర్కార్ ప్రభుత్వం అన్‎లాక్ చేసే విధంగా అడుగులు వేస్తున్నట్లు వార్తలు వస్తున్నాయి. మరోవైపు.. జులై 1 నుంచి 50 శాతం వరకు ఆక్యుపెన్సీతో థియేటర్లు, బార్లు, జిమ్‎లకు అనుమతి ఇచ్చే అవకాశం ఉంది. ఇలా అన్ని విషయాలపై శనివారం రాత్రిలోపు క్లారిటీ వచ్చే అవకాశాలు కనిపిస్తున్నాయి.

Leave a Reply

Your email address will not be published. Required fields are marked *

Next Post

ఒప్పో రెనో 6జెడ్ స్పెసిఫికేషన్లు లీక్.. మిడ్‌రేంజ్‌లో సూపర్ ఫీచర్లతో?

Fri Jun 18 , 2021
ప్రముఖ స్మార్ట్ ఫోన్ బ్రాండ్ ఒప్పో తన రెనో 6జెడ్ స్మార్ట్ ఫోన్‌ను త్వరలో లాంచ్ చేయనుంది. ఇందులో మీడియాటెక్ డైమెన్సిటీ 800యూ ప్రాసెసర్‌ను అందించనున్నట్లు సమాచారం.