TS Cabinet: ఇక ఏటా జాబ్ క్యాలెండర్, ఇక 50% రిజర్వేషన్లు వాళ్లకే.. కేబినెట్ కీలక నిర్ణయాలు

Telangana Cabinet: ముఖ్యమంత్రి కేసీఆర్‌ నేతృత్వంలో మంగళవారం మధ్యాహ్నం జరిగిన మంత్రివర్గం సమావేశంలో ఈ నిర్ణయం తీసుకున్నారు. ఈ మంత్రివర్గ సమావేశం బుధవారం (జులై 14న) కూడా కొనసాగనుంది.

తెలంగాణలో ప్రభుత్వ ఉద్యోగాల నియామకాల విషయంలో రాష్ట్ర కేబినెట్‌ మరో సంచలన నిర్ణయం తీసుకుంది. ఇక ప్రభుత్వ ఉద్యోగాల నియామకాలకు సంబంధించి ప్రభుత్వం ఏటా జాబ్‌ క్యాలెండర్‌ను అందుబాటులోకి తేవాలని నిర్ణయించింది. ముఖ్యమంత్రి కేసీఆర్‌ నేతృత్వంలో మంగళవారం మధ్యాహ్నం జరిగిన మంత్రివర్గం సమావేశంలో ఈ నిర్ణయం తీసుకున్నారు. ఈ మేరకు అన్ని రకాల పోస్టులలో ఖాళీలను గుర్తించిన తర్వాత ప్రతి సంవత్సరం రిక్రూట్‌మెంట్ కోసం ‘వార్షిక క్యాలెండర్’ను తయారు చేయాలని కేబినెట్ సంబంధిత అధికారులను ఆదేశించింది.

ఏటా ఖాళీల భర్తీ కోసం.. వార్షిక నియామక క్యాలెండర్‌ను తయారు చేసి అందుకు అనుగుణంగా భర్తీ ప్రక్రియ నిర్వహించాలని కేబినెట్ సూచించింది. మరోవైపు ఉద్యోగ ఖాళీల భర్తీ కోసం చేపట్టాల్సిన చర్యలు, ఖాళీల గుర్తింపు కోసం చర్చలను కేబినెట్ బుధవారం చేపట్టనుంది. ఈ సమావేశానికి అన్ని శాఖల ముఖ్య కార్యదర్శులు పూర్తి వివరాలతో హాజరు కావాలని ఆదేశించింది. రేపు మధ్యాహ్నం తిరిగి రెండు గంటలకు తెలంగాణ మంత్రివర్గం సమావేశం మొదలు కానుంది.

50 శాతం సీట్లు స్థానికులకే..
అంతేకాక, ప్రభుత్వ గురుకులాలు, విద్యా సంస్థల్లో స్థానిక రిజర్వేషన్లు కేటాయించాలని కేబినెట్ నిర్ణయించింది. నియోజకవర్గాల విద్యార్థులకు 50 శాతం సీట్లు కేటాయించాలని నిర్ణయించారు. దీంతో స్థానిక విద్యార్థులకు ఆయా విద్యాలయాల్లో మరిన్ని సీట్లు అందుబాటులోకి రానున్నాయి.

పల్లె ప్రగతి, పట్టణ ప్రగతి పురోగతిపై పంచాయతీరాజ్‌, మున్సిపల్‌ శాఖలు కేబినెట్‌కు నివేదిక సమర్పించాయి. నెలలోపు వైకుంఠధామాలు పూర్తి చేయాలని మంత్రులను సీఎం ఆదేశించారు. అన్ని గ్రామాల్లో వీధి దీపాల కోసం ఏర్పాట్టు చేయాలన్నారు.హైదరాబాద్‌ శివారు పురపాలికల్లో నీటి సమస్యపై కేబినెట్‌లో ప్రధానంగా చర్చించారు. తక్షణమే అదనంగా రూ.1,200 కోట్లను సీఎం మంజూరు చేశారు. అలాగే నీటి ఎద్దడి నివారణ చర్యలు, పురపాలికల అభివృద్ధికి ప్రత్యేకంగా లే అవుట్లు అభివృద్ధి చేయాలని ఆదేశించారు. ల్యాండ్‌ పూలింగ్‌ వ్యవస్థ ద్వారా లే అవుట్లు అభివృద్ధి చేయాలని ఆదేశించారు. దీనికి సంబంధించిన విధివిధానాలను అన్వేషించాలని మున్సిపల్‌ అధికారులను ఆదేశించారు.

Leave a Reply

Your email address will not be published. Required fields are marked *

Next Post

అలా చేయండి.. మనం ఫేస్‌ టూ ఫేస్ మాట్లాడుకుందాం.. ఫ్యాన్స్ కృతి కర్బందా ఆఫర్

Tue Jul 13 , 2021
‘తీన్‌మార్’, ‘కందిరీగ’, ‘బ్రూస్‌లీ’ తదితర సినిమాలతో తెలుగు ప్రేక్షకులను అలరించిన నటి కృతి కర్బందా.. తెలుగులో మంచి సక్సెస్ దక్కకపోవడంతో బాలీవుడ్ బాటపట్టింది ఈ భామ. ఈ మధ్యే ఆమె నటించిన ‘14 ఫేరే’ అనే సినిమా ట్రైలర్ విడుదల అయింది.. దానిపై ఆమె వినూత్నంగా ప్రమోషన్ ప్రారంభించింది.