Lord Thakur మీమ్స్‌పై స్పందించిన శార్ధూల్.. అప్పట్లో వీళ్లే తిట్టారు

హార్దిక్ పాండ్యా స్థానంలో పేస్ ఆల్‌రౌండర్ భారత్ టెస్టు టీమ్‌లోకి వచ్చిన శార్ధూల్ ఠాకూర్.. గత కొన్ని నెలలుగా అంచనాలకి మించి రాణిస్తున్నాడు. ఓవల్ టెస్టులో అతను రెండు ఇన్నింగ్స్‌ల్లోనూ…

ప్రధానాంశాలు:టీమ్‌లో ఆల్‌రౌండర్‌గా ఎదిగిన శార్ధూల్ ఠాకూర్ఇంగ్లాండ్ టూర్‌లో వరుస హాఫ్ సెంచరీలులార్ఢ్ ఠాకూర్ అంటూ అభిమానులు ప్రశంసలునాలుగేళ్ల క్రితం అరంగేట్రంలోనే ఠాకూర్‌పై విమర్శలుఇంగ్లాండ్ టూర్‌లో పేస్ ఆల్‌రౌండర్ శార్ధూల్ ఠాకూర్ అంచనాలకి మించి రాణించాడు. భారత్ జట్టు క్లిష్ట పరిస్థితుల్లో ఉన్నప్పుడు బ్యాటింగ్‌తో పాటు బౌలింగ్‌లోనూ సత్తాచాటిన శార్ధూల్ ఠాకూర్.. నయా హీరోగా నిలిచాడు. ఈ ఏడాది ఆరంభంలో ముగిసిన ఆస్ట్రేలియా టూర్‌లోనూ శార్ధూల్ ఠాకూర్ ఆల్‌రౌండర్ ప్రదర్శన కనబర్చాడు. దాంతో.. టీమ్‌లో ఆపద్భాందవుడిగా ఎదిగిన ఠాకూర్‌ని అభిమానులు ముద్దుగా ‘Lord Thakur’ అని పిలుస్తున్నారు. సోషల్ మీడియాలోనూ ఇదే పేరుతో నెటిజన్లు పెద్ద ఎత్తున మీమ్స్‌ని క్రియేట్ చేస్తూ నవ్వులు పూయిస్తున్నారు.

భారత్, ఇంగ్లాండ్ మధ్య కెన్నింగ్టన్ ఓవల్ వేదికగా జరిగిన నాలుగో టెస్టులో రెండు ఇన్నింగ్స్‌ల్లోనూ హాఫ్ సెంచరీలు బాదిన శార్ధూల్ ఠాకూర్.. ప్రమాదకర జో రూట్‌ని కీలక సమయంలో క్లీన్ బౌల్డ్ చేసి మ్యాచ్‌ని భారత్‌ వైపు తిప్పాడు. ఈ మ్యాచ్‌లో రోహిత్ శర్మ సెంచరీ బాది మ్యాన్ ఆఫ్ ద మ్యాచ్‌గా నిలిచినా.. ఆ అవార్డుకి శార్ధూల్ ఠాకూర్ పూర్తి అర్హుడనే అభిప్రాయాలు సోషల్ మీడియాలో వినిపించాయి. మొత్తంగా.. టీమిండియాలో నయా హీరోగా ఠాకూర్ ప్రశంసలు అందుకున్నాడు.

లార్డ్ ఠాకూర్ అని తనని నెటిజన్లు పిలుస్తుండటంపై శార్ధూల్ ఠాకూర్ మాట్లాడుతూ ‘‘సోషల్ మీడియాలో నేను కూడా ఆ పేరుతో పెద్ద ఎత్తున మీమ్స్ చూశాను. వాటిని ఎంజాయ్ చేశాను. నాపై అభిమానులు చూపిస్తున్న ప్రేమకి అది నిదర్శనం. కానీ.. ఆ లార్డ్ అనే పేరుని నేను పట్టించుకోను. నేను ఇంకా సాధించాల్సింది చాలా ఉంది. ఇదే సోషల్ మీడియాలో నెటిజన్లు ఒకప్పుడు జట్టులో నా స్థానాన్ని ప్రశ్నించడాన్ని నేను చూశా’’ అని శార్ధూల్ ఠాకూర్ చెప్పుకొచ్చాడు.

2017లో వన్డేల్లోకి అరంగేట్రం చేసిన శార్ధూల్ ఠాకూర్.. జెర్సీ నెం.10తో మైదానంలోకి వచ్చాడు. దాంతో.. అభిమానులు పెద్ద ఎత్తున అతనిపై విమర్శలు గుప్పిస్తూ..తిట్టిపోశారు. దెబ్బకి పునరాలోచనలో పడిన బీసీసీఐ.. జెర్సీ నెం.10కి రిటైర్మెంట్ ప్రకటించింది. ఇంతకీ ఆ జెర్సీ నెం.10 ఎవరిదో తెలుసు కదా..? సచిన్ టెండూల్కర్.

Leave a Reply

Your email address will not be published. Required fields are marked *

Next Post

కిమ్ దుందుడుకుతనం: రైలుపై నుంచి క్షిపణి పరీక్షలు.. పోటీగా జలాంతర్గామి నుంచి క్షిపణి ప్రయోగించి దక్షిణ కొరియా

Thu Sep 16 , 2021
ఉత్తర కొరియా దుందుడుకు వైఖరి కొనసాగుతోంది. రెండు రోజుల కింద సుదూర లక్ష్యాన్ని చేధించే క్రూయిజ్ క్షిపణిని పరీక్షించినట్టు ఉత్తర కొరియా.. మరో రెండు బాలిస్టిక్ క్షిపణులను ప్రయోగించినట్టు మీడియా వెల్లడించింది.