అలా చేస్తే రాజీనామాలకు మేం సిద్ధం… వైసీపీకి టీడీపీ ఎంపీల సవాల్

వైజాగ్ స్టీల్ ప్లాంట్ విషయంలో వైఎస్సార్సీపీ తెలుగుదేశం పార్టీ ఎంపీలు సవాల్ విసిరారు. ఉక్కు కర్మాగారాన్ని కాపాడుకునే ఉద్యమానికి వైసీపీ సారథ్యం వహిస్తే తాము రాజీనామాలకు సిద్ధంగా ఉన్నామని ప్రకటించారు.

ప్రధానాంశాలు:వాజపేయి హయాంలో చంద్రబాబు నచ్చజెప్పారుప్రైవేటీకరణ చేస్తే భూమి ఇవ్వబోమంటే కేంద్రం వెనక్కి తగ్గే అవకాశంనిలదీసేందుకు వైసీపీయే నాయకత్వం వహించాలి: రామ్మోహన్‌రాష్ట్రంలో అధికారంలో ఉన్న వైసీపీ ముందుకొచ్చి నాయకత్వం వహిస్తే.. విశాఖ ఉక్కు ఫ్యాక్టరీ ప్రైవేటుపరం కాకుండా రాజీనామాలకు తాము సిద్ధమని తెలుగుపార్టీ ఎంపీలు ప్రకటించారు. శుక్రవారం చంద్రబాబు అధ్యక్షతన టీడీపీ కేంద్ర కార్యాలయంలో జరిగిన పార్లమెంటరీ పార్టీ సమావేశానికి ఎంపీలు హాజరయ్యారు. అనంతరం వారు మాట్లాడుతూ వైసీపీకి సంచలన ప్రతిపాదన చేశారు.

Also Read: యువత నమ్మి ఓటేస్తే ఇంత మోసమా?.. వదిలిపెట్టం: పవన్‌కళ్యాణ్

గతంలో వాజపేయి ప్రధానిగా ఉన్న సమయంలో విశాఖ స్టీల్‌ప్లాంట్ ప్రైవేటీకరణ ప్రతిపాదన వస్తే అప్పుడు సీఎంగా ఉన్న చంద్రబాబు కేంద్రానికి నచ్చజెప్పి దానిని ఆపగలిగారని, ఇప్పుడు సీఎంగా ఉన్న జగన్‌ అదే మాదిరి చొరవ తీసుకోవాలని టీడీపీ ఎంపీలు సూచించారు. భూమి అంశం రాష్ట్ర పరిధిలో ఉన్నందున ప్రైవేటుపరం చేస్తే భూమి ఇవ్వబోమని ఆయన గట్టిగా చెబితే కేంద్రం వెనకడుగు వేసే అవకాశముందన్నారు.

సోమవారం నుంచి ప్రారంభం కానున్న పార్లమెంటు సమావేశాల్లో ఈ అంశంపై కేంద్రాన్ని నిలదీయడానికి వైసీపీ నాయకత్వం వహించాలని డిమాండ్ చేశారు. ఆ పార్టీ ముందుకొస్తే తామంతా రాజీనామాలు చేసేందుకు సిద్ధంగా ఉన్నామని శ్రీకాకుళం ఎంపీ రామ్మోహన్‌నాయుడు స్పష్టం చేశారు. ఎంపీ రఘురామరాజుపై అనర్హత కోసమే వైసీపీ పార్లమెంటులో పోరాటం చేసేలా ఉంది తప్ప విశాఖ ఉక్కు అంశం పట్టడం లేదని ఎద్దేవా చేశారు. ముఖ్యమంత్రి జగన్ బయటకు కంటి తుడుపు మాటలు చెబుతూ లోలోపల పోస్కో కంపెనీ వంటి వారితో బేరసారాలు కుదుర్చుకుంటున్నారని ఆరోపించారు.

ఇరు రాష్ట్రాల జల వివాదాలపై కేంద్రం జారీ చేసిన గెజిట్‌ను అధ్యయనం చేస్తామని, అందులో రాష్ట్ర ప్రయోజనాలకు వ్యతిరేకమైనవి ఏమైనా ఉంటే వాటిపై పోరాడతామని రామ్మోహన్‌నాయుడు అన్నారు. జల వివాదాల పేరుతో ఇరు రాష్ట్రాల ముఖ్యమంత్రులు నాటకాలాడుతున్నారని ఆరోపించారు. జగన్‌రెడ్డి తెలంగాణలో ఉన్న తన ఆస్తులు కాపాడుకోవడానికి, కేసుల్లో అక్కడి ప్రభుత్వం సహకారం కోసం కేసీఆర్‌కు పూర్తిగా పాదాక్రాంతమైపోరని, ఇది రాష్ట్ర ప్రజల దౌర్భాగ్యమని విమర్శించారు.

Leave a Reply

Your email address will not be published. Required fields are marked *

Next Post

రక్తమోడిన రహదారులు.. ఐదుగురు దుర్మరణం

Sat Jul 17 , 2021
రెండు చోట్ల వేర్వేలు ప్రమాదలు జరిగియి. ఈ దుర్ఘటనలో ఆదిలాబాద్ జిల్లాలో ముగ్గురు మృతి చెందగా.. సిరిసిల్ల జిల్లాలో ఇద్దరు కూలీలు దుర్మరణం పాలయ్యారు.