IPL XIలో ధోనీకి చోటివ్వని సూర్యకుమార్.. ఆ కండీషన్ కారణమా..?

భారత కామెంటేటర్ హర్షాభోగ్లే పెట్టిన ఓ రెండు కండీషన్ల కారణంగా తన ఐపీఎల్ ఎలెవన్ జట్టులోకి మహేంద్రసింగ్ ధోనీని సూర్యకుమార్ యాదవ్ ఎంపిక చేయలేదా..? మరేదైనా కారణముందా..?

ప్రధానాంశాలు:ఐపీఎల్ ఎలెవన్ జట్టుని ప్రకటించిన సూర్యకుమార్ యాదవ్వికెట్ కీపర్‌గా జోస్ బట్లర్ ఎంపిక.. ముంబయి టీమ్ నుంచి నలుగురుబెంగళూరు టీమ్ నుంచి విరాట్ కోహ్లీ, ఏబీ డివిలియర్స్‌కి ఛాన్స్ధోనీని ఎంపిక చేయకపోవడంపై తీవ్ర స్థాయిలో విమర్శలుఐపీఎల్‌లో మహేంద్రసింగ్ ధోనీ అప్పుడప్పుడు బ్యాటింగ్‌లో ఫెయిలైనా.. వికెట్ కీపింగ్, కెప్టెన్సీ విషయంలో మాత్రం ఇప్పటికీ తిరుగులేని క్రికెటర్. కానీ.. భారత టాప్ ఆర్డర్ బ్యాట్స్‌మెన్ సూర్యకుమార్ యాదవ్ తాజాగా తాను ఎంపిక చేసిన ఐపీఎల్ ఎలెవన్ జట్టులో ధోనీకి కనీసం చోటివ్వలేదు. దాంతో.. ధోనీ అభిమానులు సూర్యకుమార్ యాదవ్‌పై మండిపడుతుండగా.. కామెంటేటర్ హర్షా భోగ్లే పెట్టిన కండీషన్ కారణంగానే సూర్యకుమార్ యాదవ్ అలా ధోనీని పక్కనపెట్టినట్లు కొందరు నెటిజన్లు అభిప్రాయపడుతున్నారు.

శ్రీలంకలో పర్యటిస్తున్న శిఖర్ ధావన్ కెప్టెన్సీలోని భారత్ జట్టులోకి ఎంపికైన సూర్యకుమార్ యాదవ్‌‌ని.. ఆల్‌టైమ్ ఐపీఎల్ ఎలెవన్ జట్టుని ఎంపిక చేయమని హర్షా భోగ్లే కోరాడు. ఈ క్రమంలో ఓ రెండు కండీషన్లని కూడా సూర్యకుమార్ యాదవ్‌కి హర్షా భోగ్లే పెట్టాడు. మొదటిది ఆ జట్టులో సూర్యకుమార్ యాదవ్‌ ఉండాలి.. రెండోది ముంబయి ఇండియన్స్ టీమ్‌లోని నలుగురు ఆటగాళ్లకి అందులో చోటివ్వాలి. ఈ నిబంధనలకి లోబడి సూర్యకుమార్ యాదవ్ జట్టుని ఎంపిక చేశాడు.

సూర్యకుమార్ యాదవ్ ఐపీఎల్ ఎలెవన్: జోస్ బట్లర్ (వికెట్ కీపర్) (RR), రోహిత్ శర్మ (MI), విరాట్ కోహ్లీ (RCB), సూర్యకుమార్ యాదవ్ (MI), ఏబీ డివిలియర్స్ (RCB), హార్దిక్ పాండ్య (MI), ఆండ్రీ రసెల్ (KKR), రవీంద్ర జడేజా(CSK), రషీద్ ఖాన్ (SRH), జస్‌ప్రీత్ బుమ్రా (MI), మహ్మద్ షమీ (PBKS)

Leave a Reply

Your email address will not be published. Required fields are marked *

Next Post

ఎంఐ సూపర్ ఫాస్ట్ చార్జర్ వచ్చేస్తుంది.. ఏకంగా 67W వేగంతో!

Sat Jul 10 , 2021
ప్రముఖ స్మార్ట్ ఫోన్ బ్రాండ్ షియోమీ తన కొత్త ఫాస్ట్ చార్జర్‌ను త్వరలో లాంచ్ చేయనుంది. అదే ఎంఐ 67W ఫాస్ట్ చార్జర్. జులై 12వ తేదీన ఈ లాంచ్ ఈవెంట్ జరగనుంది.