MS Dhoni ఐపీఎల్‌కి రిటైర్మెంట్ ఇస్తే..? నా నిర్ణయం కూడా అదే: సురేశ్ రైనా

మహేంద్రసింగ్ ధోనీ, సురేశ్ రైనా.. గత దశాబ్దకాలంగా ఆప్తమిత్రులు. టీమిండియాకి, ఐపీఎల్‌లో చెన్నై సూపర్ కింగ్స్ తరఫున సుదీర్ఘకాలం ఆడిన ఈ జోడీ.. రిటైర్మెంట్ విషయంలోనూ …

ప్రధానాంశాలు:ధోనీ ఐపీఎల్ రిటైర్మెంట్‌పై జోరుగా ఊహాగానాాలుధోనీ బాటలోనే తాను రిటైర్మెంట్ ఇస్తానని రైనా స్పష్టీకరణగత ఏడాది ఇలానే ఇంటర్నేషనల్ క్రికెట్‌కి ఇద్దరూ గుడ్ బైఐపీఎల్ 2021 సీజన్‌లో చెన్నై గెలిస్తే..? ధోనీని ఒప్పిస్తానన్న రైనాభారత మాజీ కెప్టెన్ మహేంద్రసింగ్ ధోనీ ఈ ఏడాది ఐపీఎల్‌‌కి రిటైర్మెంట్ ఇవ్వబోతున్నట్లు ఊహాగానాలు వినిపిస్తున్నాయి. కరోనా వైరస్ వ్యాప్తి కారణంగా వాయిదా పడిన ఐపీఎల్ 2021 సీజన్‌.. యూఏఈ వేదికగా సెప్టెంబరు 19 నుంచి రీస్టార్ట్ కాబోతోంది. అయితే.. 40 ఏళ్ల ధోనీకి ఇదే ఆఖరి ఐపీఎల్ సీజన్‌ అని వార్తలు వస్తుండగా.. ఒకవేళ ధోనీ ఈ ఏడాది ఐపీఎల్‌కి రిటైర్మెంట్ ప్రకటిస్తే..? తాను కూడా ఐపీఎల్‌కి గుడ్ బై చెప్పేస్తానని సురేశ్ రైనా స్పష్టం చేశాడు.

భారత్ జట్టులోనే కాదు.. ఐపీఎల్‌లోనూ చెన్నై సూపర్ కింగ్స్‌ టీమ్ తరఫున సుదీర్ఘకాలం ధోనీ, సురేశ్ రైనా కలిసి ఆడారు. వీరి మధ్య స్నేహ బంధం ఎంతలా ఉందంటే..? 2020, ఆగస్టు 15న ఇంటర్నేషనల్ క్రికెట్‌కి ధోనీ రిటైర్మెంట్ ప్రకటించగా.. నిమిషాల్లోనే రైనా కూడా అంతర్జాతీయ క్రికెట్ కెరీర్‌కి గుడ్ బై చెప్పేశాడు. ఐపీఎల్‌లోనూ ఈ జోడి అభిమానులకి ఇలానే షాకిచ్చే సూచనలు కనిపిస్తున్నాయి.

‘‘మహేంద్రసింగ్ ధోనీ ఐపీఎల్ 2022 సీజన్‌లో ఆడకపోతే..? నేను కూడా ఆడను. 2008 నుంచి మేమిద్దరం కలిసి ఆడుతున్నాం. ఒకవేళ ఐపీఎల్ 2021 సీజన్‌ టైటిల్‌ని చెన్నై సూపర్ కింగ్స్ గెలవగలిగితే.. అప్పుడు ఐపీఎల్ 2022 సీజన్‌లో ఆడేలా ధోనీని నేను ఒప్పిస్తాను. ఐపీఎల్ 2022 సీజన్‌లోకి కొత్తగా రెండు జట్లు రాబోతున్నాయి. అయినప్పటికీ నేను చెన్నై తరఫునే ఆడాలని కోరుకుంటున్నాను’’ అని సురేశ్ రైనా వెల్లడించాడు.

Leave a Reply

Your email address will not be published. Required fields are marked *

Next Post

ఎంపీ రఘురామపై రాజద్రోహం కేసుపెట్టిన విశ్రాంత అధికారి సీఐడీ ఓఎస్డీగా!

Sat Jul 10 , 2021
ప్రభుత్వంపై ఓ పథకం ప్రకారమే వ్యాఖ్యలు చేస్తూ కొన్ని ఛానెల్స్‌తో కలిసి కుట్రచేశారని ఆరోపిస్తూ నరసాపురం వైసీపీ ఎంపీ రఘురామకృష్ణరాజుపై రాజద్రోహం కేసు నమోదుచేసిన విషయం తెలిసిందే.