మాస్క్ ధరించని రిషబ్ పంత్‌కి గంగూలీ మద్దతు.. ఆ విమర్శలకి చెక్

రిషబ్ పంత్‌ కరోనా వైరస్ బారినపడటంపై నెటిజన్లు తీవ్ర స్థాయిలో విమర్శలు గుప్పిస్తున్నారు. బ్యాటింగ్‌లో నిర్లక్ష్యంగా షాట్‌లు ఆడేసే పంత్.. నిత్య జీవితంలోనూ అదే నిర్లక్ష్యాన్ని కొనసాగిస్తున్నాడని దుయ్యబట్టారు. కానీ.. గంగూలీ మాత్రం..

ప్రధానాంశాలు:రిషబ్ పంత్‌కి ఈ నెల 8న కరోనా పాజిటివ్మాస్క్ ధరించకుండా స్టేడియంలో కూర్చుని మ్యాచ్‌ని చూసిన పంత్ఇంగ్లాండ్‌తో ఆగస్టు 4 నుంచి టెస్టు సిరీస్ మొదలుబ్రేక్ టైమ్‌లో పంత్ అలా చేశాడన్న గంగూలీఇంగ్లాండ్ గడ్డపై భారత యువ వికెట్ కీపర్ రిషబ్ పంత్ కరోనా వైరస్ బారినపడ్డాడని వెలుగులోకి వచ్చిన తర్వాత.. చాలా మంది నెటిజన్లు అతనిపై తీవ్ర స్థాయిలో విమర్శలు గుప్పించారు. ఇంగ్లాండ్‌తో ఆగస్టు 4 నుంచి సెప్టెంబరు 14 వరకూ ఐదు టెస్టుల సిరీస్‌ని భారత్ జట్టు ఆడాల్సి ఉండగా.. ఇటీవల భారత క్రికెటర్లకి 20 రోజుల బ్రేక్ ఇచ్చారు. ఈ బ్రేక్ సమయంలో యూరో కప్ మ్యాచ్‌లను చూసేందుకు స్టేడియాలకి వెళ్లిన రిషబ్ పంత్‌కి కరోనా సోకింది. దాంతో.. పంత్ ఇప్పుడు ఐసోలేషన్‌లో ఉన్నాడు.

వాస్తవానికి యూరోకప్ మ్యాచ్‌లను చూసేందుకు స్నేహితులతో కలిసి స్టేడియానికి వెళ్లిన రిషబ్ పంత్.. కనీసం మాస్క్ కూడా ధరించలేదు. ఇక సామాజిక దూరం నిబంధనని సైతం విస్మరించిన ఈ భారత వికెట్ కీపర్.. అభిమానులతో క్లోజ్‌గా ఫొటోలకి పోజులిచ్చాడు. ఈ క్రమంలో రిషబ్ పంత్‌కి డెల్టా వేరియంట్ సోకినట్లు తెలుస్తోంది. జూన్ నెల 29న ఇంగ్లాండ్, జర్మనీ మధ్య జరిగిన మ్యాచ్‌కి వెళ్లిన రిషబ్ పంత్‌కి.. ఈ నెల 8న నిర్వహించిన కరోనా వైరస్ పరీక్షల్లో పాజిటివ్‌గా తేలింది. దాంతో.. పంత్ నిర్లక్ష్యంగా వ్యవహరించడంతోనే అతనికి వైరస్ సోకిందని నెటిజన్లు తీవ్ర స్థాయిలో విమర్శలు గుప్పిస్తున్నారు.

రిషబ్ పంత్‌ వైరస్ బారినపడటంపై భారత క్రికెట్ నియంత్రణ మండలి (బీసీసీఐ) అధ్యక్షుడు సౌరవ్ గంగూలీ స్పందించాడు. ‘‘ఇంగ్లాండ్‌లో జరిగిన యూరో ఛాంపియన్‌షిప్, వింబుల్డన్ టోర్నీలకి అభిమానుల్ని స్టేడియంలోకి అనుమతించడాన్ని మనం చూశాం. అభిమానుల కోసం రూల్స్‌ని కూడా టోర్నీ నిర్వాహకులు సడలించారు. ఇక రిషబ్ పంత్ సంగతంటారా..? అతను అప్పుడు బ్రేక్‌లో ఉన్నాడు. అలానే ఎల్లవేళలా మాస్క్ ధరించి ఉండటం చాలా కష్టం’’ అని గంగూలీ చెప్పుకొచ్చాడు.

Leave a Reply

Your email address will not be published. Required fields are marked *

Next Post

ఈ సమాధానాలు చెప్తే చాలు.. ఏకంగా రూ.50 వేలు గెలిచేయచ్చు!

Fri Jul 16 , 2021
అమెజాన్ తన క్విజ్‌లో నేడు(జులై 16వ తేదీ) అడిగిన ప్రశ్నలు, వాటి సమాధానాలు ఇవే. ఈ ఐదు ప్రశ్నలకు సరైన సమాధానాలు చెప్తే రూ.50 వేల నగదు గెలుచుకునే అవకాశం లభిస్తుంది.