Devon Conwayకి ఐసీసీ అవార్డ్.. భారత క్రికెటర్లకి మొండిచేయి

లేడీ వీరేంద్ర సెహ్వాగ్‌గా పేరొందిన షెఫాలి వర్మ అరంగేట్రం టెస్టులోనే బ్యాక్ టు బ్యాక్ హాఫ్ సెంచరీలు నమోదు చేసింది. కానీ.. ఆమెని పక్కనపెట్టిన ఐసీసీ.. ఇంగ్లాండ్ స్పిన్నర్ సోఫియాకి

ప్రధానాంశాలు:ఐసీసీ ప్లేయర్ ఆఫ్ ద మంత్‌గా దేవాన్ కాన్వెభారత క్రికెటర్లు షెఫాలి, స్నేహాకి మొండిచేయిరేసులో నిలిచిన డికాక్, కైల్ జెమీషన్ అరంగేట్రం టెస్టులో అదరగొట్టిన కాన్వెకి అవార్డున్యూజిలాండ్ సంచలన ఓపెనర్ దేవాన్ కాన్వేకి అంతర్జాతీయ క్రికెట్ కౌన్సిల్ (ఐసీసీ) ప్లేయర్ ఆఫ్ ద మంత్ అవార్డు లభించింది. ఇంగ్లాండ్‌తో జూన్‌లో జరిగిన టెస్టు సిరీస్‌తో ఇంటర్నేషనల్ క్రికెట్‌లోకి ఎంట్రీ ఇచ్చిన దేవాన్ కాన్వె.. అరంగేట్రం టెస్టులోనే డబుల్ సెంచరీ బాదిన విషయం తెలిసిందే. ఆ తర్వాత భారత్‌తో జరిగిన ఐసీసీ వరల్డ్ టెస్టు ఛాంపియన్‌షిప్ ఫైనల్లోనూ దేవాన్ కాన్వె విలువైన హాఫ్ సెంచరీ నమోదు చేశాడు. దాంతో.. జూన్ నెలకి సంబంధించి ఐసీసీ ప్లేయర్ ఆఫ్ ద మంత్ అవార్డు అతడ్ని వరించింది.

దేవాన్ కాన్వేతో పాటు నామినేషన్స్‌లో న్యూజిలాండ్ ఫాస్ట్ బౌలర్ కైల్ జెమీషన్, దక్షిణాఫ్రికా ఓపెనర్ డికాక్ నిలిచారు. అయితే లార్డ్స్‌లో అదీ అరంగేట్రం టెస్టులో బలమైన ఇంగ్లాండ్‌ బౌలింగ్ లైనప్‌ని ఎదుర్కొని డబుల్ సెంచరీ సాధించిన దేవాన్ కాన్వెకి ఎక్కువ ఓట్లు వచ్చాయి. ‘‘ఐసీసీ ప్లేయర్ ఆఫ్ ద మంత్ అవార్డు దక్కడం గొప్ప గౌరవంగా భావిస్తున్నా. టెస్టు క్రికెట్‌లో నా ప్రదర్శనని ఈ అవార్డుతో మరింత ప్రత్యేకంగా మార్చింది’’ అని దేవాన్ కాన్వె ఆనందం వ్యక్తం చేశాడు.

ఉమెన్స్ క్రికెట్ పరంగా జూన్ నెలకి సంబంధించి నామినేషన్స్‌లో ఇంగ్లాండ్ స్పిన్నర్ సోఫియా, భారత క్రికెటర్లు షెఫాలి వర్మ, స్నేహ రాణా నిలిచారు. ఇంగ్లాండ్‌తో జరిగిన ఏకైక టెస్టుతో టెస్టుల్లో ఎంట్రీ ఇచ్చిన షెఫాలి వర్మ బ్యాక్ టు బ్యాక్ హాఫ్ సెంచరీలు నమోదు చేయగా.. స్నేహ రాణా అటు బౌలింగ్‌తో పాటు ఇటు బ్యాటింగ్‌లోనూ చివరి రోజు భారత్ జట్టుని ఓటమి నుంచి రక్షించింది. అయితే.. చివరికి అవార్డు మాత్రం సోఫియాని వరించింది.

Leave a Reply

Your email address will not be published. Required fields are marked *

Next Post

పుట్టినరోజు సందర్భంగా.. మొక్కలు నాటిన హిమాన్షు

Mon Jul 12 , 2021
పుట్టినరోజు సందర్భంగా గ్రీన్ ఇండియా ఛాలెంజ్‌లో పాల్గొన్నారు మంత్రి కేటీఆర్ తనయుడు హిమాన్షు. ఈ సందర్భంగా ప్రతీ ఒకరు కూడా హరితహారం గ్రీన్ ఇండియాలో భాగస్వామ్యం కావాలని పిలుపునిచ్చారు.