Anchor Suma: నా స్థలం కాజేశారు.. రాజీవ్ కనకాల, సుమలకు ఇదే నా శాపం: నటి అన్నపూర్ణ షాకింగ్ కామెంట్స్

దేవదాసు కనకాల… సుమకనకాల మామయ్య, రాజీవ్ కనకాల తండ్రి అయిన ఈయనకు ఇండస్ట్రీలో మంచి పేరు. ఎంతో మంది నటీనటులకు నటనలో ఓనమాలు నేర్పించి ఆర్టిస్ట్‌లుగా తీర్చిదిద్దిన ఘనత ఆయనది. అలాంటి వ్యక్తిపై షాకింగ్ కామెంట్స్ చేశారు అన్నపూర్ణమ్మ.

ఇండస్ట్రీలో సీనియర్ నటిగా వందలాది చిత్రాల్లో నటించి అన్నపూర్ణమ్మ ఇప్పటికే నటిస్తూనే ఉన్నారు. సీనియర్ హీరోలతో ప్రస్తుతం ఉన్న హీరోలందరి సినిమాల్లో నటించిన అన్నపూర్ణమ్మ అంటే అందరికీ అభిమానమే. అయితే ఇన్నేళ్ల ఆమె సినీ జీవితంలో అపార్థాలకు తావిస్తుంటుందనే కామెంట్లు వినిపిస్తుంటాయి. తన సీనియారిటీని దృష్టిలో పెట్టుకుని ఉన్నది ఉన్నట్టుగా కుండబద్దలు కొట్టినట్టు మాట్లాడే అన్నపూర్ణమ్మకి దర్శకులు, నిర్మాతలు, హీరోలతో చిన్న చిన్న మనస్పర్థలు గొడవలు చాలానే ఉన్నాయి. ఒకరిద్దరి దర్శకులతో నేను పనిచేయను అని చెప్పేయడమే కాదు.. సూపర్ స్టార్ కృష్ణ సినిమా సెట్‌లోనే ఏడ్చిన సందర్భాలు కూడా ఉన్నాయి.

అయితే ప్రముఖ దర్శకుడు, ఇండస్ట్రీ గురుగా పిలిచే దేవదాసు కనకాల (రాజీవ్ కనకాల తండ్రి)తో ఓ ల్యాండ్ ఇష్యూలో మోసపోయానని చెప్తోంది అన్నపూర్ణ. అయితే ఆయన చనిపోవడంతో ఇష్యూని దేవదాసు కనకాల కోడలు సుమ, ఆమె భర్త రాజీవ్ కనకాల దగ్గర ప్రస్తావించినా లాభం లేకుండా పోయిందని చెప్తుంది అన్నపూర్ణమ్మ.

ఆమె మాట్లాడుతూ.. ‘ఈ ఇష్యూపై రాజీవ్ కనకాలకి ఒకసారి ఫోన్ చేశా.. అప్పుడు మాట్లాడాడు.. ఆ తరువాత ఎప్పుడు చేసినా బిజీ బిజీ అని వస్తుంది. నెలనెల ఒకటి రెండుసార్లు ఫోన్ ట్రై చేస్తూనే ఉన్నా.. రెస్పాండ్ కాకపోవడంతో.. మధ్యవర్తితో ఆయన ఫోన్ పనిచేయడం లేదు.. ఎప్పుడూ బిజీ అని వస్తుంది ఈ నెంబర్ కరెక్టేనా అని అడగడంతో ఇదే నెంబర్ అని చెప్పారు. అప్పుడు తెలిసింది.. బ్లాక్ చేశారని. రాజీవ్ కనకాల తనకేం తెలియదని అంటున్నారు అని మధ్యవర్తి చెప్పారు.

ఆయనకి తెలియకపోవడం ఏంటయ్యా.. ఆయన ఒక రూపాయి సంపాదించినా కొడుక్కే పెడతాడు కదా.. గతంలో గొడవ అయినప్పుడు కూడా ఈయన ఉన్నాడు.. కనీసం అంత భూమి ఇవ్వకపోయినా.. ఎంతో కొంత ఇవ్వొచ్చు కదా.. నేను భూమికి భూమే కదా అడుగుతున్నా అని చెప్పా. వాళ్లదగ్గర ఏం లేదంటమ్మా అని ఆయన చెప్పడంతో.. పోనియ్ లేకపోతే అనుకున్నా.

ఇట్టాంటి నష్టపోవడం, మోసపోవడాల గురించి నేను చెప్పుకోను ఎందుకంటే.. జరిగిన దాంట్లో నా తప్పుకూడా ఉంది. ఎవడో చెప్పడని బుద్దిలేకుండా భూమి కొనేయడం ఏంటి? నేను చెన్నైలో ఉండగా.. ఇక్కడ భూమిని కొన్నాను. 22 ఏళ్ల క్రితమే దేవదాసు కనకాల నాకు భూమిని అమ్మారు. నాకు అమ్మిని భూమిని మళ్లీ వెంచర్ వేసి వేరే వాళ్లకి అమ్మేశారు.

ఆయన నాకు భూమి అమ్మిన విషయం రాజీవ్ కనకాల కుటుంబంలో వాళ్లకి కూడా తెలుసు.. కానీ తెలియదని చెప్తారు. పోనివ్వడం.. వాళ్లు ఈ భూమినిపట్టుకుని ఉంటారా?? నేను పట్టుకోకుండా పోతానా? కాస్త ముందు నేను పోతా.. వెనుక వాళ్లు వస్తారంతే. మొత్తానికి అందరూ పోయేవాళ్లే. ఇది శాపం అనుకోండి.. తిట్టడం అనుకోండి.

ఇదే కాదు.. ఏపీలో కూడా అప్పట్లో భూమిని కొన్నాను. దానికీ చాలా గొడవలు అయ్యాయి. రెండున్నర ఎకరాలు కొన్నాను.. అది నాకు ఇవ్వకుండా చేశారు.. కోర్టులో వేస్తే 12 ఏళ్లు తరువాత తిరిగి నాకు ఇచ్చేశారు. వైఎస్ఆర్ గవర్నమెంట్ ఉన్నప్పుడు నేను కొన్న భూమిని పేదలకు ఇళ్ల స్థలాలుగా ఇవ్వడానికి చూశారు. దానిపై మా తమ్ముడు కోర్టుకు వెళ్తే తిరిగి ఆ స్థలం మాకే వచ్చేసింది. కాకపోతే 12 ఏళ్లు కోర్టులో ఇబ్బందులు పడ్డాం. భూములు విషయంలో నాకు ఇలా చాలా జరిగాయి’ అంటూ చెప్పుకొచ్చారు అన్నపూర్ణమ్మ.

Leave a Reply

Your email address will not be published. Required fields are marked *

Next Post

టుడే ఇన్‌స్టా హిట్స్: కాజల్‌కి కొత్త బిరుదు.. అమ్మాయిగారి అందాల వల.. మాస్కోలో వింక్ బ్యూటీ

Fri Jul 16 , 2021
సోషల్‌మీడియాలో సెలబ్రిటీలు ప్రతీ రోజు ఆసక్తికర పోస్టులు చేస్తుంటారు. అలా సెలబ్రటీలు పోస్ట్ చేసిన ఆసక్తికర విషయాలను మీ ముందు ఉంచాలనేదే మా ఈ ప్రయత్నం. ఈ రోజు (జూలై 16న) సెలబ్రిటీలు పోస్ట్ చేసిన అప్‌డేట్స్ ఏంటో ఓ లుక్ వేయండి