Bengal Violence ఎన్నికల హింస‌పై పిటిషన్.. సుప్రీం జడ్జ్ సంచలన నిర్ణయం

Bengal Post-Poll Violence పశ్చిమ్ బెంగాల్‌ అసెంబ్లీ ఎన్నికల ఫలితాలు వెల్లడి తర్వాత అక్కడ హింసాత్మక ఘటనలు చెలరేగి భారీగా ఆస్తి, ప్రాణనష్టం సంభవించిన విషయం తెలిసిందే.

ప్రధానాంశాలు:రాజకీయ ప్రేరేపిత పిటిషన్‌గా పేర్కొన్న టీఎంసీ.విచారణ నుంచి తప్పుకున్న జస్టిస్ ఇందిరా బెనర్జీ.సీబీఐ దర్యాప్తునకు డిమాండ్ చేస్తున్న బాధితులు.ఎన్నికల ఫలితాలు వెలువడిన తర్వాత పశ్చిమ్ బెంగాల్‌లో చెలరేగిన హింసాత్మక ఘటనలపై సీబీఐతో విచారణ జరిపించాలంటూ బాధిత కుటుంబాలు సుప్రీంకోర్టును ఆశ్రయించాయి. అయితే, ఈ కేసు విచారణ నుంచి సుప్రీంకోర్టు న్యాయమూర్తి జస్టిస్ ఇందిరా బెనర్జీ తప్పుకున్నారు. తనంతట తానుగా ఈ కేసు విచారణ నుంచి తప్పుకుంటున్నట్టు జస్టిస్ బెనర్జీ శుక్రవారం ప్రకటించారు. ‘ముందే నేను కేసు వినడానికి ఇష్టపడను’ అని జస్టిస్ బెనర్జీ వ్యాఖ్యానించారు. శుక్రవారం ఈ కేసు విచారణను జస్టిస్‌ ఇందిరా బెనర్జీ, జస్టిస్‌ ఎం.ఆర్‌.షా ధర్మాసనం చేపట్టాల్సి ఉంది.

అయితే, తనకు కొన్ని ఇబ్బందులున్నాయని జస్టిస్‌ ఇందిరా బెనర్జీ తెలపడంతో ఆమె సభ్యురాలిగా లేని మరేదైనా ధర్మాసనానికి కేసును బదిలీ చేయాలని జస్టిస్‌ ఎం.ఆర్‌.షా ఆదేశించారు. జస్టిస్ ఇందిరా బెనర్జీ పశ్చిమ్ బెంగాల్‌కు చెందిన వ్యక్తి కావడం విచారణ నుంచి తప్పుకోవడం ఓ కారణం. బాధిత కుటుంబాలు దాఖలు చేసిన పిటిషన్‌పై సమాధానం చెప్పాలని బెంగాల్ ప్రభుత్వానికి సుప్రీంకోర్టు నోటీసులు జారీచేసింది. అయితే, రాజకీయ ప్రేరేపిత ఆరోపణలని, వాటిని కొట్టివేయాలని బెంగాల్ ప్రభుత్వం కోరింది.

అంతేకాదు, ఫలితాల అంనంతరం జరిగిన ప్రతి హింసను ఎన్నికలతో సంబంధం ఉన్నట్టు భావించకూడదని పేర్కొంది. ఇద్దరు బీజేపీ కార్యకర్తల హత్య కేసులో నిందితులైన ముగ్గుర్ని అదుపులోకి తీసుకున్నట్టు గత నెలలోనే మమతా బెనర్జీ ప్రభుత్వం సర్వోన్నత న్యాయస్థానానికి తెలియజేసింది. ఇక, ఫలితాలు వెల్లడయిన తర్వాత సామూహిక అత్యాచారానికి గురయిన ఇద్దరు బాధిత మహిళలు కూడా సుప్రీం పర్యవేక్షణలో సిట్ విచారణ చేపట్టాలని కోరారు.

ముర్షిదాబాద్‌కు జిల్లాకు చెందిన దళిత బాలిక తనపై మే 9న సామూహిక అత్యాచారం జరిగినట్టు ఆరోపించింది. అలాగే, తూర్పు మేదినీపూర్ జిల్లాకు చెందిన ఓ 60 ఏళ్ల మహిళపై ఆమె ఆరేళ్ల మనవడు ముందే దుండగులు మే 4న సామూహిక అత్యాచారానికి పాల్పడ్డారు. రాజకీయ ప్రతీకారానికి బెంగాల్‌లో ప్రత్యర్థులు గ్యాంగ్ రేప్‌లను ఆయుధాలుగా ఎంచుకుంటున్నారని ఆరోపించారు.

Leave a Reply

Your email address will not be published. Required fields are marked *

Next Post

థర్డ్ వేవ్ ముప్పు.. ఆంక్షల సడలింపులపై రాష్ట్రాలకు కేంద్ర హోం శాఖ కీలక లేఖ

Sat Jun 19 , 2021
Third Wave దేశంలో కరోనా వైరస్ రెండో దశ వ్యాప్తి శాంతిస్తున్న తరుణంలో ఆంక్షల సడలింపులను ఇస్తున్నాయి. ఈ నేపథ్యంలో కర్ఫ్యూ, లాక్‌డౌన్ సడలింపుల విషయంలో తొందరపాటు తగదని సూచించింది.