Rishabh Pant స్టాన్స్‌ వివాదం.. ఫీల్డ్ అంపైర్‌పై గవాస్కర్ మండిపాటు

లీడ్స్ టెస్టులో ఇంగ్లాండ్‌కి చెందిన ఫీల్డ్ అంపైర్లు.. రిషబ్ పంత్‌ని ఉద్దేశ‌పూర్వకంగా స్టాన్స్‌ని మార్చుకునేలా చేశారా..? అంటే అవుననే సమాధానాలు వినిపిస్తున్నాయి. అలాంటి రూల్ లేకపోయినా..

ప్రధానాంశాలు:లీడ్స్ టెస్టులో పంత్ స్టాన్స్‌పై వివాదంమ్యాచ్‌ మధ్యలో పంత్‌ని స్టాన్స్ మార్చుకోమన్న అంపైర్అలాంటి రూల్ ఏదీ లేదంటున్న భారత మాజీ క్రికెటర్లుతటస్థ అంపైర్లపై మళ్లీ చర్చ తెరపైకిఇంగ్లాండ్‌తో లీడ్స్ వేదికగా జరుగుతున్న మూడో టెస్టులో భారత యువ హిట్టర్ రిషబ్ పంత్ స్టాన్స్ మార్చుకోవాలని ఫీల్డ్ అంపైర్ సూచించడం వివాదాస్పదమైంది. మ్యాచ్‌లో తొలి రోజు రిషబ్ పంత్ క్రీజు వెలుపల బ్యాటింగ్ స్టాన్స్ తీసుకోగా.. ఫీల్డ్ అంపైర్ నువ్వు అక్కడ నిల్చొకూడదు అని హెచ్చరించినట్లు రిషబ్ పంత్ వెల్లడించాడు. తన ఫ్రంట్ ఫుట్ పిచ్ డేంజర్ ఏరియాలో ఉండటంతో.. ఫీల్డ్ అంపైర్ అలా చెప్పినట్లు కూడా రిషబ్ పంత్ స్పష్టం చేశాడు. దాంతో.. ఆ తర్వాత బంతి నుంచి రిషబ్ పంత్ తన స్టాన్స్‌ని మర్చుకోగా.. కొద్దిసేపటికే ఆఫ్ స్టంప్‌కి చాలా దూరంగా వెళ్తున్న బంతిని వెంటాడి పంత్ ఔటయ్యాడు.

రిషబ్ పంత్‌ని స్టాన్స్ మార్చుకోమని ఫీల్డ్ అంపైర్ చెప్పడంపై భారత మాజీ క్రికెటర్లు ఘాటుగా స్పందిస్తున్నారు. స్పిన్నర్ల బౌలింగ్‌లో క్రీజు వెలుపలికి వచ్చి పిచ్ డేంజర్ ఏరియాలోనే బ్యాట్స్‌మెన్ షాట్ ఆడతాడు. అప్పుడెలా..? అంటూ ప్రశ్నిస్తున్నారు. లీడ్స్ టెస్టులో ఇప్పటికే మూడు రోజుల ఆట ముగియగా.. రెండో ఇన్నింగ్స్‌లో భారత్ 215/2తో కొనసాగుతోంది. క్రీజులో చతేశ్వర్ పుజారా (91 బ్యాటింగ్: 180 బంతుల్లో 15×4), కెప్టెన్ విరాట్ కోహ్లీ (45 బ్యాటింగ్: 94 బంతుల్లో 6×4) ఉన్నారు. అయినప్పటికీ.. భారత్ జట్టు ఇంకా 139 పరుగులు వెనుకబడి ఉంది.

లీడ్స్ టెస్టుకి కామెంటేటర్‌గా పనిచేస్తున్న సునీల్ గవాస్కర్.. రిషబ్ పంత్ స్టాన్స్ వివాదంపై మాట్లాడుతూ ‘‘బ్యాట్స్‌మెన్ క్రీజు వెలుపలే కాదు.. పిచ్ మధ్యలో ఉండి కూడా బ్యాటింగ్ చేయొచ్చు. కానీ.. అంపైర్ రిషబ్ పంత్ స్టాన్స్ మార్చుకోమని చెప్పడం నన్ను ఆశ్చర్యపరుస్తోంది. బ్యాట్స్‌మెన్ ఎక్కడైన నిలబడొచ్చు. ఇంకా చెప్పాలంటే.. స్పిన్నర్ల బౌలింగ్‌లో చాలా మంది బ్యాట్స్‌మెన్‌లు క్రీజు వెలుపలికి వెళ్లి షాట్ ఆడుతుంటారు. ఆడొచ్చు కూడా. ఇందులో తప్పేముంది..?’’ అని గవాస్కర్ ప్రశ్నించాడు. మరో కామెంటేటర్ మంజ్రేకర్ కూడా రిషబ్ పంత్‌కి అంపైర్ సూచన హాస్యాస్పదంగా ఉందని విమర్శించాడు. కరోనా వైరస్ వ్యాప్తి కారణంగా.. ఇంగ్లాండ్‌కి చెందిన అంపైర్లే ఈ సిరీస్‌కి పనిచేస్తున్నారు. పంత్ స్టాన్స్ వివాదంతో తటస్థ అంపైర్లపై చర్చ మొదలైంది.

Leave a Reply

Your email address will not be published. Required fields are marked *

Next Post

ఏపీఎస్ ఆర్టీసీ ఉద్యోగులకు జగన్ సర్కార్ తీపి కబురు

Sat Aug 28 , 2021
ప్రస్తుతం ఆర్టీసీ ఉద్యోగులు, వారి కుటుంబాలకు ఆర్థిక భద్రత కల్పించేందుకు ప్రభుత్వం కార్పొరేట్‌ శాలరీ ప్యాకేజీ. రాష్ట్రంలో 50,500 మంది ఆర్టీసీ ఉద్యోగులకు ప్రయోజనం కలగనుంది.