మూడు బడ్జెట్ ఫోన్ల రేట్లు పెంచిన శాంసంగ్.. వేటి ధరలు ఎంత పెరిగాయంటే?

శాంసంగ్ తన గెలాక్సీ ఎఫ్02ఎస్, గెలాక్సీ ఎం02ఎస్, గెలాక్సీ ఏ12 స్మార్ట్ ఫోన్ల ధరలను మనదేశంలో రూ.500 పెంచింది. ఇవి ఇప్పటికే పెరిగిన ధరలతో అందుబాటులో ఉన్నాయి.

ప్రధానాంశాలు:గెలాక్సీ ఎఫ్02ఎస్, ఎం02ఎస్, ఏ12 ధరలు పెంపురూ.500 పెంచిన శాంసంగ్శాంసంగ్ మనదేశంలో మూడు ఫోన్ల ధరలను పెంచింది. శాంసంగ్ గెలాక్సీ ఎఫ్02ఎస్, గెలాక్సీ ఎం02ఎస్, గెలాక్సీ ఏ12 స్మార్ట్ ఫోన్ల ధరను రూ.500 మేర పెంచింది. ఈ మూడు ఫోన్లు మనదేశంలో ఈ సంవత్సరమే లాంచ్ అయింది. ఈ ఫోన్లు ఇప్పటికే పెరిగిన ధరలతో అందుబాటులోకి వచ్చాయి.

శాంసంగ్ గెలాక్సీ ఎఫ్02ఎస్
ఈ ఫోన్ రెండు వేరియంట్లలో లాంచ్ అయింది. ఇందులో ప్రారంభ వేరియంట్ అయిన 3 జీబీ ర్యామ్ + 32 జీబీ స్టోరేజ్ వేరియంట్ ధర రూ.8,999 నుంచి రూ.9,499కి పెరిగింది. 4 జీబీ ర్యామ్ + 64 జీబీ స్టోరేజ్ వేరియంట్ ధర కూడా రూ.9,999 నుంచి రూ.10,499కి పెంచారు. డైమండ్ బ్లాక్, డైమండ్ బ్లూ, డైమండ్ వైట్ రంగుల్లో ఈ ఫోన్ కొనుగోలు చేయవచ్చు.

ఇందులో 6.5 అంగుళాల హెచ్‌డీ+ ఇన్‌ఫినిటీ-వి డిస్ ప్లేను అందించారు. ఆక్టాకోర్ క్వాల్ కాం స్నాప్ డ్రాగన్ 450 ప్రాసెసర్‌పై ఈ ఫోన్ పనిచేయనుంది. 4 జీబీ వరకు ర్యామ్, 64 జీబీ వరకు స్టోరేజ్ ఇందులో అందించారు. స్టోరేజ్‌ను మైక్రో ఎస్‌డీ కార్డు ద్వారా పెంచుకునే అవకాశం ఉంది. దీని బ్యాటరీ సామర్థ్యం 5000 ఎంఏహెచ్ కాగా, 15W ఫాస్ట్ చార్జింగ్‌ను ఇది సపోర్ట్ చేయనుంది.

ఆండ్రాయిడ్ 10 ఆధారిత శాంసంగ్ వన్ యూఐ ఆపరేటింగ్ సిస్టంపై శాంసంగ్ గెలాక్సీ ఎఫ్02ఎస్ పనిచేయనుంది. ఇక కెమెరాల విషయానికి వస్తే.. ఇందులో వెనకవైపు మూడు కెమెరాలను శాంసంగ్ అందించింది. వీటిలో ప్రధాన కెమెరా సామర్థ్యం 13 మెగాపిక్సెల్ కాగా, దీంతోపాటు 2 మెగాపిక్సెల్ డెప్త్ సెన్సార్, 2 మెగాపిక్సెల్ మాక్రో లెన్స్ కూడా ఇందులో అందించారు. సెల్పీలు, వీడియో కాల్స్ కోసం ముందువైపు 5 మెగాపిక్సెల్ సెల్పీ కెమెరాను అందించారు.
మోటొరోలా కొత్త 5జీ ఫోన్ వచ్చేసింది.. రూ.20 వేలలోపే సూపర్ ఫీచర్లు!
శాంసంగ్ గెలాక్సీ ఎం02ఎస్
ఇందులో కూడా రెండు వేరియంట్లే అందుబాటులో ఉన్నాయి. 3 జీబీ ర్యామ్ + 32 జీబీ స్టోరేజ్ ధర రూ.8,999 నుంచి రూ.9,499కు పెరిగింది. ఇక 4 జీబీ ర్యామ్ + 64 జీబీ స్టోరేజ్ వేరియంట్ ధరను కూడా రూ.9,999 నుంచి రూ.10,499కు పెంచారు. బ్లాక్, బ్లూ, రెడ్ రంగుల్లో ఈ ఫోన్ కొనుగోలు చేయవచ్చు.

ఆండ్రాయిడ్ 10 ఆధారిత శాంసంగ్ వన్ యూఐ ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.5 అంగుళాల టీఎఫ్‌టీ వాటర్ డ్రాప్ నాచ్ తరహా డిస్ ప్లేను అందించారు. ఆక్టాకోర్ క్వాల్ కాం స్నాప్ డ్రాగన్ 450 ప్రాసెసర్‌పై ఈ స్మార్ట్ ఫోన్ పనిచేయనుంది. దీని బ్యాటరీ సామర్థ్యం 5000 ఎంఏహెచ్‌గా ఉంది. 15W ఫాస్ట్ చార్జింగ్‌ను ఇది సపోర్ట్ చేయనుంది.

4 జీబీ వరకు ర్యామ్, 64 జీబీ వరకు స్టోరేజ్ ఇందులో అందించారు. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు. ఇక కెమెరాల విషయానికి వస్తే.. ఇందులో వెనకవైపు మూడు కెమెరాలను శాంసంగ్ అందించింది. వీటిలో ప్రధాన కెమెరా సామర్థ్యం 13 మెగాపిక్సెల్‌గా ఉంది. దీంతోపాటు 2 మెగాపిక్సెల్ డెప్త్ సెన్సార్, 2 మెగాపిక్సెల్ మాక్రో లెన్స్ కూడా ఇందులో ఉన్నాయి. సెల్పీలు, వీడియో కాల్స్ కోసం ముందువైపు 5 మెగాపిక్సెల్ సెల్పీ కెమెరాను అందించారు. ఐఎస్ఓ కంట్రోల్, ఆటో ఫ్లాష్, డిజిటల్ జూమ్, హెచ్‌డీఆర్ వంటి మంచి కెమెరా ఫీచర్లు కూడా ఇందులో ఉండటం విశేషం.

శాంసంగ్ గెలాక్సీ ఏ12
ఇందులో 4 జీబీ ర్యామ్ + 64 జీబీ స్టోరేజ్ వేరియంట్ ధరను రూ.12,999 నుంచి రూ.13,499కు పెంచారు. ఇక 4 జీబీ ర్యామ్ + 128 జీబీ స్టోరేజ్ వేరియంట్ ధర రూ.13,999 నుంచి రూ.14,499కు పెరిగింది. బ్లాక్, బ్లూ, వైట్ రంగుల్లో ఈ ఫోన్ కొనుగోలు చేయవచ్చు.

ఇందులో 6.5 అంగుళాల హెచ్‌డీ+ టీఎఫ్‌టీ ఇన్‌ఫినిటీ-వి డిస్ ప్లేను అందించారు. ఆక్టాకోర్ మీడియాటెక్ హీలియో పీ35 ప్రాసెసర్‌పై ఈ ఫోన్ పనిచేయనుంది. ఇక కెమెరాల విషయానికి వస్తే.. ఇందులో వెనకవైపు నాలుగు కెమెరాలు ఉండనున్నాయి. వీటిలో ప్రధాన కెమెరా సామర్థ్యం 48 మెగాపిక్సెల్ కాగా, దీంతోపాటు 5 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో లెన్స్, 2 మెగాపిక్సెల్ డెప్త్ సెన్సార్ కూడా ఉండనున్నాయి. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించనున్నారు.

4 జీబీ ర్యామ్, 128 జీబీ వరకు స్టోరేజ్‌ను ఇందులో అందించారు. దీన్ని మైక్రో ఎస్‌డీ కార్డు ద్వారా 1 టీబీ వరకు పెంచుకునే అవకాశం ఉంది. ఇందులో 5000 ఎంఏహెచ్ భారీ బ్యాటరీని శాంసంగ్ అందించింది. దీంతోపాటు 15W ఫాస్ట్ చార్జింగ్ సపోర్ట్ కూడా అందించనున్నారు. 4జీ ఎల్టీఈ, వైఫై, బ్లూటూత్, జీపీఎస్/ఏ-జీపీఎస్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు కూడా ఇందులో ఉన్నాయి.
వివో కొత్త ఫోన్ వచ్చేసింది.. ధర, ఫీచర్లు ఎలా ఉన్నాయంటే?

Leave a Reply

Your email address will not be published. Required fields are marked *

Next Post

నిరుద్యోగులకు గుడ్‌న్యూస్.. తక్షణమే Govt Jobs భర్తీ.. KCR ఆదేశం

Fri Jul 9 , 2021
Pragathi Bhavan: రాష్ట్రంలోని అన్ని ప్రభుత్వ శాఖల్లో కలిపి దాదాపు 50 వేల ఉద్యోగాలను మొదటి దశలో భర్తీ చేయాలని.. ఇందుకు సంబంధించిన ప్రక్రియను వెంటనే ప్రారంభించాలని సీఎం ఆదేశించారు.