రెడ్‌మీ నోట్ 10 ధర ఏకంగా ఐదుసార్లు పెంపు.. ఇప్పుడు ఎంతంటే?

షియోమీ ఈ సంవత్సరం మార్చిలో రెడ్‌మీ నోట్ 10 స్మార్ట్ ఫోన్ లాంచ్ చేసిన సంగతి తెలిసిందే. ఈ ఫోన్ ధరను కంపెనీ ఐదోసారి పెంచింది. ఇప్పుడు ఈ ఫోన్ ధర రూ.13,999 నుంచి ప్రారంభం కానుంది.

ప్రధానాంశాలు:ఈ నెలలోనే రెండు సార్లు పెంచిన షియోమీప్రస్తుతం రూ.13,999 నుంచి ప్రారంభంరెడ్‌మీ నోట్ 10 స్మార్ట్ ఫోన్ ధర మనదేశంలో మళ్లీ పెరిగింది. ఈ ఫోన్ లాంచ్ అయినప్పుడు ఇందులో 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.11,999గానూ, 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.13,999గానూ ఉంది. ఆ తర్వాత ఈ ఫోన్ ధర ఏకంగా ఐదుసార్లు పెరిగింది.

ఇప్పుడు ధర పెరిగిన అనంతరం ఈ ఫోన్ ప్రారంభ వేరియంట్ అయిన 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.13,999గానూ, 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.15,999గానూ ఉంది. ఈ రెండు వేరియంట్ల ధర రూ.500 మేర పెరిగింది.

ఈ ఫోన్ లాంచ్ అయినప్పుడు 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.11,999గానూ, 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.13,999గానూ ఉంది. మొత్తంగా రెండు వేరియంట్ల ధర రూ.రెండు వేల వరకు షియోమి పెంచింది. ఈ నెలలోనే ఏకంగా రెండు సార్లు ఈ ఫోన్ ధర పెరిగింది.
మోటొరోలా బడ్జెట్ 5జీ ఫోన్ సేల్ మొదలైంది.. 108MP కెమెరా, ఓఎల్ఈడీ స్క్రీన్ కూడా!
రెడ్‌మీ నోట్ 10 స్పెసిఫికేషన్లు
ఆండ్రాయిడ్ 11 ఆధారిత ఎంఐయూఐ 12 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.43 అంగుళాల సూపర్ అమోఎల్ఈడీ డిస్ ప్లేను అందించారు. కార్నింగ్ గొరిల్లా గ్లాస్ 5 ప్రొటెక్షన్ కూడా ఇందులో ఉంది. దీని బ్యాటరీ సామర్థ్యం 5000 ఎంఏహెచ్‌గా ఉంది. 33W ఫాస్ట్ చార్జింగ్‌ను ఇది సపోర్ట్ చేయనుంది.

ఇక కెమెరాల విషయాల వస్తే.. ఇందులో వెనకవైపు నాలుగు కెమెరాలు అందించారు. వీటిలో ప్రధాన కెమెరా సామర్థ్యం 48 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రావైడ్ యాంగిల్ లెన్స్, 2 మెగాపిక్సెల్ మాక్రో సెన్సార్, 2 మెగాపిక్సెల్ డెప్త్ సెన్సార్ కూడా ఇందులో ఉన్నాయి.

సెల్ఫీలు, వీడియో కాల్స్ కోసం ముందువైపు 13 మెగాపిక్సెల్ కెమెరాను అందుబాటులో ఉండనుంది. క్వాల్ కాం స్నాప్ డ్రాగన్ 678 ప్రాసెసర్‌పై రెడ్ మీ నోట్ 10 పనిచేయనుంది. 6 జీబీ వరకు ర్యామ్, 128 జీబీ వరకు స్టోరేజ్ ఇందులో ఉంది. స్టోరేజ్‌ను మైక్రో ఎస్‌డీ కార్డు ద్వారా ఇంకా పెంచుకునే అవకాశం ఉంది.

4జీ వోల్టే, వైఫై, బ్లూటూత్ వీ5.0, జీపీఎస్/ఏ-జీపీఎస్, ఇన్‌ఫ్రారెడ్, యూఎస్‌బీ టైప్-సీ పోర్టు, 3.5 ఎంఎం హెడ్ ఫోన్ జాక్ వంటి కనెక్టివిటీ ఫీచర్లను ఇందులో అందించారు. దీని మందం 0.83 సెంటీమీటర్లు కాగా, బరువు 178.8 గ్రాములుగా ఉంది.
మోటో జీ50 5జీ వచ్చేసింది.. బడ్జెట్‌లోనే 5జీ ఫోన్!

Leave a Reply

Your email address will not be published. Required fields are marked *

Next Post

‘దళిత బంధు ఎఫెక్ట్ : చావుడప్పు కొట్టేందుకు రావట్లేదు.. ఇదేంటి కేసీఆర్ గారు.!’

Fri Aug 27 , 2021
దళిత బంధు పథకంపై శ్మశానంలో చితి ముందు నిల్చుని ఓ వ్యక్తి చేసిన వ్యాఖ్యలు దుమారం రేపుతున్నాయి. చావుడప్పు కొట్టేందుకు ఎవరూ రావడం లేదని.. కేసీఆర్ మాకు పది లక్షలు ఇస్తాండని చెబుతున్నారని చెబుతున్న వీడియో వైరల్‌గా మారింది.