Rajasthan: రియల్ కుంభకర్ణుడు.. ఏడాదిలో 300 రోజులు నిద్రలోనే..

రాజస్థాన్‌కి చెందిన పూర్ఖారామ్ అనే వ్యక్తి సంవత్సరంలో 300 రోజులు నిద్రపోతాడు. దీనిపై పూర్ఖారామ్ స్పందిస్తూ.. ఈ అతి నిద్ర తన జీవితంలో 23 సంవత్సరాల క్రితం ప్రారంభమైందని తెలిపాడు. తాను మేల్కోవాలనుకున్నప్పుడల్లా.. అతని శరీరం తనకి సహకరించడం లేదని అన్నాడు.

ప్రధానాంశాలు:రాజస్థాన్‌లో నిజమైన కుంభకర్ణుడుఏడాదిలో 300 రోజులు నిద్రలోనే23ఏళ్లుగా అరుదైన వ్యాధితో సతమతంమనిషికి తిండి, నీరు, గాలి మాదిరిగానే నిద్ర కూడా అత్యవసరమే. ఒక్కరోజు నిద్రపోకపోతేనే శరీరంలో ఎన్నో మార్పులు చోటుచేసుకోవడంతో పాటు అనారోగ్యానికి గురవుతుంటారు. ఆరోగ్యంగా ఉండాలంటే రోజుకు కనీసం 8 గంటలు నిద్రపోవాలని డాక్టర్లు, వైద్య నిపుణులు సలహా ఇస్తుంటారు. అయితే ఆధునిక కాలంలో మనిషి నిద్ర సమయంలో క్రమంగా తగ్గిపోతోంది. ఉద్యోగ, వ్యాపారాలపైనే ఫోకస్ పెడుతున్న నేటితరం నిద్రకు సరైన ప్రాధాన్యత ఇవ్వడం లేదనే చెప్పొచ్చు. అయితే ఎవరైనా ఎక్కువ సమయం నిద్రపోతుంటే అతడిని కుంభకర్ణుడితో పోలుస్తుంటారు. అలాంటి కుంభకర్ణుడు రామాయణంలోనే కాదు నేటి భారతంలోనూ ఉన్నాడండోయ్…

రాజస్థాన్‌కి చెందిన పూర్ఖారామ్ అనే వ్యక్తి సంవత్సరంలో 300 రోజులు నిద్రపోతూనే గడిపేస్తాడట. అతడికి అతినిద్ర 23ఏళ్ల క్రితం మొదలైందట. మొదట్లో రోజుకు 18 గంటలు పడుకుని లేచే పూర్ఖారామ్.. ఆ తర్వాత 5-7 రోజులకోసారి నిద్రలేచేవాడట. ఇప్పుడు ఏకంగా నెలలో 20-25 రోజులు నిద్రపోతేనే ఉంటున్నాడట. ఎప్పుడైనా నిద్ర మేల్కోని ఏదైనా పని చేయాలంటే అతడి శరీరం సహకరించదు.

ఇలా సంవత్సరానికి సగటున 300 రోజుల నిద్రలోనే గడుపుతున్నట్లు పూర్ఖారామ్ ఆవేదన వ్యక్తం చేశాడు. దీనిపై అతడి భార్య లిచ్మి దేవి మాట్లాడుతూ.. తన భర్త అనారోగ్యం వల్ల చాలా ఇబ్బందులు పడుతున్నట్లు ఆవేదన వ్యక్తం చేసింది. ఎంతమంది డాక్టర్లకు చూపించినా సమస్య ఏంటో నిర్ధారించలేకపోతున్నారని తెలిపింది. కొంతమంది ఈ వ్యాధిని హైపర్సోమ్నియాగా తేల్చినా సరైన చికిత్స చేయలేకపోతున్నారని వెల్లడించింది. ఈ సమస్య కారణంగా పూర్ఖారామ్‌కు చుట్టుప్రక్కల వారు కుంభకర్ణుడు అని పేరు పెట్టారు.

Leave a Reply

Your email address will not be published. Required fields are marked *

Next Post

Sourav Ganguly బయోపిక్‌కి గ్రీన్‌సిగ్నల్.. బడ్డెట్ రూ.250 కోట్లు..!

Wed Jul 14 , 2021
2016లో మహేంద్రసింగ్ ధోనీ బయోపిక్ ‘ఎం.ఎస్.ధోనీ.. ది అన్‌టోల్డ్ స్టోరీ’ సూపర్ హిట్‌గా నిలిచింది. ఆ తర్వాత వరుసగా క్రికెటర్ల జీవితాల ఆధారంగా సినిమాలు వస్తున్నాయి.