మైనర్‌తో యువకుడు సహజీవనం.. పంజాబ్ హరియాణా హైకోర్టు సంచలన తీర్పు

live-in relationship సహజీవనం ఆమోదయోగ్యం కాదని, అటువంటి జంటకు రక్షణ కల్పించలేమని ఇటీవలే తీర్పుచెప్పిన పంజాబ్ హరియాణా న్యాయస్థానం.. తాజాగా మరో కేసులో భిన్నంగా స్పందించింది.

ప్రధానాంశాలు:కుమార్తె ప్రేమను అంగీకరించని కుటుంబంబాలిక మైనర్ కావడంతో జంట సహజీవనం.రక్షణ కోరుతూ హైకోర్టును ఆశ్రయించిన బాలిక.వివాహం కాకుండా ఓ జంట కలిసి జీవించేందుకు పంజాబ్ హరియాణా హైకోర్టు అనుమతించింది. సహజీవనం చేయాలని జంట నిర్ణయించుకున్నందున ఇందులో జోక్యం చేసుకోబోమని హైకోర్టు తేల్చి చెప్పింది. ‘‘వివాహం చేసుకోకుండానే పిటీషనర్లు కలిసి జీవించాలని నిర్ణయించుకున్నారు… వారి నిర్ణయంలో హైకోర్టు జోక్యం చేసుకోకూడద’’ అని జస్టిస్ సత్ ప్రకాశ్ వ్యాఖ్యానించారు. పంజాబ్‌లోని బఠిండాకు చెందిన ఒక జంట దాఖలుచేసిన పిటిషన్ పై న్యాయస్థానం ఈ విధంగా స్పందించింది.

మైనర్ బాలిక (17), 20 ఏళ్ల యువకుడితో ప్రేమలో పడింది. బాలికకు వేరే వ్యక్తితో వివాహం జరిపించేందుకు తల్లిదండ్రులు ప్రయత్నాలు చేయడంతో కోర్టును ఆశ్రయించింది. తల్లిదండ్రుల ప్రయత్నాలు తెలిసి ఇళ్లు విడిచి ప్రేమికుడి వద్దకు చేరుకున్నానని, తనకు రక్షణ కల్పించాలని కోరింది. మైనర్ కావడంతో 18 ఏళ్లు నిండిన తర్వాత వివాహం చేసుకుందామని నిర్ణయించుకున్నట్టు తెలిపింది. అప్పటి వరకు కలిసి జీవిస్తామని పేర్కొంది.

ఈ పిటిషన్‌పై జూన్ 3న విచారణ చేపట్టిన పంజాబ్ హరియాణా హైకోర్టు.. ఇలాంటి సందర్భాల్లో జంటకు రక్షణ కల్పించడం మా బాధ్యత అని పేర్కొంది. ‘‘పెళ్లి చేసుకోకుండా సహజీవనాన్ని ఎంచుకున్న వ్యక్తులకు రక్షణ నిరాకరించడం న్యాయాన్ని అపహాస్యం చేసినట్టే అవుతుంది.. అలాంటి వ్యక్తులకు రక్షణ లేకపోతే భయంకరమైన పరిణామాలను ఎదుర్కోవలసి ఉంటుంది.. ఒకవేళ న్యాయస్థానం అటువంటి విధానం అవలంభించి రక్షణ నిరాకరిస్తే పౌరులకు స్వేచ్ఛ హక్కును కల్పించడంలో విఫలమైనట్టే’ అని వ్యాఖ్యానించింది.

ఈ సందర్భంగా ఉత్తరాదిలో పరువు హత్యల గురించి న్యాయస్థానం ప్రస్తావించింది. ‘‘కుటుంబం సమ్మతి లేకుండా, కులాంతర, మతాంతర వివాహాలు చేసుకోవడం పరువు హత్యలకు దారితీస్తోంది.. మేజర్ అయిన అతడు / ఆమె జీవిత భాగస్వామిని ఎన్నుకోవచ్చు.. ఇందులో కుటుంబ సభ్యులు లేదా ఇతరులు అభ్యంతరం చెప్పడం.. వారి శాంతియుత ఉనికికి ఆటంకం కలిగించే అధికారం లేదు. ఈ సమయంలో వారికి రక్షణ, వ్యక్తిగత స్వేచ్ఛను నిర్ధారించాల్సి అవసరం ఉంది’’ అని పేర్కొంది.

అంతేకాదు, ఈ జంట తాము పెళ్లి చేసుకోవడం లేదా సహజీవనానికి అనుమతి కోరలేదని ప్రస్తావించింది. అటువంటి సహజీవనం నేరం కాదని వివరించింది. ‘‘సహజీవనం అనేది ఆమోదయోగ్యం కాదు.. కానీ, అలాంటి సంబంధం చట్టవిరుద్ధం లేదా వివాహం పవిత్రత లేకుండా కలిసి జీవించడం నేరం అని చెప్పలేం’’ అని స్పష్టం చేసింది.

Leave a Reply

Your email address will not be published. Required fields are marked *

Next Post

శుభవార్త.. రైతులకు రూ.2 వేలతోపాటు ప్రతి నెలా రూ.3000.. ఇలా అప్లై చేసుకోండి!

Thu Jun 10 , 2021
మీరు వ్యవసాయం చేస్తున్నారా? మీ పేరుపైన వ్యవసాయ భూమి ఉందా? అయితే మీకు శుభవార్త. మీకు రెండు స్కీమ్స్ అందుబాటులో ఉన్నాయి. చేరితే రూ.2 వేలతో పాటు ప్రతి నెలా రూ.3 వేలు పొందొచ్చు.