మాట నిలబెట్టుకున్న ప్రధాని మోడీ.. పీవీ సింధుతో కలిసి ఐస్‌క్రీం టేస్ట్

పీవీ సింధుకి ఇచ్చిన మాటని ప్రధాని నరేంద్ర మోడీ నిలబెట్టుకున్నారు. ఒలింపిక్స్‌ కోసం ఐస్‌క్రీమ్‌ని పీవీ సింధు త్యాగం చేయగా.. కాంస్య గెలిచిన సింధుతో కలిసి మోడీ ఐస్‌క్రీం తిన్నారు.

ప్రధానాంశాలు:పీవీ సింధుతో కలిసి ఐస్‌క్రీం తిన్న ప్రధాని మోడీటోక్యో ఒలింపిక్స్‌లో కాంస్యం గెలిచిన సింధుఒలింపిక్స్‌లో రెండు పతకాలు గెలిచిన తొలి భారత మహిళా క్రీడాకారిణి‌గా రికార్డ్టోక్యో ఒలింపిక్స్‌కి ముందే ప్రామిస్ చేసిన మోడీభారత ప్రధాని నరేంద్ర మోడీ.. స్టార్ షట్లర్ పీవీ సింధుకి ఇచ్చిన మాటని నిలబెట్టుకున్నారు. టోక్యో ఒలింపిక్స్‌కి వెళ్లే ముందు పీవీ సింధుతో మాట్లాడిన నరేంద్ర మోడీ.. ఒలింపిక్స్‌లో పతకం గెలిచిన తర్వాత ఇద్దరం కలిసి ఇస్‌క్రీం తిందామని ప్రామిస్ చేశారు. టోక్యో ఒలింపిక్స్‌లో కాంస్య పతకం గెలుపొందిన పీవీ సింధు.. రెండు ఒలింపిక్స్‌లో పతకం గెలిచిన భారత తొలి మహిళా క్రీడాకారిణిగా నిలిచింది. 2016 రియో ఒలింపిక్స్‌లో సింధు రజత పతకం గెలుపొందిన విషయం తెలిసిందే.

టోక్యో ఒలింపిక్స్‌లో సత్తాచాటిన భారత క్రీడాకారులకి నరేంద్ర మోడీ తన నివాసంలో ఆతిథ్యమిచ్చారు. ఈ క్రమంలో స్టార్ జావెలిన్ త్రోయర్ నీరజ్ చోప్రాతో కలిసి చుర్మాని ఆరగించిన మోడీ.. ఆ తర్వాత పీవీ సింధు పక్కన కూర్చుని ఐస్‌క్రీం టేస్ట్ చేశారు. టోక్యో ఒలింపిక్స్‌కి ఫిట్‌గా ఉండేందుకు పీవీ సింధు తనకెంతో ఇష్టమైన ఐస్‌క్రీమ్‌ని పక్కనపెట్టిందని తెలుసుకున్న మోడీ.. పతకం గెలిచిన తర్వాత ఇద్దరం కలిసి తిందామని ప్రామీస్ చేశారు.

Leave a Reply

Your email address will not be published. Required fields are marked *

Next Post

డల్లాస్‌లో ఘనంగా స్వాతంత్ర్య దినోత్సవ వేడుకలు

Tue Aug 17 , 2021
డల్లాస్‌లో 75వ భారత స్వాతంత్ర్య దినోత్సవ వేడుకలు ఘనంగా నిర్వహించారు. మహాత్మాగాంధీ మెమోరియల్ ఆఫ్ నార్త్ టెక్సాస్ వ్యవస్థాపక ఛైర్మన్ డా. ప్రసాద్ తోటకూర జాతీయ జెండాను ఆవిష్కరించారు..