Neelam Sahni: ఏపీ ఎస్ఈసీగా నీలం సాహ్ని వద్దు… హైకోర్టులో పిల్

నీలం సాహ్ని రూ.160 కోట్ల ప్రజాధనం వృథా చేశారన్నారు. ఆ సొమ్మును ఆమె నుంచి రాబట్టేందుకు వీలుగా రూ.160 కోట్లకు బ్యాంక్‌ పూచీకత్తు సమర్పించేలా ఆదేశించాలని అభ్యర్థించారు.

ప్రధానాంశాలు:నీలం సాహ్నిపై హైకోర్టులో పిటిషన్ఆమె నియామకం రాజ్యాంగ విరుద్ధమని పిటిషన్రూ. 160 కోట్ల ప్రజాధనం వృధా చేశారని ఆరోపణ ఎపీ ఎన్నికల కమిషనర్‌గా నీలం సాహ్నిని కొనసాగించొద్దు అంటూ హైకోర్టులో పిల్ దాఖలైంది. రాష్ట్ర ఎన్నికల కమిషనర్‌ (ఎస్‌ఈసీ)గావిశ్రాంత ఐఏఎస్‌ అధికారి నీలం సాహ్ని కొనసాగడాన్ని రాజ్యాంగ విరుద్ధమైన చర్యగా ప్రకటించాలంటూ హైకోర్టులో పిల్‌ దాఖలైంది. గుంటూరుకు చెందిన డాక్టర్‌ మద్దిపాటి శైలజ ఈ వ్యాజ్యాన్ని దాఖలు చేశారు. సుప్రీంకోర్టు ఉత్తర్వులకు విరుద్ధంగా జడ్పీటీసీ, ఎంపీటీసీ ఎన్నికలు నిర్వహించడం ద్వారా నీలం సాహ్ని రూ.160 కోట్ల ప్రజాధనం వృథా చేశారన్నారు.

ఆ సొమ్మును ఆమె నుంచి రాబట్టేందుకు వీలుగా రూ.160 కోట్లకు బ్యాంక్‌ పూచీకత్తు సమర్పించేలా ఆదేశించాలని అభ్యర్థించారు. ఏపీ ప్రభుత్వ ప్రధాన కార్యదర్శి, రాష్ట్ర ఎన్నికల సంఘం కార్యదర్శి, వ్యక్తిగత హోదాలో నీలం సాహ్నిని ప్రతివాదులుగా పేర్కొన్నారు. హైకోర్టు ప్రధాన న్యాయమూర్తి జస్టిస్‌ ఏకే గోస్వామి, జస్టిస్‌ ఎన్‌.జయసూర్యతో కూడిన ధర్మాసనం సోమవారం ఈ వ్యాజ్యంపై విచారణ జరపనుంది. పోలింగ్‌ తేదీకి నాలుగు వారాల ముందు ఎన్నికల కోడ్‌ విధించాలన్న సుప్రీంకోర్టు ఉత్తర్వులకు విరుద్ధంగా నీలం సాహ్ని జడ్పీటీసీ, ఎంపీటీసీ ఎన్నికలు నిర్వహించారని పిటిషన్‌లో పేర్కొన్నారు.

ఆ ఎన్నికలను హైకోర్టు రద్దు చేసిందన్నారు. ప్రభుత్వ భవనాలకు రాజకీయ పార్టీ రంగులు తొలగించాక స్థానిక సంస్థల ఎన్నికలు నిర్వహిస్తామని సీఎస్‌గా ఉన్నప్పుడు కోర్టుకు హామీ ఇచ్చిన నీలం సాహ్ని.. అందుకు కట్టుబడి వ్యవహరించలేదన్నారు. ఈ అంశాల్ని పరిగణనలోకి తీసుకొని ఎస్‌ఈసీగా కొనసాగడాన్ని చట్ట, రాజ్యాంగ విరుద్ధమైన చర్యగా ప్రకటించాలని పిటిషన్‌లో కోరారు.

Leave a Reply

Your email address will not be published. Required fields are marked *

Next Post

జీడిపప్పు, బాదంపై 50% డిస్కౌంట్.. కొంటున్నారా? కాస్త ఆగండి

Sun Jun 20 , 2021
సగం ధరకే బాదం జీడిపప్పు అంటూ.. ఫేస్ బుక్ వేదికగా ప్రకటన విడుదల చేశారు. దీంతో చాలామంది జనం ఆర్డర్లు చేసుకున్నారు. ముందుగానే డబ్బులు కూడా చెల్లించేశారు.