Surekha Sikri Death : ఎంతో నేర్పించారు.. అవికా గోర్, పాయల్ ఎమోషనల్

బాలిక వధూ (తెలుగు చిన్నారి పెళ్లి కూతురు) ధారావాహికతో ప్రతీ ఇంట్లోకి వచ్చి, అందరికీ దగ్గరయ్యారు సురేఖా సిక్రీ. అంతకు ముందు ఎన్ని చిత్రాల్లో నటించినా కూడా ఈ స్థాయి ఆదరణ దక్కలేదు.

ప్రధానాంశాలు:సీనియర్ నటి సురేఖా సిక్రీ మృతిమీరు నాకెంతో నేర్పించారంటూ ఎమోషనల్‘చిన్నారి పెళ్లి కూతురు’బామ్మపై పాయల్బాలిక వధూ (తెలుగు చిన్నారి పెళ్లి కూతురు) ధారావాహికతో ప్రతీ ఇంట్లోకి వచ్చి, అందరికీ దగ్గరయ్యారు సురేఖా సిక్రీ. అంతకు ముందు ఎన్ని చిత్రాల్లో నటించినా కూడా ఈ స్థాయి ఆదరణ దక్కలేదు. అలాంటి గొప్ప నటీమణి సురేఖా సిక్రీ (75) నేడు కన్నుమూశారు. గుండెపోటుతో ముంబైలో సురేఖా సిక్రీ నేడు తుదిశ్వాస విడిచారు. ఇక ఆమె మరణంతో ఇండస్ట్రీలోని ప్రముఖులు ఆమెతో కలిసి నటించిన తోటీ ఆర్టిస్ట్‌లు ఎమోషనల్ అవుతున్నారు.

బుల్లితెర, వెండితెరపై ఆమె నటనకు ఎన్నో అవార్డులు దక్కాయి. మరీ ముఖ్యంగా తమస్, సలీం లంగ్డే పే మత్ రో, జుబేదా, బదాయి హో వంటి సినిమాల్లోని ఆమె నటనకు జాతీయ అవార్డులు వచ్చాయి. ఇక ఆమె చివరగా జాన్వీ కపూర్ హీరోయిన్‌గా వచ్చిన ఘోస్ట్ చిత్రంలో కనిపించారు. తాజాగా సురేఖా సిక్రీ మరణ వార్తను తెలుసుకున్న పాయల్ రాజ్ పుత్ ఎమోషనల్ అవుతున్నారు.

పాయల్ రాజ్ పుత్ ముందుగా బుల్లితెర మీద కనిపించిన సంగతి తెలిసిందే. హిందీ, పంజాబీలో నటించిన తరువాత తెలుగు తెరకు పరిచయమయ్యారు. అయితే సురేఖా సిక్రీతో కలిసి మహాకుంభ్ అనే ధారావాహికలో పాయల్ నటించారు. సురేఖా సిక్రీ మరణ వార్త తెలియడంతో తీవ్ర దు:ఖంలోని మునిగిన పాయల్.. నాటి విషయాలను గుర్తుకు చేసుకున్నారు. ఆమెతో కలిసి దిగిన ఫోటోలు, సీరియల్‌లోని స్టిల్‌ను షేర్ చేశారు.

సురేఖా సిక్రీతో కలిసి పని చేసే అదృష్టం నాకు కలిగింది.. మీరు నాకు ఎంతో నేర్పించారు.. ఆమె ఎదుటివారిలో ఎంతో బలాన్ని నింపేవారు. నిజమైన కళాకారిణి ఆమె. ఎంతో ప్రతిభ ఉన్న వ్యక్తి.. అంతకు మించి ఎంతో గొప్ప మనిషి. లవ్యూ మేడమ్.. మీరు లేని లోటు పూడ్చలేనిది.. మీ ఆత్మకు శాంతి చేకూరాలి అని పాయల్ ఎమోషనల్ అయ్యారు.

ఇక అవికా గోర్ స్పందిస్తూ.. సురేఖా గారితో నాకు ఎన్నో అద్భుతమైన మెమోరీస్ ఉన్నాయి.. అద్భుతమైన నటి కాకుండా ఎంతో గొప్ప మనిషి. ఆమెతో కలిసి నటించే సీన్స్‌లో ఎంతో కష్టమయ్యేది.. ఆమె ఎనర్జీని మ్యాచ్ చేయలేకపోయేదాన్ని. కానీ ఆమె మాత్రం ప్రతీసారి ఎంతో ప్రోత్సహించేది. ఎన్నో విషయాలు చెప్పుకొచ్చేవారు.. ఎంత ఎదిగినా ఒదిగి ఉండాలని చెప్పేవారు. ఎంతో నేర్పించారు. నేను ఎప్పుడూ కూడా ఆమెలా ఉండాలని, కష్టపడాలని, దయాగుణం కలిగి ఉండాలని అనుకునేదాన్ని. మనం ఎన్నో తరాలకు మార్గదర్శి. నేను ఎప్పుడూ నిన్ను ప్రేమిస్తూనే ఉంటాను. మీ ఆత్మకు శాంతి చేకూరాలి అని ఎమోషనల్ అయ్యారు.

Leave a Reply

Your email address will not be published. Required fields are marked *

Next Post

తెలంగాణ సర్కార్ గుడ్‌న్యూస్.. ఈ పంట వేస్తే రైతులకు ఎకరాకు రూ.26 వేలు

Fri Jul 16 , 2021
Oil Prices: పామాయిల్ సాగు కోసం అటవీ శాఖ, అటవీ అభివృద్ధి కార్పోరేషన్‌తో పాటు పంచాయతీరాజ్, రూరల్ డెవలప్ మెంట్ శాఖల సహాయంతో ఆయిల్ పామ్ మొక్కల నర్సరీలను పెంచాలని కేబినెట్ సూచించింది.

You May Like