ఆక్సిజన్ కొరతపై నవంబరులోనే పార్లమెంటరీ కమిటీ హెచ్చరిక.. నివేదికలో సంచలన విషయాలు

Oxygen Crisis దేశంలో కరోనా మహమ్మారి సృష్టించిన విలయానికి ఆస్పత్రుల్లో బెడ్స్ నిండిపోగా.. ఆక్సిజన్ అందక పదుల కొద్దీ మరణాలు చోటుచేసుకోవడం ప్రతి ఒక్కర్నీ కలచివేస్తోంది.

ప్రధానాంశాలు:ఆక్సిజన్ కొరతపై స్టాండింగ్ కమిటీ నివేదిక.కరోనా కట్టడికి ఆటంకంగా మారుతుందని సూచన.దేశంలో రోజుకు 6,900 మెట్రిక్ టన్నుల ఆక్సిజన్.ప్రస్తుతం దేశంలో కరోనా వైరస్ మహోగ్రరూపం దాల్చడంతో ఆస్పత్రుల్లో బెడ్స్, ఆక్సిజన్ కొరత వేధిస్తోంది. అయితే, ఈ విషయమైన కరోనా రెండో దశ వ్యాప్తికి ముందే కేంద్రానికి పార్లమెంటరీ కమిటీ సూచనలు చేసిన విషయం వెలుగులోకి వచ్చింది. సమాజ్‌వాదీ పార్టీ ఎంపీ రామ్ గోపాల్ యాదవ్ నేతృత్వంలోని పార్లమెంటరీ స్టాండింగ్ కమిటీ (ఆరోగ్యం) గతేడాది నవంబరులో నివేదికను సమర్పించి, పలు సూచనలు చేసింది. ఆక్సిజన్ సిలిండర్ల ధరను తగ్గించడానికి నేషనల్ ఫార్మాస్యూటికల్ ప్రైసింగ్ అథారిటీ (ఎన్‌పీపీఏ) తగిన చర్యలు తీసుకోని తద్వారా వాటి లభ్యత, అందుబాటులో ఉండేలా చూడాలని తెలిపింది.

‘‘ఆసుపత్రులలో డిమాండ్ ప్రకారం సరఫరాను నిర్ధారించడానికి తగినంత ఆక్సిజన్ ఉత్పత్తిని ప్రోత్సహించాలి’’ అని ప్రభుత్వానికి కమిటీ సిఫారసు చేసింది. పెరుగుతున్న కోవిడ్ కేసుల దృష్ట్యా దేశంలో మొత్తం ప్రభుత్వ ప్రభుత్వ ఆస్పత్రుల్లోని పడకలు సరిపోవని ఎత్తిచూపింది. ఆస్పత్రుల్లో పడకలు, వెంటిలేటర్ల కొరత భవిష్యత్తులో కోవిడ్ కట్టడికి ప్రతిబంధకంగా మారుతుందని హెచ్చరించింది.

‘‘కేసుల సంఖ్య పెరుగుతున్నందున ఆసుపత్రి పడకల కోసం వెదుకులాట చాలా బాధ కలిగించింది.. పడకలు ఖాళీగా లేకపోవడం వల్ల రోగులు ఆసుపత్రుల్లో చేరలేకపోవడం దారుణం. పట్నా ఎయిమ్స్‌లో బెడక్ కోసం ఆక్సిజన్ సిలిండర్లను పట్టుకుని రోగుల పరుగెడుతున్న దృశ్యాలు దేశంలోని కోవిడ్ వ్యతలకు నిదర్శనం’’ అని నివేదిక వ్యాఖ్యానించింది.

దేశంలో ఆరోగ్య సంరక్షణ వ్యవస్థ చాలా దారుణంగా ఉందని, ప్రజారోగ్యంపై వెచ్చించే ఖర్చులను ప్రభుత్వం పెంచి, మౌలిక సౌకర్యాల కల్పనకు తగిన చర్యలు తీసుకోవాలని సూచించింది. అయితే, ఆక్సిజన్ ధరల తగ్గింపుపై ఎన్‌పీపీఏను కోరినట్టు ఆరోగ్య-కుటుంబ సంక్షేమ శాఖ కార్యదర్శి గతేడాది అక్టోబరు 16న స్టాండింగ్ కమిటీకి తెలిపారు.

‘‘దేశవ్యాప్తంగా రోజుకు దాదాపు 6,900 మెట్రిక్ టన్నుల ఆక్సిజన్ ఉత్పత్తి అవుతుంది.. ఇందులో మెడికల్ ఆక్సిజన్ సెప్టెంబరు మధ్యలో, ఆ నెల 24 లేదా 25న అత్యధికంగా 3,000 మెట్రిక్ టన్నులు వినియోగించారు.. కరోనా వైరస్ వ్యాప్తితో మెడికల్ ఆక్సిజన్‌కు భారీగా డిమాండ్ ఏర్పడిందన్న ఆరోగ్య-కుటుంబ సంక్షేమ శాఖ వాదనతో కమిటీ ఏకీభవించింది ’’అని నివేదిక స్పష్టం చేసింది.

Leave a Reply

Your email address will not be published. Required fields are marked *

Next Post

CT, HRCT Scan ధరలు నిర్ణయించిన జగన్ సర్కార్‌.. ఇంత కంటే ఎక్కువ వసూలు చేశారో..!

Sun Apr 25 , 2021
కరోనా వైరస్ నేపథ్యంలో బాగా డిమాండ్ ఉన్న సీటీ, హెచ్ఆర్‌సీటీ స్కానింగ్‌లకు సంబంధించి ఏపీ ప్రభుత్వం ధరలను ఫిక్స్ చేసింది.