Paralympicsలో ఫైనల్‌కి చేరిన ప్రమోద్ భగత్.. గెలిస్తే పసిడి పతకం

పారాలింపిక్స్‌లో భారత్ పతకాల సంఖ్యని ప్రమోద్ భగత్ 14కి చేర్చాడు. ఫురుషుల సింగిల్స్‌లో ఈరోజు ఫైనల్‌కి చేరిన ప్రమోద్.. కనీసం రజత పతకాన్ని ఖాయం చేసుకున్నాడు.

ప్రధానాంశాలు:పారాలింపిక్స్‌లో భారత్‌కి మరో పతకం బ్యాడ్మింటన్‌లో ఫైనల్‌కి చేరిన ప్రమోద్జపాన్ షట్లర్‌పై సెమీస్‌లో గెలుపుభారత్‌కి కనీసం రజత పతకం ఖాయంటోక్యో వేదికగా జరుగుతున్న పారాలింపిక్స్‌లో భారత్‌కి మరో పతకం ఖాయమైంది. ఫురుషుల సింగిల్స్‌ SL3 బ్యాడ్మింటన్‌ సెమీ ఫైనల్లో శనివారం పోటీపడిన ప్రమోద్ భగత్.. జపాన్ షట్లర్ ఫుజిహరాపై వరుస సెట్లలో విజయం సాధించి ఫైనల్లో అడుగుపెట్టాడు. దాంతో.. భారత్‌కి కనీసం రజత పతకం ఖాయమవగా.. ఫైనల్లో గెలిస్తే ప్రమోద్‌కి పసిడి దక్కనుంది. పారాలింపిక్స్‌లో ప్రమోద్ ఆడుతుండటం ఇదే తొలిసారి.

ఈరోజు ఉదయం జరిగిన సెమీ ఫైనల్ మ్యాచ్‌లో తొలి సెట్‌ని 21-11తో అలవోకగా చేజిక్కించుకున్న ప్రమోద్ భగత్‌కి.. రెండో సెట్‌లో కాస్త ప్రతిఘటన ఎదురైంది. సెట్ మధ్యలో పుంజుకున్న జపాన్ షట్లర్.. గట్టి పోటీనిచ్చాడు. కానీ.. చివర్లో వరుసగా పాయింట్లు సాధించిన ప్రమోద్ రెండో సెట్‌ని కూడా 21-16తో చేజిక్కించుకుని ఫైనల్‌కి అర్హత సాధించాడు. వరల్డ్ ర్యాంకింగ్స్‌లో నెం.1 స్థానంలో ఉన్న ప్రమోద్.. సింగిల్స్‌తో పాటు డబుల్స్‌లోనూ పోటీపడుతుంటాడు. ఒడిశాకి చెందిన ప్రమోద్‌‌కి చిన్నతనంలోనే పోలియో సోకింది. దాంతో.. ఎడమ కాలు దెబ్బతింది.

పారాలింపిక్స్‌లో భారత్‌ ఇప్పటికే 13 పతకాలు దక్కగా.. ప్రమోద్ ఆ పతకాల సంఖ్యని 14కి చేర్చాడు. ఇందులో రెండు పసిడి, ఆరు రజత పతకాలు ఉండగా.. ఐదు కాంస్యాలు ఉన్నాయి. ప్రమోద్‌కి పసిడి లేదా రజత పతకం దక్కే అవకాశం ఉంది.

Leave a Reply

Your email address will not be published. Required fields are marked *

Next Post

రూ.15 వేలు గెలిచే అవకాశం.. ఇలా చేస్తే చాలు!

Sat Sep 4 , 2021
అమెజాన్ తన క్విజ్‌లో నేడు(సెప్టెంబర్ 4వ తేదీ) అడిగిన ప్రశ్నలు, వాటి సమాధానాలు ఇవే. ఈ ప్రశ్నలకు సరైన సమాధానాలు చెప్తే రూ.15 వేల నగదు గెలుచుకునే అవకాశం లభిస్తుంది.