Babar Azam రికార్డ్ శతకం.. అయినా పాక్‌కి తప్పని క్లీన్‌స్వీప్

పాకిస్థాన్‌ని క్లీన్‌స్వీప్ నుంచి తప్పించేందుకు కెప్టెన్ బాబర్ అజామ్ రికార్డు శతకం బాదేశాడు. కానీ.. బౌలింగ్‌లో విఫలమైన పాక్ టీమ్ జేమ్స్ విన్స్ దెబ్బకి ఓడిపోయింది.

ప్రధానాంశాలు:ఇంగ్లాండ్‌పై మూడో వన్డేలో శతకం బాదిన బాబర్ అజామ్ఛేదనలో ఇంగ్లాండ్ టీమ్‌ని గెలిపించిన జేమ్స్ విన్స్మూడు వన్డేల సిరీస్‌లో పాకిస్థాన్ 0-3తో క్లీన్‌స్వీప్వన్డే క్రికెట్‌లో బాబర్ అజామ్ అరుదైన ఘనత ఇంగ్లాండ్ గడ్డపై పాకిస్థాన్ పేలవ ప్రదర్శన కొనసాగుతోంది. బర్మింగ్‌హామ్ వేదికగా తాజాగా జరిగిన మూడో వన్డేలో టాస్ ఓడి మొదట బ్యాటింగ్ చేసిన పాకిస్థాన్.. కెప్టెన్ బాబర్ అజామ్ (158: 139 బంతుల్లో 14×4, 4×6) సెంచరీ బాదడంతో 9 వికెట్ల నష్టానికి 331 పరుగులు చేసింది. లక్ష్యాన్ని ఇంగ్లాండ్ టీమ్.. జేమ్స్ విన్స్ (102: 95 బంతుల్లో 11×4) సెంచరీ బాదడంతో మరో 12 బంతులు మిగిలి ఉండగానే 332/7తో ఛేదించేసింది. దాంతో పాకిస్థాన్‌కి మూడు వన్డేల సిరీస్‌లో 0-3తో క్లీన్‌స్వీప్ తప్పలేదు. ఇక శుక్రవారం నుంచి మూడు టీ20ల సిరీస్ ప్రారంభంకానుంది.

ఫస్ట్ రెండు వన్డేల్లో ఫెయిలైన కెప్టెన్ బాబర్ అజామ్.. మూడో వన్డేలో సెంచరీతో గొప్ప పోరాట పటిమని కనబర్చాడు. అతనికి ఓపెనర్ ఇమామ్ ఉల్ హక్ (56: 73 బంతుల్లో 7×4), రిజ్వాన్ (74: 58 బంతుల్లో 8×4) హాఫ్ సెంచరీలతో సహకారం అందించారు. కానీ.. స్లాగ్ ఓవర్లలో మక్సూద్ (8), హసన్ అలీ (4), అష్రఫ్ (10), షదాబ్ ఖాన్ (0), షాహీన్ అఫ్రిది (0) వరుసగా పెవిలియన్‌కి క్యూ కట్టారు. దాంతో.. ఒకానొక దశలో 350పై చిలుకు స్కోరు చేసేలా కనిపించిన పాకిస్థాన్.. ఆఖరికి 331 పరుగులతోనే సరిపెట్టుకోవాల్సి వచ్చింది. ఇంగ్లాండ్ బౌలర్లలో బ్రెండన్ ఐదు వికెట్లు పడగొట్టగా.. మహ్మద్ మూడు, పర్కీన్సన్ ఒక వికెట్ తీశాడు.

ఛేదనలో ఇంగ్లాండ్ టీమ్‌‌కి ఓపెనర్ ఫిలిప్ (37: 22 బంతుల్లో 7×4) మెరుపు ఆరంభాన్నివ్వగా.. మరో ఓపెనర్ డేవిడ్ మలాన్ (0) డకౌట్‌గా వెనుదిరిగాడు. అయినప్పటికీ.. నాలుగో స్థానంలో బ్యాటింగ్‌కి వెళ్లిన జేమ్స్ విన్స్ సెంచరీ బాదేయగా.. చివర్లో లావిస్ గ్రేగరీ (77: 69 బంతుల్లో 6×4, 3×6) జోరందుకున్నాడు. దాంతో.. 48 ఓవర్లలోనే ఇంగ్లాండ్ 3 వికెట్ల తేడాతో విజయాన్ని అందుకుంది. పాకిస్థాన్ బౌలర్లలో హరీస్ రౌఫ్ నాలుగు వికెట్లు పడగొట్టగా.. షదాబ్ ఖాన్ రెండు, హసన్ అలీ ఒక వికెట్ తీశాడు.

ఐసీసీ వన్డే ర్యాంకింగ్స్‌లో నెం.1 స్థానంలో ఉన్న బాబర్ అజామ్‌‌కి ఇది 14వ సెంచరీకాగా.. వన్డేల్లో వేగంగా 14వ శతకం మైలురాయిని అందుకున్న బ్యాట్స్‌మెన్‌గా అతను నిలిచాడు. బాబర్ 81వ ఇన్నింగ్స్‌లోనే ఈ మార్క్‌ని చేరుకోగా.. కోహ్లీ 103 ఇన్నింగ్స్‌ల్లో 14వ సెంచరీని అందుకోవడం గమనార్హం.

Leave a Reply

Your email address will not be published. Required fields are marked *

Next Post

కత్తి మహేష్ మృతిపై అనుమానాలు.. జగన్ సర్కార్ సంచలన నిర్ణయం

Wed Jul 14 , 2021
సినీ విమర్శకుడు కత్తి మహేశ్‌ మరణం పలు అనుమానాలకు తావిస్తున్న నేపథ్యంలో న్యాయ విచారణ చేపట్టాలని ఎమ్మార్పీఎస్ అధినేత మంద కృష్ణ మాదిగ చేసిన డిమాండ్‌కు ఏపీ ప్రభుత్వం స్పందించింది.