India playing XIలో మార్పుపై ఫీల్డింగ్ కోచ్ శ్రీధర్ క్లారిటీ

సౌథాంప్టన్‌లో వాతావరణ పరిస్థితులు నిమిషాల్లోనే మారిపోతుంటాయి. శుక్రవారం వర్షం కురవగా.. శనివారం కూడా పడే సూచనలు కనిపిస్తున్నాయి. దాంతో.. భారత్ ప్రకటించిన తుది జట్టులో…

ప్రధానాంశాలు:భారత్, న్యూజిలాండ్ మధ్య ఐసీసీ వరల్డ్ టెస్టు ఛాంపియన్‌షిప్ ఫైనల్శుక్రవారం కనీసం టాస్‌కి కూడా ఛాన్స్ ఇవ్వని వరుణుడుశనివారం అరగంట ముందే మ్యాచ్ స్టార్ట్ అయ్యే సూచనలుభారత్ తుది జట్టు మార్పుపై ఫీల్డింగ్ కోచ్ శ్రీధర్ క్లారిటీ న్యూజిలాండ్‌తో సౌథాంప్టన్ వేదికగా జరగనున్న ఐసీసీ వరల్డ్ టెస్టు ఛాంపియన్‌షిప్ ఫైనల్‌కి భారత తుది జట్టులో మార్పు చేయనుందా..? అనే ప్రశ్నకి ఫీల్డింగ్ కోచ్ ఆర్. శ్రీధర్ స్పష్టమైన సమాధానమిచ్చాడు. ఇంగ్లాండ్‌లోని సౌథాంప్టన్ వేదికగా శుక్రవారం మధ్యాహ్నం 3 గంటలకి ఈ మ్యాచ్ ప్రారంభంకావాల్సి ఉండగా.. వర్షం కారణంగా కనీసం టాస్ కూడా సాధ్యం కాలేదు. దాంతో.. శనివారం ఓ అరగంట ముందే మ్యాచ్‌ని ప్రారంభించే సూచనలు కనిపిస్తున్నాయి.

సౌథాంప్టన్‌లో శుక్రవారం వర్షం కురవగా.. శనివారం కూడా పడే సూచనలు కనిపిస్తున్నాయి. దాంతో.. పిచ్‌పై తేమని పూర్తిగా సద్వినియోగం చేసుకునేందుకు మరో స్పిన్నర్‌ని తుది జట్టులోకి భారత్ జట్టు తీసుకోనుందనే ఊహాగానాలు వినిపించాయి. కానీ.. గురువారం ప్రకటించిన తుది జట్టునే కొనసాగించబోతున్నట్లు ఆర్.శ్రీధర్ స్పష్టం చేశాడు. ‘‘వాతావరణ పరిస్థితులతో సంబంధం లేకుండా మేము తుది జట్టుని ఎంచుకున్నాం. ఈ టీమ్‌ ఏ పరిస్థితుల్లోనైనా.. ఏ పిచ్‌పై అయినా మెరుగైన ప్రదర్శన చేయగలదు. కాబట్టి.. ఏదైనా అత్యవసరం అయితే తప్ప తుది జట్టులో మార్పు ఉండబోదు’’ అని ఆర్.శ్రీధర్ వెల్లడించాడు.

ఫైనల్ మ్యాచ్ కోసం భారత్ ప్రకటించిన జట్టు ఇదే: విరాట్ కోహ్లీ (కెప్టెన్), అజింక్య రహానె (వైస్ కెప్టెన్), రోహిత్ శర్మ, శుభమన్ గిల్, చతేశ్వర్ పుజారా, రిషబ్ పంత్ (వికెట్ కీపర్), రవీంద్ర జడేజా, రవిచంద్రన్ అశ్విన్, జస్‌ప్రీత్ బుమ్రా, ఇషాంత్ శర్మ, మహ్మద్ షమీ

Leave a Reply

Your email address will not be published. Required fields are marked *

Next Post

ఉత్తర కొరియాలో తీవ్ర ఆహార సంక్షోభం.. కిలో అరటి పండ్లు 3,300, కాఫీ ప్యాకెట్ రూ. 7వేలు!

Sat Jun 19 , 2021
నిరంతరం అణ్వాయుధాల ప్రయోగాలతో ప్రపంచ దేశాలు ముఖ్యమంగా అగ్రరాజ్యం అమెరికా ఆగ్రహానికి గురయిన ఉత్తర కొరియాపై ఆంక్షలు కొనసాగుతుండగా... పులిమీద పుట్రలా కరోనా మరింత దెబ్బతీసింది.