కిమ్ దుందుడుకుతనం: రైలుపై నుంచి క్షిపణి పరీక్షలు.. పోటీగా జలాంతర్గామి నుంచి క్షిపణి ప్రయోగించి దక్షిణ కొరియా

ఉత్తర కొరియా దుందుడుకు వైఖరి కొనసాగుతోంది. రెండు రోజుల కింద సుదూర లక్ష్యాన్ని చేధించే క్రూయిజ్ క్షిపణిని పరీక్షించినట్టు ఉత్తర కొరియా.. మరో రెండు బాలిస్టిక్ క్షిపణులను ప్రయోగించినట్టు మీడియా వెల్లడించింది.

ప్రధానాంశాలు:వారంలోనే నాలుగు క్షిపణుల ప్రయోగం.రైలుపై నుంచి క్షిపణి పరీక్షించిన ఉత్తర కొరియా.పోటీగా సబ్-మెరైన్ నుంచి దక్షిణ కొరియా పరీక్ష?కొన్నాళ్ల పాటు ప్రశాంతంగా ఉన్న ఉత్తర కొరియా.. మళ్లీ వరుస క్షిపణి ప్రయోగాలతో హడలెత్తిస్తోంది. సోమవారం రెండు బాలిస్టిక్‌ క్షిపణులను ప్రయోగించి అమెరికా, దాని మిత్రదేశాలను కవ్వించిన ఉత్తర కొరియా.. గురువారం మరో క్షిపణిని పరీక్షించి ఇరుదేశాల ఉద్రిక్తలకు మరింత ఆజ్యం పోశారు. తొలిసారి ఓ రైలు నుంచి బాలిస్టిక్‌ క్షిపణిని ప్రయోగించినట్లు కొరియన్‌ సెంట్రల్‌ న్యూస్‌ ఏజెన్సీ వెల్లడించింది.

దట్టమైన పర్వత మధ్య ప్రాంతంలో ఉన్న రైలు వద్దకు.. ఆయుధ వ్యవస్థను తరలించి అక్కడి నుంచి విజయవంతంగా… క్షిపణిని పరీక్షించినట్లు చెప్పింది. రైలు నుంచి ప్రయోగించిన ఈ బాలిస్టిక్‌ క్షిపణి.. 800 కిలోమీటర్ల దూరంలో సముద్రంలో ఉన్న లక్ష్యాన్ని చేధించినట్టు కొరియన్‌ మీడియా పేర్కొంది. రైలు నుంచి వరుసగా రెండు క్షిపణులను ఉత్తర కొరియా పరీక్షించిందని తెలిపింది. దక్షిణ కొరియా తీరానికి సమీపంలోనే ఈ క్షిపణులు చేరినట్టు తెలుస్తోంది.

అటు, ఉత్తర కొరియాకు దీటుగా దక్షిణ కొరియా సబ్-మెరైన్ నుంచి బాలిస్టిక్ క్షిపణిని ప్రయోగించింది. దీంతో అణ్వాయుధాల లేకుండా జలాంతర్గామి నుంచి క్షిపణిని ప్రయోగించిన మొట్టమొదటి దేశంతో గుర్తింపు పొంది.
ఈ క్షిపణి పరీక్షకు దక్షిణ కొరియా అధ్యక్షుడు మూన్ కూడా హాజరయ్యారు. ఉత్తర కొరియా పరీక్షించిన రెండు బాలిస్టిక్ క్షిపణులు తూర్పు తీరంలో ల్యాండ్ అయినట్టు జపాన్, దక్షిణ కొరియా అధికారులు తెలిపారు.

ఉత్తర కొరియా పరీక్షించిన క్షిపణి తమ ప్రత్యేక ఆర్ధిక మండలిలోని ప్రాదేశిక జలాల్లోకి దూసుకొచ్చినట్టు జపాన్ రక్షణ మంత్రిత్వ శాఖ తెలిపింది. దక్షిణ కొరియా జాయింట్ చీఫ్ ఆఫ్ స్టాప్ ప్రకారం.. భూమికి 60 కిలోమీటర్ల ఎత్తులో గురువారం మధ్యాహ్న్ం 12.30 గంటలకు 800 కిలోమీటర్ల దూరంలోని లక్ష్యాలను చేధించే రెండు క్షిపణులను పరీక్షించింది.

ఉత్తర కొరియా తన ఆయుధ సంపత్తిని పెంచుకునే ప్రయత్నాలు కొనసాగిస్తోంది. మూడేళ్ల కిందట అమెరికా, ఉత్తర కొరియా మధ్య ఉద్రిక్తతలు కొనసాగడంతో ఎటువంటి పరిణామాలకు దారితీస్తుందోనని ప్రపంచ దేశాలు ఆందోళన వ్యక్తం చేశాయి. అయితే, అనూహ్యంగా నాటి అమెరికా అధ్యక్షుడు డొనాల్డ్ ట్రంప్, ఉత్తర కొరియా నియంత కిమ్ జోంగ్ ఉన్ మధ్య చర్చలు ప్రారంభమయ్యాయి.

అయితే, ఈ చర్చలు అర్ధాంతరంగా నిలిచిపోవడంతో పరిస్థితిలో ఎటువంటి మార్పు రాలేదు. కాగా, ఉత్తర కొరియా తాజా క్షిపణి పరీక్షలను అమెరికా తీవ్రంగా ఖండించింది. ఇది ఐక్యరాజ్యసమితి భద్రతా మండలి తీర్మానాన్ని ఉల్లంఘించడమేనని మండిపడింది. పొరుగు దేశాలను కవ్విస్తూ, వారిని బెదిరింపులకు పాల్పడుతోందని అమెరికా విదేశాంగ శాఖ అధికార ప్రతినిధి వ్యాఖ్యానించింది.

ఉత్తర కొరియా క్షిపణి పరీక్షల గురించి ఐక్యరాజ్యసమితి ఆందోళన చెందుతోందని యూఎన్ అధికార ప్రతినిధి స్టెఫాన్ డుజారిక్ అన్నారు. బుధవారం జరిగిన యుఎన్ సెక్యూరిటీ కౌన్సిల్ సమావేశంలో ఉత్తర కొరియా ప్రయోగాలను పెంచాలని యోచిస్తున్నట్లు ఫ్రాన్స్, ఎస్టోనియా దౌత్యవేత్తలు తెలిపారు. యుఎస్ మిలిటరీ ఇండో-పసిఫిక్ కమాండ్ మాట్లాడుతూ.. ఉత్తర కొరియా ప్రయోగాలు అమెరికా, దాని మిత్రదేశాలకు తక్షణ ముప్పు కలిగించలేవని, అయితే దాని అక్రమ ఆయుధాల కార్యక్రమం అస్థిరత కారణమవుతుందని చెప్పారు.

Leave a Reply

Your email address will not be published. Required fields are marked *

Next Post

బెల్లంకొండ శ్రీనివాస్ సినిమాపై లేటెస్ట్ అప్‌డేట్.. ఆయనతో జోడీ కట్టనున్న బాలీవుడ్ బ్యూటీ

Thu Sep 16 , 2021
టాలీవుడ్‌లో పలు సినిమాలు చేసి ప్రేక్షకులను అలరించిన బెల్లంకొండ శ్రీనివాస్.. త్వరలో బాలీవుడ్‌లో అడుగుపెడుతున్న విషయం తెలిసిందే. ఛత్రపతి సినిమా రీమేక్‌తో బాలీవుడ్ ఎంట్రీ ఇస్తున్న ఆయనకు లేటెస్ట్‌గా హీరోయిన్‌గా బాలీవుడ్ భామ సెట్ అయిందట.