ఈ నోకియా ఫోన్ వాడేవారికి గుడ్‌న్యూస్.. కొత్త అప్‌డేట్ వచ్చేసింది!

నోకియా 3.4 స్మార్ట్ ఫోన్‌కు ఆండ్రాయిడ్ 11 అప్‌డేట్‌ను కంపెనీ అందించింది. ఈ అప్‌డేట్ ద్వారా ఈ ఫోన్‌కు కొత్త ఫీచర్లు అందించనున్నారు. దీని ధర మనదేశంలో రూ.11,999గా నిర్ణయించారు.

ప్రధానాంశాలు:నోకియా 3.4కు ఆండ్రాయిడ్ 11ఒకేసారి 39 దేశాల్లో…నోకియా తన బడ్జెట్ ఫోన్ నోకియా 3.4కు ఆండ్రాయిడ్ 11 అప్‌డేట్‌ను అందించింది. ఈ అప్‌డేట్ దశలవారీగా అందుబాటులోకి రానుంది. ఒకేసారి 39 దేశాల్లో ఈ అప్‌డేట్‌ను నోకియా తీసుకువచ్చింది. ఈ అప్‌డేట్ సైజ్ 1.74 జీబీగా ఉంది. ప్రయారిటీ చాట్ ఫంక్షన్, చాట్ బబుల్స్, షెడ్యూల్డ్ డార్క్ థీమ్ కూడా ఈ ఫీచర్‌తో అందుబాటులోకి రానున్నాయి. ఇందులో క్వాల్ కాం స్నాప్ డ్రాగన్ 460 ప్రాసెసర్‌ను అందించారు.

నోకియా 3.4 ధర
ఇందులో ఒక్క వేరియంట్ మాత్రమే అందుబాటులో ఉంది. 4 జీబీ ర్యామ్ + 64 జీబీ స్టోరేజ్ ఉన్న ఈ వేరియంట్ ధరను రూ.11,999గా నిర్ణయించారు. చార్ కోల్, డస్క్, ఫోర్డ్ కలర్ ఆప్షన్లలో ఈ ఫోన్ కొనుగోలు చేయవచ్చు.
మోటో జీ50 5జీ వచ్చేసింది.. బడ్జెట్‌లోనే 5జీ ఫోన్!
నోకియా 3.4 స్పెసిఫికేషన్లు
ఆండ్రాయిడ్ 10 ఆపరేటింగ్ సిస్టంపై ఈ స్మార్ట్ ఫోన్ పనిచేయనుంది. ఇందులో 6.39 అంగుళాల హెచ్‌డీ+ డిస్ ప్లేను అందించారు. దీని డిస్ ప్లే యాస్పెక్ట్ రేషియో 19.5:9గా ఉంది. క్వాల్ కాం స్నాప్ డ్రాగన్ 460 ప్రాసెసర్‌పై ఈ స్మార్ట్ ఫోన్ పనిచేయనుంది. 4 జీబీ ర్యామ్, 64 జీబీ స్టోరేజ్ ఇందులో అందుబాటులో ఉంది. దీన్ని మైక్రో ఎస్‌డీ కార్డు ద్వారా 512 జీబీ వరకు పెంచుకునే అవకాశం ఉంది.

ఇక కెమెరాల విషయానికి వస్తే.. ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 13 మెగాపిక్సెల్ కాగా, దీంతోపాటు 5 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ డెప్త్ సెన్సార్ కూడా ఉన్నాయి. ముందువైపు సెల్ఫీలు, వీడియో కాల్స్ కోసం 8 మెగాపిక్సెల్ కెమెరాను అందించారు. దీని బ్యాటరీ సామర్థ్యం 4000 ఎంఏహెచ్‌గా ఉంది. 5W ఫాస్ట్ చార్జింగ్‌ను ఇది సపోర్ట్ చేయనుంది.

వైఫై, బ్లూటూత్ 4.2, జీపీఎస్/ఏ-జీపీఎస్, 3.5 ఎంఎం హెడ్ ఫోన్ జాక్, యూఎస్‌బీ టైప్-సీ పోర్టు కూడా ఇందులో ఉన్నాయి. యాంబియంట్ లైట్ సెన్సార్, ప్రాక్సిమిటీ సెన్సార్, యాక్సెలరో మీటర్, గైరో స్కోప్ సెన్సార్లను ఇందులో అందించారు. ఇందులో వెనకవైపు ఫింగర్ ప్రింట్ సెన్సార్ ఉంది. దీంతోపాటు ప్రత్యేకమైన గూగుల్ అసిస్టెంట్ బటన్ కూడా ఇందులో ఉంది. దీని మందం 0.87 సెంటీమీటర్లు కాగా, బరువు 180 గ్రాములుగా ఉంది.
రెండు కొత్త ల్యాప్‌టాప్‌లు లాంచ్ చేసిన ఎంఐ.. మంచి పెర్ఫార్మెన్స్ కోరుకునేవారికి బెస్ట్!

Leave a Reply

Your email address will not be published. Required fields are marked *

Next Post

మల్లా రెడ్డికి బిగ్‌ షాక్.. చిట్టా విప్పిన రేవంత్ రెడ్డి, చెంచాలతో వద్దంటూ చాలెంజ్

Fri Aug 27 , 2021
రాజీనామా చేసి రావాలని మంత్రి మల్లా రెడ్డి చేసిన సవాల్‌కి రెండు రోజులుగా స్పందించని టీపీసీసీ చీఫ్ రేవంత్ రెడ్డి దిమ్మతిరిగే షాకిచ్చారు. మల్లా రెడ్డి కాలేజీలు, ఆస్పత్రులు.. వాటి భూముల లెక్కలతో చిట్టా విప్పి మరీ మైండ్‌ బ్లాంక్ అయ్యేలా రిప్లై ఇచ్చారు.