అలా చేసేందుకు నేను సిద్ధంగా ఉన్నాను.. హీరోయిన్ సెన్సేషనల్ కామెంట్స్..

వెండితెరపై తన అందచందాలతో ప్రేక్షకులను అలరించిన బ్యూటీ నిక్కీ తంబోలి కీలక నిర్ణయం తీసుకుంది. గత నెలలో కరోనా బారిన పడిన ఈ బ్యూటీ.. ఈ మధ్యే పూర్తిస్థాయిలో కోలుకుంది. ఇప్పుడు కరోనాతో బాధపడుతూ.. వైద్య ఖర్చులు భరించలేని వారికి తన వంతు సహాయం అందించేందుకు ముందుకొచ్చింది.

దేశవ్యాప్తంగా కరోనా కారణంగా తీవ్ర సంక్షోభం ఏర్పడింది. ప్రతీ రోజు లక్షల సంఖ్యలో కొత్త కేసులు నమోదు కావడంతో చాలా ప్రాంతాల్లో సరైన వైద్యం సదుపాయాలు అందక ఎందరో ప్రాణాలు కోల్పోతున్నారు. ముఖ్యంగా ఆక్సిజన్ కొరత చాలా మంది ప్రాణాలను బలిగొంటోంది. అయితే కోవిడ్‌ నుంచి కోలుకున్న వారు తమ ప్లాస్మాను దానం చేస్తే.. దాని వల్ల కరోనా కారణంగా బాధపడుతున్న వారికి మెరుగైన చికిత్స అందించేందుకు అవకాశం ఉంది. అయితే కోవిడ్ నుంచి కోలుకున్న వారు అందరూ తమ ప్లాస్మాను దానం చేస్తుండగా.. కొందరు మాత్రం జంకుతున్నారు. అయితే ఎలాంటి భయం లేకుండా కరోనా నుంచి కోలుకున్న ప్రతీ ఒక్కరు తమ ప్లాస్మాను దానం చేయాలని నటి నిక్కీ తంబోలి కోరింది.

‘తిప్పరా మీసం’, ‘కాంచన-3’, ‘చీకటి గదిలో చితక్కొట్టుడు’ సినిమాలతో తెలుగు ప్రేక్షకులను అలరించిన నిక్కీ. అయితే గత నెలలో ఆమె కరోనా బారిన పడింది. దీంతో వెంటనే సెల్ఫ్ ఐసోలేషన్‌లోకి వెళ్లింది. వైద్యుల సూచనలతో తగిన చికిత్స తీసుకున్న నిక్కీ ఆ మహమ్మారి నుంచి కోలుకుంది. దీంతో ఇప్పుడు తన ఆరోగ్యం పూర్తిగా మెరుగ్గా ఉందని.. అవసరంలో ఉన్నవారికి ప్లాస్మా దానం చేసేందుకు తాను సిద్ధంగా ఉన్నానని ఈ భామ వెల్లడించింది. అంతేకాక.. కరోనా నుంచి కోలుకున్న ప్రతీ ఒక్కరు ప్లాస్మా దానం చేయాలని కోరింది.

‘‘కోవిడ్ బారిన పడిన రోగులకు ప్లాస్మా దానం చేసేందుకు నేను సిద్ధంగా ఉన్నాను. మీరు కూడా ప్లాస్మా దానం చేయండి. ఈ ఏడాది మార్చిలో నాకు కరోనా సోకింది. వెంటనే సెల్ఫ్ ఐసోలేషన్‌లోకి వెళ్లాను. ప్రస్తుతం నేను కోలుకున్నాను.. సురక్షితంగా ఉన్నాను. నా బ్లడ్ గ్రూప్ ‘O+’. ప్రభుత్వాస్పత్రిలో, లేక ప్లాస్మాను కొనుగోలు చేసే ఆర్థిక సామర్థ్యం లేని వారికి ప్లాస్మా దానం చేసేందుకు నేను సిద్ధంగా ఉన్నాను. నా సోదరుడు కూడా కరోనా బారిన పడ్డాడు. ప్రస్తుతం అతను చికిత్స తీసుకుంటున్నాడు. కరోనా కేసులు దేశవ్యాప్తంగా పెరుగుతున్న నేపథ్యంలో ప్రతీ ఒక్కరు జాగ్రత్తగా ఉండండి. ఈ పరిస్థితి త్వరగా మెరుగుపడాలని భావిస్తున్నా’’ అని నిక్కీ తెలిపింది. నిక్కీ తీసుకున్న ఈ నిర్ణయంపై సర్వత్ర ప్రశంసలు కురుస్తున్నాయి.

Leave a Reply

Your email address will not be published. Required fields are marked *

Next Post

ఏపీలో CT Scan ధరలపై జగన్ సర్కారు సంచలన నిర్ణయం.. మంత్రి నాని కీలక ఆదేశాలు

Mon Apr 26 , 2021
రాష్ట్రంలో కరోనా వైరస్ మహమ్మారి విలయతాండవం చేస్తున్న తరుణంలో జగన్ సర్కార్ కీలక ఆదేశాలు జారీ చేసింది.