cash for vote Case ఈడీ ఛార్జ్‌షీట్.. రేవంత్‌కు నాంపల్లి కోర్టు సమన్లు

తెలుగు రాష్ట్రాల్లో సంచలనం సృష్టించిన ఓటుకు నోటు కేసులో తెలంగాణ ప్రదేశ్ కాంగ్రెస్ కమిటీ అధ్యక్షుడు రేవంత్ రెడ్డి ఆరోపణలు ఎదుర్కొంటున్నారు. ఈ కేసుపై సుప్రీంలోనూ విచారణ కొనసాగుతోంది.

ప్రధానాంశాలు:నిందితులకు సమన్లు జారీచేసిన మెజిస్ట్రేట్ కోర్టు.సుప్రీంకోర్టులో కొనసాగుతున్న కేసు విచారణ.అక్టోబరు 4న హాజరుకావాలని రేవంత్‌కు ఆదేశం.ఓటుకు నోటు కేసులో ఈడీ చార్జిషీట్‌ను నాంపల్లి కోర్టు విచారణకు స్వీకరించింది. అనంతరం ఈ కేసులో నిందితులకు సమన్లు జారీచేసింది. తెలంగాణ పీసీసీ చీఫ్ రేవంత్ రెడ్డి, ఎమ్మెల్యే సండ్ర వెంకట వీరయ్యలను అక్టోబర్ 4 విచారణకు హాజరు కావాలని నాంపల్లి కోర్టు మెట్రోపాలిటన్ సెషన్స్ జడ్జి ఆదేశించారు. ఈ కేసులో సెబాస్టియన్, ఉదయ్ సింహా, మత్తయ్య జెరూసలేం, వేం కృష్ణ కీర్తన్‌కు కూడా సమన్లు జారీ అయ్యాయి. ఓటుకు నోటు కేసు తెలుగు రాష్ట్రాల్లో అప్పట్లో సంచలనం సృష్టించింది.

ఈ కేసులో అరెస్టయిన రేవంత్ రెడ్డి.. జైలు నుంచి బెయిల్‌పై విడుదలయ్యారు. తాజాగా ఈడీ చార్జీషీట్‌తో మరోసారి ఈ కేసు తెరపైకి వచ్చింది. మరోవైపు, ఓటుకు నోటు కేసు వ్యవహారంపై రేవంత్ రెడ్డి, వెంకట వీరయ్య సుప్రీంకోర్టులో పిటిషన్లు దాఖలు చేశారు. ఈ కేసు నుంచి తన పేరును తొలగించాలని సుప్రీంకోర్టులో సండ్ర పిటిషన్ దాఖలు చేయగా… దీనికి అవినీతి నిరోధక చట్టం వర్తించదంటూ రేవంత్ రెడ్డి పిటిషన్ వేశారు. రేవంత్, వంత్‌, సండ్ర వేర్వేరుగా దాఖలు చేసిన పిటిషన్లను కలిపి ద్విసభ్య ధర్మాసనం బుధవారం విచారణ జరిపింది.

వచ్చే మంగళవారంలోగా కౌంటర్‌ అఫిడవిట్‌ దాఖలు చేయాలని తెలంగాణ ప్రభుత్వాన్ని ఆదేశించింది. ఆ తర్వాత వారం రోజుల్లో దానికి సమాధానం ఇవ్వాలని పిటిషనర్లకు సూచించింది. తదుపరి విచారణను సెప్టెంబరు 7కు వాయిదా వేసింది. ఈ కేసు నుంచి సండ్ర పేరును తొలగించడానికి నిరాకరిస్తూ గతంలో హైకోర్టు ఉత్తర్వులివ్వడంతో ఆయన సుప్రీంకోర్టును ఆశ్రయించారు. అలాగే ఈ కేసును విచారించే అధికారం ఏసీబీ కోర్టుకు లేదంటూ రేవంత్‌ దాఖలు చేసిన పిటిషన్‌ను గతంలో హైకోర్టు కొట్టివేసింది.

ఓటుకు నోటు కేసు అవినీతి నిరోధక చట్టం కిందికి రాదని రేవంత్‌ తరఫున సీనియర్‌ న్యాయవాది సిద్ధార్థ్‌ లూథ్రా సుప్రీంకోర్టు ధర్మాసనానికి చెప్పారు. ఎమ్మెల్సీ ఎన్నికలు శాసనసభ కార్యకలాపాల్లో భాగం కాదని, ఎమ్మెల్యేలు పబ్లిక్‌ సర్వెంట్లని నరసింహారావు తీర్పులో సుప్రీంకోర్టు చెప్పినప్పటికీ రాజ్యాంగం ప్రకారం నిర్వచనం వేరని ఆయన అన్నారు. ఈ కేసులో అవినీతి నిరోధక చట్టాన్ని ఎలా ప్రయోగిస్తారని ఆయన ప్రశ్నించారు.

Leave a Reply

Your email address will not be published. Required fields are marked *

Next Post

ఎల్‌ఐసీ ఐపీవో.. ఆ 10 బ్యాంకులకు ఛాన్స్!

Sat Aug 28 , 2021
ఎల్‌ఐసీ ఐపీవో దిశగా వడివడిగా అడుగులు పడుతున్నాయి. కేంద్ర ప్రభుత్వం పది మర్చంట్ బ్యాంకర్లను ఎంపిక చేసినట్లు తెలుస్తోంది. ఇందులో ఎస్‌బీఐ క్యాప్స్ సహా పలు రకాల బ్యాంకులు ఉన్నాయి.