‘అనుమానం పెనుభూతం.. ఆదిలోనే తుంచేయాలి’: వేమన పద్యం గుర్తుచేస్తూ జగన్‌కు లేఖ

లెక్కాపత్రం లేకుండా రెండేళ్లలో రాష్ట్ర ప్రభుత్వం రూ.41వేల కోట్లను ఖర్చుచేసిందని, ఈ అంశంపై ప్రిన్సిపల్ అకౌంటెంట్ జనరల్ రాసిన లేఖను జతచేసి టీడీపీ గవర్నర్‌కు ఫిర్యాదు చేసింది.

ప్రధానాంశాలు:వేమన పద్యంతో జగన్‌కు ఎంపీ చురకలు.రూ.41వేల కోట్ల బిల్లులేని ఖర్చులపై విమర్శలు.ప్రజలకు సమాధానం చెప్పాలని డిమాండ్.ప్రభుత్వం ఖర్చుచేసిన రూ.41 వేల కోట్లకు వోచర్లు, రసీదులు లేవంటూ పీఏసీ ఛైర్మన్, టీడీపీ ఎమ్మెల్యే పయ్యావుల కేశవ్.. గవర్నర్‌కు ఫిర్యాదు చేసిన విషయం తెలిసిందే. తాజాగా, ఈ అంశంపై వైఎస్ఆర్సీపీ ఎంపీ రఘురామకృష్ణంరాజు సీఎం జగన్‌కు లేఖాస్త్రం సంధించారు. ఏపీ ట్రెజరీ కోడ్‌కు విరుద్ధంగా భారీ మొత్తం నిధులను బదిలీ చేసినట్టు స్పష్టంగా కనిపిస్తోందని ప్రతిపక్షాలు, సామాన్య ప్రజలు ఆరోపణలు గుప్పిస్తున్నారని లేఖలో పేర్కొన్నారు.

‘మొత్తం రూ.41,043.08 కోట్ల కు సంబంధించిన 10,806 బిల్లులను ప్రత్యేక కేటగిరీగా పేర్కొంటూ ట్రెజరీ కోడ్‌కు విరుద్ధంగా డ్రా చేశారని పేర్కొంటూ ముఖ్య అకౌంటెంట్ జనరల్ లతా మల్లికార్జున రాష్ట్ర ఆర్ధిక శాఖ ముఖ్య కార్యదర్శి ఎస్ ఎస్ రావత్‌కు లేఖ రాశారు. ఈ బిల్లులకు సంబంధించిన వోచర్లు, పత్రాలు, లాభితుల వివరాలు, డ్రాయింగ్ అండ్ డిస్బర్స్‌మెంట్ అధికారి సంతకాలు, బిల్లుల వర్గీకరణ లాంటి ఏ ఒక్క వివరం కూడా లేదు. అంటే మొత్తం నిధులకు సంబంధించిన బిల్లులను అనుమానాస్పద బిల్లుల కిందే పరిగణించాల్సి ఉంటుంది

ఇది చెల్లింపుల విధానంలోని అంతర్గత నిబంధనల డొల్లతనాన్ని బయటపెడుతోంది.. ఇంత పెద్ద మొత్తానికి లెక్కలు చూపకపోవడం పొరపాటున జరిగింది కాదు. కాబట్టి మరింత స్పష్టమై వివరాలతో, బాధ్యతాయుతమైన సమాధానం అవసరం.. గౌరవనీయులైన రాష్ట్ర ఆర్ధిక మంత్రి తగిన వివరాలతో సంతృప్తికరమైన సమాధానం చెప్పడానికి ముందుకు రావాలి. అలా కాకుండా సాధారణంగా మీడియా ముందుకు ప్రజా వ్యవహారాల సలహాదారుడే వచ్చి, దీనిపై కూడా వివరణ ఇవ్వడం సబబు కాదు’

ఏదో కంటితుడుపు చర్యగా సమాధానం సరికాదు. ఇందులో ఎంతో విలువైన ప్రజాధనం మిళితమై ఉంది. సరైన సమాధానం చెప్పకపోతే మరిన్నిఅనుమానాలుకు తావిచ్చినట్లు అవుతుంది. ఈ చెల్లింపులు ఎవరికి అందాయి? ఏ విధంగా జరిపారు? ప్రధాన కారణాలు ఏమిటి? అనేవి ప్రజల ముందుకు వివరణ రూపంలో రావాల్సిన అవసరం ఎంతైనా ఉంది’ అన్నారు.

‘ఉపాధి హామీ పథకం కింద పనులు చేసిన అతి చిన్న కాంట్రాక్టర్లకు చెల్లించాల్సిన బిల్లులను సమగ్ర ఆర్ధిక యాజమాన్య వ్యవస్థ (CFMS) సక్రమంగా పని చేయడం లేదని చెప్పి బిల్లుల చెల్లించని మీరు అదే వ్యవస్థ ద్వారా ఇంత పెద్ద మొత్తంలో చెల్లింపులు చేసయడం పలు అనుమానాలు తావిస్తోంది.. అనుమానం పెనుభూతం. దాన్ని ఆదిలోనే తుంచేయాలి..’

ఈ సందర్భంగా ప్రజలు కుమరగిరి వేమారెడ్డి పద్యాన్ని గుర్తుకు తెచ్చుకుంటున్నారు.. కుమారగిరి వేమారెడ్డి అంటే వేరెవరో కాదు యోగి వేమన. ఆయన రాయలసీమ ప్రాంతానికి చెందిన వాడే.. ‘తమకుగల్గు పెక్కు తప్పులుండగా.. ఓగు నేరమెంచు నోరులుగాంచి.. చక్కిలంబు గాంచి జంతికనగినట్లు.. విశ్వదాభి రామ వినురవేమ’ పై పద్యం చదివిన తర్వాత మీకు ప్రజల అభిప్రాయం తెలిసిందనుకుంటాను.. అందువల్ల మనం చేస్తున్న తప్పులపై జాగ్రత్తగా ఆత్మపరిశీలన చేసుకోవాల్సిన అవసరం ఉంది’ అంటూ ఘాటుగా లేఖ రాశారు.

Leave a Reply

Your email address will not be published. Required fields are marked *

Next Post

Team India మళ్లీ క్వారంటైన్‌లోకి.. కారణం ఏంటంటే..?

Sat Jul 10 , 2021
శ్రీలంక జట్టులో 48 గంటల వ్యవధిలో రెండు కరోనా కేసులు నమోదయ్యాయి. ఆ సంఖ్య పెరిగే సూచనలు కనిపిస్తుండటంతో భారత క్రికెటర్లని క్వారంటైన్‌లో ఉండాల్సిందిగా...