Moto G60: మొదటి సేల్ ఈరోజే.. అదిరిపోయే ఫీచర్లు.. లాంచ్ ఆఫర్ కూడా!

మోటొరోలా ఇటీవలే మనదేశంలో రెండు కొత్త ఫోన్లు లాంచ్ చేసిన సంగతి తెలిసిందే. అవే మోటో జీ60, మోటో జీ40 ఫ్యూజన్. వీటిలో మోటో జీ60 స్మార్ట్ ఫోన్ సేల్ మనదేశంలో నేడు(ఏప్రిల్ 27వ తేదీ) జరగనుంది. ఇందులో 108 మెగాపిక్సెల్ కెమెరాను అందించారు.

ప్రధానాంశాలు:మధ్యాహ్నం 12 గంటలకు ఫ్లిప్ కార్ట్‌లో సేల్ఈ బ ్యాంకు కార్డులతో కొంటే రూ.1,500 తగ్గింపుమోటో జీ60 స్మార్ట్ ఫోన్ సేల్ మనదేశంలో మొదటిసారి ఈరోజు జరగనుంది. మధ్యాహ్నం 12 గంటలకు ఫ్లిప్‌కార్ట్‌లో ఈ ఫోన్లు కొనుగోలు చేయవచ్చు. క్వాల్ కాం స్నాప్ డ్రాగన్ 732జీ ప్రాసెసర్, 6000 ఎంఏహెచ్ బ్యాటరీలు ఇందులో ఉన్నాయి. ఇందులో 108 మెగాపిక్సెల్ కెమెరాను అందించడం విశేషం.

మోటో జీ60 ధర
ఇందులో ఒక్క వేరియంట్ మాత్రమే అందుబాటులో ఉంది. 6 జీబీ ర్యామ్ + 128 జీబీ స్టోరేజ్ ఉన్న ఈ వేరియంట్ ధరను రూ.17,999గా నిర్ణయించారు. డైనమిక్ గ్రే, ఫ్రాస్టెడ్ షాంపేన్ రంగుల్లో ఈ ఫోన్ కొనుగోలు చేయవచ్చు. ఏప్రిల్ 27వ తేదీన మధ్యాహ్నం 12 గంటలకు ఈ ఫోన్ సేల్ ఫ్లిప్‌కార్ట్‌లో జరుగుతుంది. ఐసీఐసీఐ బ్యాంకు కార్డులతో కొనుగోలు చేస్తే రూ.1,500 ఇన్‌స్టంట్ డిస్కౌంట్ లభించనుంది.
శాంసంగ్ గెలాక్సీ ఎఫ్52 ఫీచర్లు లీక్.. త్వరలోనే లాంచ్.. 64 మెగాపిక్సెల్ కెమెరా!
మోటో జీ60 స్పెసిఫికేషన్లు
ఇందులో 6.8 అంగుళాల ఫుల్ హెచ్‌డీ+ డిస్ ప్లేను అందించారు. దీని రిఫ్రెష్ రేట్ 120 హెర్ట్జ్‌గా ఉంది. హెచ్‌డీఆర్10 సపోర్ట్ కూడా ఇందులో అందించడం విశేషం. క్వాల్ కాం స్నాప్ డ్రాగన్ 732జీ ప్రాసెసర్‌పై మోటో జీ60 పనిచేయనుంది. 6 జీబీ ర్యామ్, 128 జీబీ స్టోరేజ్‌ను ఇందులో అందించారు. దీన్ని మైక్రో ఎస్‌డీ కార్డు ద్వారా 1 టీబీ వరకు పెంచుకునే అవకాశం ఉంది.

ఇక కెమెరాల విషయానికి వస్తే.. ఇందులో వెనకవైపు మూడు కెమెరాలు అందుబాటులో ఉన్నాయి. వీటిలో ప్రధాన కెమెరా సామర్థ్యం 108 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ సెన్సార్, 2 మెగాపిక్సెల్ డెప్త్ షూటర్ కూడా ఉండనున్నాయి. సెల్ఫీలు, వీడియో కాల్స్ కోసం ముందువైపు 32 మెగాపిక్సెల్ కెమెరాను అందించారు.

ఆండ్రాయిడ్ 11 ఆపరేటింగ్ సిస్టంపై ఈ ఫోన్ పనిచేయనుంది. దీని బ్యాటరీ సామర్థ్యం 6000 ఎంఏహెచ్ కాగా, టర్బో 20 ఫాస్ట్ చార్జింగ్‌ను ఇది సపోర్ట్ చేయనుంది. 4జీ ఎల్టీఈ, వైఫై, బ్లూటూత్ వీ5.1, జీపీఎస్/ఏ-జీపీఎస్, యూఎస్‌బీ టైప్-సీ, 3.5 ఎంఎం హెడ్ ఫోన్ జాక్ వంటి కనెక్టివిటీ ఫీచర్లు ఇందులో మోటోరోలా అందించింది.
108 మెగాపిక్సెల్ కెమెరా, 5జీతో రానున్న నోకియా కొత్త ఫోన్.. లాంచ్ ఎప్పుడంటే?

Leave a Reply

Your email address will not be published. Required fields are marked *

Next Post

తెలంగాణలో కరోనా విలయం.. పదివేలు దాటిన పాజిటివ్ కేసులు

Tue Apr 27 , 2021
రాష్ట్రంలో మొత్తం కేసుల సంఖ్య 4,11,905కి చేరింది. కరోనా బారిన పడి తాజాగా 52 మంది చనిపోయారు. గ్రేటర్ పరిధిలో 1440 పాజిటివ్ కేసులు నమోదు అయ్యాయి. రోజురోజుకు కేసులు పెరగడంతో జనం తీవ్ర భయాందోళనలకు గురవుతున్నారు.