మోటో జీ50 5జీ వచ్చేసింది.. బడ్జెట్‌లోనే 5జీ ఫోన్!

ప్రముఖ స్మార్ట్ ఫోన్ బ్రాండ్ మోటొరోలా తన కొత్త బడ్జెట్ 5జీ ఫోన్‌ను లాంచ్ చేసింది. అదే మోటో జీ50 5జీ. ఈ ఫోన్ ప్రస్తుతానికి ఆస్ట్రేలియాలో లాంచ్ అయింది. మనదేశంలో ఎప్పుడు లాంచ్ కానుందో తెలియరాలేదు.

ప్రధానాంశాలు:ప్రస్తుతానికి ఆస్ట్రేలియాలో లాంచ్ధర రూ.21 వేల రేంజ్‌లో..మోటో జీ50 5జీ స్మార్ట్ ఫోన్ ఆస్ట్రేలియన్ మార్కెట్లో లాంచ్ అయింది. ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 48 మెగాపిక్సెల్‌గా ఉంది. మీడియాటెక్ డైమెన్సిటీ 700 ప్రాసెసర్‌పై ఈ ఫోన్ పనిచేయనుంది. దీని బ్యాటరీ సామర్థ్యం 5000 ఎంఏహెచ్‌గా ఉంది.

మోటో జీ50 5జీ ధర
ఇందులో కేవలం ఒక్క వేరియంట్ మాత్రమే అందుబాటులో ఉంది. 4 జీబీ ర్యామ్ + 128 జీబీ స్టోరేజ్‌తో వచ్చిన ఈ వేరియంట్ ధరను 399 ఆస్ట్రేలియన్ డాలర్లుగా(సుమారు రూ.21,500) నిర్ణయించారు. మెటీయోరైట్ గ్రే కలర్ ఆప్షన్‌లో ఈ ఫోన్ కొనుగోలు చేయవచ్చు. మనదేశంలో ఈ ఫోన్ ఎప్పుడు లాంచ్ కానుందో తెలియరాలేదు.
రెండు కొత్త ల్యాప్‌టాప్‌లు లాంచ్ చేసిన ఎంఐ.. మంచి పెర్ఫార్మెన్స్ కోరుకునేవారికి బెస్ట్!
మోటో జీ50 5జీ స్పెసిఫికేషన్లు
ఆండ్రాయిడ్ 11 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.5 అంగుళాల హెచ్‌డీ+ డిస్‌ప్లేను అందించారు. దీని స్క్రీన్ టు బాడీ రేషియో 85 శాతంగానూ, యాస్పెక్ట్ రేషియో 20:9గా ఉంది. ఈ ఫోన్ రిఫ్రెష్ రేట్ 90 హెర్ట్జ్‌గా ఉంది. మీడియాటెక్ డైమెన్సిటీ 700 ప్రాసెసర్‌పై ఈ ఫోన్ పనిచేయనుంది.

ఇక కెమెరాల విషయానికి వస్తే.. ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 48 మెగాపిక్సెల్ కాగా, దీంతోపాటు 2 మెగాపిక్సెల్ డెప్త్ సెన్సార్, 2 మెగాపిక్సెల్ మాక్రో లెన్స్ కూడా ఉన్నాయి. దీని బ్యాటరీ సామర్థ్యం 5000 ఎంఏహెచ్‌గా ఉంది. 15W ఫాస్ట్ చార్జింగ్‌ను ఇది సపోర్ట్ చేయనుంది.

ముందువైపు సెల్ఫీలు, వీడియో కాల్స్ కోసం 13 మెగాపిక్సెల్ కెమెరాను అందించారు. 5జీ, వైఫై, జీపీఎస్, ఎన్ఎఫ్‌సీ, యూఎస్‌బీ టైప్-సీ పోర్టు వంటి ఫీచర్లను ఇందులో అందించారు. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు.

4 జీబీ ర్యామ్, 128 జీబీ స్టోరేజ్‌ను ఇందులో అందించారు. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు. దీని మందం 0.93 సెంటీమీటర్లు కాగా, బరువు 206 గ్రాములుగా ఉంది.
రూ.4 వేలలోపే ఎంఐ అదిరిపోయే స్మార్ట్ బ్యాండ్.. అందుబాటులో ఆఫర్ కూడా!

Leave a Reply

Your email address will not be published. Required fields are marked *

Next Post

ఈ నోకియా ఫోన్ వాడేవారికి గుడ్‌న్యూస్.. కొత్త అప్‌డేట్ వచ్చేసింది!

Fri Aug 27 , 2021
నోకియా 3.4 స్మార్ట్ ఫోన్‌కు ఆండ్రాయిడ్ 11 అప్‌డేట్‌ను కంపెనీ అందించింది. ఈ అప్‌డేట్ ద్వారా ఈ ఫోన్‌కు కొత్త ఫీచర్లు అందించనున్నారు. దీని ధర మనదేశంలో రూ.11,999గా నిర్ణయించారు.