మోటో జీ20 వచ్చేసింది.. ధర రూ.14 వేలలోపే.. ఫీచర్లు ఎలా ఉన్నాయంటే?

ప్రముఖ స్మార్ట్ ఫోన్ బ్రాండ్ మోటొరోలా తన కొత్త ఫోన్ మోటో జీ20ని లాంచ్ చేసింది. ఆండ్రాయిడ్ 11 ఆధారిత మైయూఎక్స్ ఆపరేటింగ్ సిస్టంపై ఈ ఫోన్ పనిచేయనుంది. 5000 ఎంఏహెచ్ బ్యాటరీని కూడా ఇందులో అందించారు.

ప్రధానాంశాలు:48 మెగాపిక్సెల్ కెమెరా అందించిన మోటోఆండ్రాయిడ్ 11 ఆపరేటింగ్ సిస్టం కూడా..మోటో జీ20 స్మార్ట్ ఫోన్ యూరోప్‌లో లాంచ్ అయింది. ఇందులో యూనిసోక్ టీ700 ప్రాసెసర్‌ను అందించారు. 4 జీబీ ర్యామ్‌ను ఇందులో అందించారు. 128 జీబీ వరకు స్టోరేజ్ కూడా ఇందులో ఉంది. దీన్ని మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు. ఇందులో వెనకవైపు నాలుగు కెమెరాలు ఉన్నాయి. వీటిలో ప్రధాన కెమెరా సామర్థ్యం 48 మెగాపిక్సెల్ కాగా, ఆండ్రాయిడ్ 11 ఆపరేటింగ్ సిస్టం కూడా ఇందులో అందించారు.

మోటో జీ20 ధర
ఇందులో రెండు వేరియంట్లు అందుబాటులో ఉండనున్నాయి. వీటి ధరను కంపెనీ ఇంకా ప్రకటించలేదు. 4 జీబీ ర్యామ్ + 64 జీబీ స్టోరేజ్ వేరియంట్ ధర 149 యూరోలుగా(సుమారు రూ.13,500) ఉండనుందని 91మొబైల్స్ తెలిపింది. 128 జీబీ స్టోరేజ్ వేరియంట్ ధర తెలియరాలేదు. ఈ ఫోన్ సేల్ ఎప్పటినుంచి ప్రారంభం కానుందో తెలియరాలేదు. మనదేశంలో ఎప్పుడు లాంచ్ కానుందో కూడా తెలపలేదు.
ఐకూ 7 సిరీస్ వచ్చేసింది.. ఎంఐ 11ఎక్స్, వన్ ప్లస్‌ 9 సిరీస్‌కు సరైన పోటీ!
మోటో జీ20 స్పెసిఫికేషన్లు
ఆండ్రాయిడ్ 11 ఆధారిత మైయూఎక్స్ ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.5 అంగుళాల హెచ్‌డీ+ ఐపీఎస్ ఎల్సీడీ డిస్ ప్లేను అందించారు. దీని యాస్పెక్ట్ రేషియో 20:9గా ఉండనుంది. దీని స్క్రీన్ రిఫ్రెష్ రేట్ 90 హెర్ట్జ్‌గా ఉండనుంది. ఆక్టాకోర్ యూనిసోక్ టీ700 ప్రాసెసర్‌పై ఈ ఫోన్ పనిచేయనుంది. 4 జీబీ ర్యామ్, 128 జీబీ వరకు స్టోరేజ్ ఇందులో అందించనున్నారు. దీన్ని మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు.

ఇక కెమెరాల విషయానికి వస్తే.. ఇందులో వెనకవైపు నాలుగు కెమెరాలు ఉన్నాయి. వీటిలో ప్రధాన కెమెరా సామర్థ్యం 48 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ సెన్సార్, 2 మెగాపిక్సెల్ మాక్రో సెన్సార్ కూడా ఇందులో ఉండనున్నాయి. ఇక సెల్ఫీలు, వీడియో కాల్స్ కోసం ముందువైపు 13 మెగాపిక్సెల్ కెమెరాను అందించారు.

యూఎస్‌బీ టైప్-సీ పోర్టు, బ్లూటూత్ వీ5, ఎన్ఎఫ్‌సీ, 3.5 ఎంఎం హెడ్ ఫోన్ జాక్ వంటి కనెక్టివిటీ ఫీచర్లు ఇందులో ఉన్నాయి. దీని బ్యాటరీ సామర్థ్యం 5000 ఎంఏహెచ్‌గా ఉండగా, 10W ఫాస్ట్ చార్జింగ్‌ను సపోర్ట్ చేయనుంది. ఫోన్ వెనకవైపు ఫింగర్ ప్రింట్ సెన్సార్‌ను అందించారు. గూగుల్ అసిస్టెంట్ బటన్‌ను ఇందులో ప్రత్యేకంగా అందించారు.
24 గంటల్లో ఆటోమేటిక్‌గా డిలీట్.. స్నాప్‌చాట్ తరహా ఫీచర్ వాట్సాప్‌లో?

Leave a Reply

Your email address will not be published. Required fields are marked *

Next Post

ఏపీ ప్రజలకు సీఎం జగన్ గ్రేట్ న్యూస్: ఒక్కొక్కరికి ఉచితంగా 10 కేజీల బియ్యం.. ఇంటి వద్దకే..!

Mon Apr 26 , 2021
కరోనా వైరస్ నేపథ్యంలో ఉపాధి కోల్పోయి ఇబ్బందులు పడుతున్న పేద ప్రజలను ఆదుకునేందుకు జగన్ సర్కారు ముందుకొచ్చింది.