Kandikonda: తీవ్ర అనారోగ్యంతో ఆసుపత్రిలో చికిత్స పొందుతున్న కందికొండ.. మంత్రి కేటీఆర్ తక్షణ సాయం

టాలీవుడ్ గేయ రచయిత కందికొండ త్రోట్ క్యాన్సర్ వ్యాధితో అపోలో ఆసుపత్రిలో చికిత్స పొందుతున్నారు. ఈ విషయం తెలిసి మంత్రి కేటీఆర్ ఆయన కుటుంబానికి అండగా నిలిచారు.

ప్రముఖ గేయ రచయిత కందికొండ గత కొన్ని రోజులుగా తీవ్ర అనారోగ్యంతో బాధపడుతున్నారు. త్రోట్ క్యాన్సర్ వ్యాధితో ఆయన ఆరోగ్యం క్షీణించడంతో అపోలో ఆసుపత్రిలో చికిత్స అందిస్తున్నారు. గత 15 రోజులుగా ఆయనకు ట్రీట్‌మెంట్ జరుగుతోంది. అయితే రోజూ 70వేల రూపాయలకు పైగా ఆసుపత్రి ఖర్చులు చెల్లించాల్సి వస్తుండటంతో ఆయన కుటుంబం ఆర్థిక ఇబ్బందులు ఎదుర్కొంటోంది. ఈ విషయం తెలుసుకున్న మంత్రి, టీఆర్ఎస్ పార్టీ వర్కింగ్ ప్రెసిడెంట్ కేటీఆర్ వెంటనే స్పందించి కందికొండ కుటుంబ సభ్యులతో మాట్లాడారు. ఆ కుటుంబానికి ఆర్థిక భరోసా ఇస్తూ తక్షణ సాయం అందించారు.

కందికొండ చికిత్స వివరాలు, వారి కుటుంబ సభ్యుల ఆర్ధిక పరిస్థితి తెలుసుకున్న కేటీఆర్.. హాస్పిటల్ చికిత్స ఖర్చులు ముఖ్యమంత్రి సహాయ నిధి నుంచి అందేలా చర్యలు తీసుకున్నారు. ఈ మేరకు హాస్పిటల్ యాజమాన్యంతో మాట్లాడి కందికొండ కుటుంబ సభ్యులకు అండగా నిలిచారు. ఆయన చికిత్స వివరాలను ముఖ్యమంత్రి కార్యాలయానికి అందించి రెండు లక్షల 50 వేల రూపాయల తక్షణ సాయం అందేలా ఏర్పాటు చేశారు కేటీఆర్.

కందికొండ రాసిన పాటలు తెలంగాణ సంస్కృతి, సాంప్రదాయాలు చరిత్రకు అద్దం పట్టేలా ఉంటాయని, ఆయన సాహిత్య సేవ మరింత కాలం కొనసాగాలని, ఆయన సంపూర్ణ ఆరోగ్యంతో కోలుకుంటారని ఈ సందర్భంగా మంత్రి కేటీఆర్ అభిలషించారు. కేటీఆర్ సాయం అందడంతో కందికొండ కుటుంబం ఆర్థికంగా కాస్త ఊపిరి పీల్చుకుంది.
RRR: మెగా, నందమూరి ఫ్యాన్స్‌తో రాజమౌళి కబడ్డీ.. జక్కన్న ఎలా ప్లాన్ చేసినా అది మాత్రం కష్టమే!
తెలంగాణ సంస్కృతి, సాంప్రదాయాలు ఉట్టిపడేలా కొన్ని వందల పాటలు రాసిన కందికొండ.. టాలీవుడ్ హిట్ సినిమాలైన ''ఇట్లు శ్రావణి సుబ్రహ్మణ్యం, అమ్మ నాన్న ఓ తమిళ అమ్మాయి, దేశముదురు'' లాంటి సినిమాల్లో పాటలు రాశారు. దివంగత సంగీత దర్శకుడు చక్రితో కలిసి పలు సినిమాలకు పాటలు అందించారు. ఉమ్మడి వరంగల్ జిల్లాలో జన్మించిన కందికొండ ఉస్మానియా యూనివర్సిటీలో పీహెచ్‌డీ చేసి గేయ రచయితగా ఫేమ్ అయ్యారు.

Leave a Reply

Your email address will not be published. Required fields are marked *

Next Post

జర్నలిస్ట్ రఘు అరెస్ట్‌ వ్యవహారంపై.. డీజీపీకి హైకోర్టు ఆదేశం

Thu Jun 10 , 2021
ఈనెల 14 లోపు ఆ వివరాలు అన్నీ రఘు కుటుంబ సభ్యులకు ఇవ్వాలని హైకోర్టు డీజీపీకి ఆదేశాలు జారీ చేసింది. రఘు భార్య హైకోర్టులో పిటిషన్ దాఖలు చేశారు. దీంతో కేసుల వివరాలు అన్నీ ఇవ్వాలని కోర్టు ఆదేశించింది.