యంగ్ ఫోటో షేర్ చేసిన హరీశ్ రావు.. పక్కనే కేసీఆర్ కూడా

ఇది జీవిత కాల సాఫల్యం అంటూ భావోద్వేగంతో కూడిన ట్వీట్ చేశారు మంత్రి హరీశ్. లక్ష్యాన్ని ముద్దాడి నప్పుడే జన్మ ధన్య మైందని ట్వీట్‌లో పేర్కొన్నారు. హరీశ్ ఓ ఫోటోను కూడా షేర్ చేశారు.

ప్రధానాంశాలు:20 ఏళ్ల నాటి ఫోటో షేర్ చేసిన మంత్రి కేసీఆర్ పక్కనే యంగ్‌ లుక్‌లో హరీశ్ టీఆర్ఎస్ ఆవిర్భావ దినోత్సవం సందర్భంగా ట్వీట్ఇవాళ టీఆర్ఎస్ పార్టీ వార్షికోత్సవ దినోత్స‌వం. ఈ సంద‌ర్భంగా గులాబీ నేతలంతా సోషల్ మీడియా వేదికగా తెలంగాణ ప్రజలకు శుభాకాంక్షలు తెలిపారు. మంత్రి హ‌రీష్ రావు ట్విట్ట‌ర్ వేదిక‌గా తెలంగాణ ప్ర‌జ‌ల‌కు శుభాకాంక్ష‌లు తెలిపారు. ఒక సాహ‌సం చ‌రిత్ర గతిని మార్చింది. ఒక త్యాగం మరో చరిత్రను సృష్టించింది. కేసిఆర్ ఉక్కు సంకల్పం 60 ఏండ్ల కలను సాకారం చేసింది అని ట్వీట్‌లో పేర్కొన్నారు.

మరో ట్వీట్ కూడా చేశారు మంత్రి. ఉద్యమం నిప్పురవ్వగా మొదలైన రోజులు తలుచుకుంటే మనసు గర్వంతో నిండిపోతుంది. ఉద్యమం దావానలమై లక్ష్యాన్ని ముద్దాడినప్పుడు జన్మధన్యమైన సంతృప్తి. 20యేళ్లుగా కేసిఆర్ బాటలో నడుస్తున్న సైనికుడికి ఇదొక జీవిత కాల సాఫల్యం అని భావోద్వేగ‌మైన ట్వీట్ చేశారు మంత్రి హ‌రీష్ రావు. ఈ ట్వీట్‌తో పాటు కేసీఆర్‌తో ఆనాడు దిగిన ఫోటోను కూడా షేర్ చేశారు హరీశ్. ఈ ఫోటోలో హరీశ్ యంగ్ లుక్‌లో కనిపించారు.

మరోవైపు కవిత కూడా తెలంగాణ రాష్ట్ర సమితి (టీఆర్ఎస్) పార్టీ 20 ఏళ్ళు పూర్తి చేసుకున్న సందర్భంగా ట్వీట్ చేశారు. కొందరికి అవరోధాలు అడ్డంకిగా మారితే, మరికొందరిని గొప్ప వ్యక్తులుగా తయారు చేస్తాయన్న నెల్సన్ మండేలా సూక్తిని ఆమె ట్వీట్ చేశారు. తెలంగాణ ప్రజల స్వేచ్ఛ కోసం తన జీవితాన్ని త్యాగం చేసే స్థాయికి వెళ్ళిన నిజమైన నాయకుడు కేసీఆర్ అని పేర్కొన్నారు. ఈ సందర్భంగా కేసీఆర్‌కు కవిత సెల్యూట్ చేశారు.

Leave a Reply

Your email address will not be published. Required fields are marked *

Next Post

సీఎం జగన్‌కు ఊహించని షాక్.. బెయిల్ రద్దు పిటిషన్‌పై కోర్టు సంచలన నిర్ణయం

Tue Apr 27 , 2021
జగన్ బెయిల్ రద్దు చేయాలని సీబీఐ కోర్టులో నర్సాపురం ఎంపీ రఘురామకృష్ణ రాజు ఈ పిటిషన్ వేశారు.. దీనిపై కోర్టు విచారణ జరపగా.. పిటీషన్ అర్హతపై కోర్టులో వాదనలు జరిగాయి. జడ్జి ఇవాళ విచారణ జరపాలా లేదా అన్నదానిపై తీర్పును వెలువరించారు.