భారత్‌ పరిస్థితికి చలించిపోయిన మైక్రోసాఫ్ట్, గూగుల్.. భారీ సాయం ప్రకటన

India Covid Fight ప్రపంచంలో మరే దేశంలోనూ విధంగా భారత్‌లో కరోనా మహమ్మారి కరాళనృత్యం చేస్తోంది. గత ఐదు రోజులుగా పాజిటివ్ కేసులు మూడులక్షలకుపైగా నమోదవుతున్నాయి.

ప్రధానాంశాలు:భారత్‌కు గూగుల్ రూ.135 కోట్ల సాయం.కోవిడ్‌పై పోరాటంలో మైక్రోసాఫ్ట్ మద్దతు.అమెరికా అధ్యక్షుడు కీలక ప్రకటన.భారత్‌లో కరోనా సృష్టిస్తున్న విలయంపై స్పందిస్తున్న ప్రపంచ దేశాలు.. కష్టకాలంలో సాయానికి ముందుకొస్తున్నాయి. పలు దేశాధినేతలు భారత్‌కు సంఘీభావం తెలుపుతున్నారు. భారత్‌లో నెలకున్న పరిస్థితులపై తాజాగా గూగుల్, మైక్రోసాఫ్ట్‌లు తమ వంతు సాయం ప్రకటించాయి. భారత్‌లో పరిస్థితి చూసి తన హృదయం ముక్కలైందని మైక్రోసాఫ్ట్ సీఈఓ సత్య నాదేళ్ల ఆవేదన వ్యక్తం చేశారు.

భారత్‌కు రూ.135 కోట్ల ఆర్ధిక సాయం చేస్తున్నట్టు గూగుల్ సీఈఓ సుందర్ పిచాయ్ ట్విట్టర్ ద్వారా వెల్లడించారు. ఈ నిధులను యునిసెఫ్ ద్వారా లాభాపేక్షలేకుండా అందజేస్తున్నట్టు తెలిపారు. వైద్య సామాగ్రి కోసం, అధిక-ముప్పు ఉన్న కమ్యూనిటీలకు మద్దతు ఇవ్వడం, ప్రాణాంతక వైరస్ గురించి క్లిష్టమైన సమాచారాన్ని వ్యాప్తి చేయడానికి భారత్‌కు ఈ మొత్తాన్ని ప్రకటించినట్టు పేర్కొన్నారు. భారత్‌లో తీవ్రతరం అవుతున్న కోవిడ్ సంక్షోభం దయనీయంగా ఉందని అన్నారు.

మైక్రోసాఫ్ట్ సీఈఓ సత్య నాదేళ్ల ట్విట్టర్‌లో స్పందించారు. ‘‘భారత్‌లో ప్రస్తుత పరిస్థితి చూసి నా హృదయం ముక్కలైంది… సంక్షోభ సమయంలో భారత్‌కు సాయం చేయడానికి ముందకొచ్చిన అమెరికాకు కృత‌జ్ఞ‌త‌లు… సహాయక చర్యలకు సాయానికి మైక్రోసాఫ్ట్ తన వాయిస్, వనరులు, సాంకేతిక పరిజ్ఞానాన్ని ఉపయోగించడం కొనసాగిస్తుంది.. క్లిష్టమైన మెడికల్ ఆక్సిజన్ ఉత్పత్తి పరికరాల కొనుగోలుకు మద్దతు ఇస్తుంది’’ అని తెలిపారు.

కష్టకాలంలో భారత్‌కు అండగా ఉంటామని అమెరికా అధ్యక్షుడు జో బైడెన్, ఉపాధ్యక్షురాలు కమలా హ్యారిస్‌లు ప్రకటించారు. ఇటు, పొరుగు దేశం పాకిస్థాన్ కూడా చలించిపోయింది. తనవంతు సాయం అందించేందుకు ముందుకొచ్చింది. భారత్‌కు తక్షణ సాయంగా వెంటిలేటర్లు, డిజిటల్ ఎక్స్‌రే యంత్రాలు, పీపీఈ కిట్లు ఇతర వైద్య సామగ్రిని అందించేందుకు సిద్ధంగా ఉన్నామని ప్రకటించింది. బ్రిటన్ కూడా వైద్య పరికరాలు సహా వెంటిలేటర్లు, ఆక్సిజన్ ఉత్పత్తికి అవసరమైన సామాగ్రిని పంపుతామని భరోసా ఇచ్చింది.

Leave a Reply

Your email address will not be published. Required fields are marked *

Next Post

కరోనా వారియర్స్‌కు గూగుల్ థ్యాంక్స్.. ఈరోజు డూడుల్ ఏంటంటే?

Mon Apr 26 , 2021
ప్రస్తుతం మనదేశంలో కరోనావైరస్ సెకండ్ వేవ్ మొదటివేవ్‌ను మించిన స్థాయిలో విజృంభిస్తున్న సంగతి తెలిసిందే. ఈ కరోనావైరస్ పోరాటంలో ఫ్రంట్ లైన్ వారియర్లకు, పరిశోధకులకు గూగుల్ డూడుల్ ద్వారా థ్యాంక్స్ చెప్పింది.